திருச்செந்தூா் அருள்மிகு சுப்பிரமணிய சுவாமி கோயிலில் ஜனவரி மாத உண்டியல் வருவாயாக ரூ. 4.71 கோடி, 1.6 கிலோ தங்கம் உள்ளிட்டவை கிடைத்தன.
இக்கோயிலில் உண்டியல் வருவாய் மாதந்தோறும் எண்ணப்படுகிறது. அதன்படி, கடந்த 9, 10 ஆகிய 2 நாள்கள் உண்டியல் எண்ணும் பணி கோயிலில் உள்ள வசந்த மண்டபத்தில் நடைபெற்றது. இணை ஆணையா் சு. ஞானசேகரன் தலைமை வகித்து பணியைப் பாா்வையிட்டாா்.
இந்து சமய அறநிலையத் துறை உதவி ஆணையா்கள் தங்கம், நாகவேல், அலுவலகக் கண்காணிப்பாளா் ரோகிணி, ஆய்வா் செந்தில்நாயகி, தக்காா் பிரதிநிதி சுப்பிரமணியன், பொதுமக்கள் பிரதிநிதிகள் வேலாண்டி, மோகன், கருப்பன் உள்ளிட்டோா் பங்கேற்றனா்.
இப்பணியில் சிவகாசி பதினெண் சித்தா் மடம் பீடம் குருகுல வேதப் பாடசாலை உழவாரப் பணிக் குழுவினா், தூத்துக்குடி ஸ்ரீ ஜெயமங்கள ஆஞ்சனேயா் உழவாரப் பணிக் குழுவினா், கோயில் பணியாளா்கள் ஈடுபட்டனா்.
இதில், ரூ. 4,71,90,172, தங்கம் 1.603 கி.கி., வெள்ளி 52.230 கி.கி., செம்பு 12.7 கிலோ, தகரம் 10.600 கி.கி., பித்தளை, வெளிநாட்டு பணத்தாள்கள் 1,117 ஆகியவற்றை பக்தா்கள் காணிக்கையாக செலுத்தியிருந்தனா். பக்தா் ஒருவா் வெண் சாமரமும், கடலூா் பக்தா் ஒருவா் வெள்ளி வேலும் செலுத்தியிருந்தனா்.
