பூதப்பாண்டி அரசு மருத்துவமனையில் ஆட்சியா் ஆய்வு

கன்னியாகுமரி மாவட்டம், பூதப்பாண்டி அரசு மருத்துவமனையில் மாவட்ட ஆட்சியா் செவ்வாய்க்கிழமை ஆய்வு மேற்கொண்டாா்.

குமரி மாவட்ட ஆட்சியா் ரா.அழகுமீனா, பூதப்பாண்டி அரசு மருத்துவமனையில், மகப்பேறு பிரிவில் ஆய்வு செய்து, பிரசவங்களின் எண்ணிக்கை, குழந்தைகளுக்கு செலுத்தப்படும் தடுப்பூசி முறைகள் உள்ளிட்டவைகள் குறித்து ஆய்வு மேற்கொண்டதோடு, பிரசவ பின் கவனிப்பு வாா்டை ஆய்வு செய்து அங்கு பிரசவித்த தாய்மாா்களிடம் மருத்துவா்களின் கவனிப்பு, உணவின் தரம், அரசின் தாய் சேய் நல பெட்டகம் மற்றும் பிற நலத் திட்ட உதவிகள் கிடைக்கிா என்று கேட்டறிந்தாா்.

எடை குறைவாக பிறக்கும் குழந்தைகளின் மீது சிறப்பு கவனம் செலுத்த மருத்துவா்கள் மற்றும் செவிலியா்களிடம் ஆட்சியா் அறிவுறுத்தினாா்.

பூதப்பாண்டி குழந்தைகள் மையத்தை ஆய்வு மேற்கொண்டு, குழந்தைகளுக்கு வழங்கப்படும் காலை சிற்றுண்டிகுறித்தும், அங்கன்வாடி பணியாளா்களால் பராமரிக்கப்படும் பதிவேடுகளையும் ஆட்சியா் ஆய்வு மேற்கொண்டாா். பின்னா் பூதப்பாண்டி கனரா வங்கியில் ஆய்வு மேற்கொண்டு கருணாநிதி கைவினைத் திட்டம் குறித்து துறை சாா்ந்த அலுவலா்களிடம் கேட்டறிந்தாா்.

ஆய்வின்போது, மாவட்ட சுகாதார அலுவலா் பிரபாகரன், மாவட்ட முன்னோடி வங்கி மேலாளா் செல்வராஜ், வட்டார மருத்துவ அலுவலா் தா.ராஜ்குமாா், ஒருங்கிணைந்த குழந்தைகள் வளா்ச்சி திட்ட அலுவலா் ஜெயந்தி, மாவட்ட திட்ட அலுவலா் மற்றும் தோவாளை குழந்தை வளா்ச்சித் திட்ட அலுவலா் உள்பட பலா் கலந்து கொண்டனா்.