மாா்த்தாண்டத்தில் சாலை மறியலில் ஈடுபட்ட பாமக மாநில துணைத் தலைவா் உள்பட 20 போ் மீது போலீஸாா் வழக்குப் பதிந்தனா்.
மாா்த்தாண்டம் மேம்பாலத்தின் கீழ் பகுதியில் தேசிய நெடுஞ்சாலையில் மழை நேரங்களில் வணிக நிறுவனங்களுக்குள் தண்ணீா் புகுவதை தடுக்கும் நோக்கில் அண்மையில் பணிகள் நடைபெற்றது.
இப்பணிகளில் முறைகேடு நடைபெற்றதாகக் கூறி பாமக சாா்பில் அக் கட்சியின் மாநில துணைத் தலைவா் ஆா். ஹரிஹரன் தலைமையில் மாா்த்தாண்டத்தில் வெள்ளிக்கிழமை சாலை மறியல் போராட்டம் நடைபெற்றது.
காவல்துறை அனுமதியின்றி, இப் போராட்டம் நடைபெற்றதாகக் கூறி, போராட்டத்தில் ஈடுபட்ட மாநில துணைத் தலைவா் ஹரிஹரன் மற்றும் கட்சியின் கன்னியாகுமரி மேற்கு மாவட்டச் செயலா் எம்.பி. ரவி உள்பட 20 போ் மீது போலீஸாா் வழக்குப் பதிவு செய்து விசாரணை மேற்கொண்டனா்.
