செய்திகள் :

மேகதாது விவகாரம்: ``முதல்வர் விஜய்யின் இந்தப் போக்கு பெரிய பிரச்னையைக் கொண்டுவரும்" - துரைமுருகன்

post image

`மேகதாதுவில் அணைக்கட்டுவது என் உரிமை. இதற்கு யார் எதிர்ப்பு தெரிவித்தாலும் எனக்கு கவலையில்லை' என கர்நாடக முதல்வர் டி.கே.சிவக்குமார் தெரிவித்திருந்தார். இதற்கிடையில், முன்னாள் காங்கிரஸ் தலைவர் சோனியா காந்தியின் சுயசரிதை நூல் வெளியீட்டு விழாவில் பங்கேற்பதற்காக, தமிழ்நாடு முதலமைச்சர் விஜய் இன்று டெல்லி செல்கிறார். இந்தப் பயணத்தின்போது, காவிரி ஆற்றின் குறுக்கே கர்நாடக அரசு முன்மொழிந்துள்ள மேகதாது அணைத் திட்டம் தொடர்பாக பிரதமர் நரேந்திர மோடியையும் அவர் சந்தித்துப் பேசக்கூடும் என எதிர்பார்ப்பு எழுந்துள்ளது. இது குறித்து முன்னாள் நீர்வளத்துறை அமைச்சர் துரைமுருகன் செய்தியாளர்களைச் சந்தித்துப் பேசினார்.

டி.கே.சிவக்குமார்
டி.கே.சிவக்குமார்

அப்போது, ``கர்நாடகா, அணை கட்டுவேன் எனச் சொல்கிறது. எனவே நான் டெல்லிக்குச் சென்று பிரதமரையோ அல்லது சம்பந்தப்பட்ட அமைச்சரையோ சந்திப்பேன் என முதல்வர் விஜய் கூறவே இல்லையே. நீங்களாக ஏன் அப்படியான செய்திகளை பரப்புகிறீர்கள். மேகதாது விவகாரம் தொடர்பாக தமிழக அரசு எந்த நடவடிக்கையையும் எடுத்ததாகத் தெரியவில்லை. கர்நாடக முதல்வரின் பேச்சுக்கு எங்களால் என்ன செய்ய முடியும்? எங்கள் தலைவர் தளபதி, முதல்வரிடம் 'அனைத்துக் கட்சிக் கூட்டத்தைக் கூட்டுங்கள்' என்று வலியுறுத்தினார்.

ஆனால், முதல்வர் அனைத்துக் கட்சிக் கூட்டத்தைக் கூட்ட மறுக்கிறார். அவர் எதற்காக டெல்லிக்குப் போகிறார் என்பதையே அவர் அதிகாரப்பூர்வமாக அறிவிக்கவில்லை. அவர் எதற்காகப் போனார் என்பதைத் தெரிந்துகொள்ள ஒரு ஜோசியரைத்தான் பார்க்க வேண்டும் போலிருக்கிறது. டெல்லி மட்டுமல்ல, கர்நாடகா, ஆந்திரா என அவர் எங்குச் சென்றாலும் அவர் எதற்காக சென்றார் என யாருக்கும் இப்போதுவரை தெரியாதுதானே? அணைக் கட்டுவேன் என சிவக்குமார் அழுத்தமாகச் சொன்னாலும், தமிழ்நாட்டின் ஒப்புதல் இன்றி எந்தக் கொம்பனாலும் அங்கே அணை கட்ட முடியாது. அதே நேரம், அவரின் பேச்சுக்கு ஒன்று எதிர் சவால் விட வேண்டும்.

முதல்வர் விஜய் - சந்திரபாபு நாயுடு
முதல்வர் விஜய் - சந்திரபாபு நாயுடு

இல்லையென்றால், அந்த அமைதியை ஆக்கப்பூர்வமான முறையில், சட்டமன்றத்தில் இருக்கின்ற கட்சிகளின் தலைவர்களை அழைத்து, `நிலைமை இவ்வாறு இருக்கிறது, நான் டெல்லிக்குச் செல்கிறேன். என்ன செய்யலாம்?' என ஆலோசிக்க வேண்டும். இது எதையும் செய்யமாட்டார் என்றால், இந்த மௌனத்தினுடைய விளைவாக தமிழ்நாட்டின் நியாயமான கோரிக்கை பொய்யாகப் போய்விடும். உச்ச நீதிமன்றம் அணை கட்டிக்கொள்ளுங்கள் என்று எந்தத் தீர்ப்பையும் கொடுக்கவில்லை. ஒரு வழக்கில் கேள்வி கேட்கும்போது, `தண்ணீர் இல்லை என்றால், சொந்தக்காரன் அணை கட்டினால் என்ன?' என்று நீதிபதிகள் ஒரு கருத்து மட்டுமே தெரிவித்தார்கள். அது தீர்ப்பு அல்ல.

அப்படியே தீர்ப்பு கொடுத்தாலும், எல்லோரும் அதை ஏற்றுக்கொள்கிறார்களா என்ன? முல்லைப் பெரியாறு அணையில் 152 அடி வரை தண்ணீர் தேக்கிக்கொள்ளலாம் என்று உச்ச நீதிமன்ற நீதிபதிகள்தானே தீர்ப்பு சொன்னார்கள்? அதை ஒத்துக்கொள்கிறார்களா? காவிரியில் எங்களுக்குத் தர வேண்டிய தண்ணீரை இதுவரை சரியாகக் கொடுத்திருக்கிறார்களா? தமிழக மக்களுக்கு இதனால் மிகப்பெரிய பாதிப்பு ஏற்படும். முதலமைச்சருடைய இந்தப் போக்கு, இவ்விஷயத்தில் ஒரு பெரிய பிரச்னையைக் கொண்டு வந்துவிடும் என்று நான் நினைக்கிறேன். இந்த விஷயத்தில் தொடர்ச்சியாக ஒன்றிய அரசுக்கு அழுத்தம் கொடுக்க வேண்டிய தமிழ்நாட்டின் மாநிலங்களவைப் பிரதிநிதி தமிழ்நாட்டுக்காரர் இல்லையே. அப்படியிருக்கும்போது, இந்த விஷயத்தில் தமிழ்நாடு மக்களுடைய உரிமையை அவர் எப்படிப் பாதுகாப்பார்?" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb

தலித் + இஸ்லாமியர் = 40% வாக்குகள்; சவாலான களத்தில் பாஜக எப்படி வெல்கிறது? | UP Election Explained

2027-ல் நடைபெறவுள்ள உத்தரப் பிரதேச சட்டமன்றத் தேர்தலுக்கு முன்னதாக, எதிர்க்கட்சிகளின் கூட்டணிக்குள் புதிய பிளவுகளும் போட்டி அணிகளும் உருவாகியுள்ளன. ஆளும் பாஜகவை மூன்றாவது முறையாக ஆட்சிக்கு வரவிடாமல் த... மேலும் பார்க்க

``தவெக ஆட்சியில் விசிக அமைச்சரும் Reels எடுத்தே தீர வேண்டுமா?" - டிடிவி தினகரன் கேள்வி!

நீலகிரி மாவட்டம், மசினகுடி பகுதியில் நவம்பா் 10-ம் தேதி நலத்திட்ட உதவி மற்றும் ஆய்வுப் பணிகளை மேற்கொள்ள வந்த தமிழ்நாடு அரசின் சமூக நீதித்துறை அமைச்சா் வன்னி அரசை முதுமலை புலிகள் காப்பகத்தில் தடை செய்ய... மேலும் பார்க்க

``14 ஆண்டுகால திருமண உறவை முடிவுக்கு கொண்டு வருகிறோம்" - அமைச்சர் ஆதவ் அர்ஜுனா மனைவி டெய்ஸி பதிவு!

அமைச்சர் ஆதவ் அர்ஜுனாவுடனான திருமண உறவை முடிவுக்கு கொண்டுவருவதாக அவரின் மனைவி அறிவித்திருக்கிறார். இது தொடர்பாக அவர் வெளியிட்டிருக்கும் அறிக்கையில், ``14 ஆண்டுகளாக ஒருவரையொருவர் வாழ்வில் பங்கெடுத்துக்... மேலும் பார்க்க

'எந்தக் கட்சி ஆட்சிக்கு வந்தாலும், கே.என்.நேருவுக்கு ஸ்பெஷல் கவனிப்பு இருக்கும்' - கனிமொழி

கே.என்.நேருவின் இல்லத்திருமண விழா இன்று (நவ.16) நடைபெற்றது. இந்தத் திருமணத்தை திமுக தலைவர் ஸ்டாலின் நடத்தி வைத்தார். திமுகவினர் பலரும் கலந்துகொண்டனர். அந்தவகையில் இந்தத் திருமணத்தில் கலந்துகொண்டு பேசி... மேலும் பார்க்க

``சூரசம்ஹார விழாவில் ` முதல்வருக்கு அரோகரா' முழக்கம்; மரபுகளை அவமதிக்கும் செயல்!"- அண்ணாமலை கண்டனம்

திருச்செந்தூரில் நேற்று நடைபெற்ற சூரசம்ஹார விழாவின்போது, இந்து சமய அறநிலையத்துறை குழு உறுப்பினரான வேல்முருகன், தமிழக முதலமைச்சருக்கு “அரோகரா”, இந்து சமய அறநிலையத் துறை அமைச்சருக்கு "அரோகரா" என முழக்கம... மேலும் பார்க்க

பிரான்ஸ் போராட்டம் உலகிற்கு என்ன சொல்கிறது? - Gen Z எழுச்சியின் நேரடி சாட்சியங்கள்!

தென்னாசிய நாடான நேபாளத்தில் ஆட்சியையே கவிழ்த்த இளம் தலைமுறையின் போராட்டம், இந்தியாவில் நீட் (NEET) மற்றும் வேலைவாய்ப்பு விவகாரங்களில் டெல்லி வீதிகளில் எதிரொலித்த மாணவர்களின் ஆவேசக் குரல்கள்... என உலகி... மேலும் பார்க்க