செய்திகள் :

டாக்டராக மாறிய செக்யூரிட்டி; ஓ.பி சீட் வழங்கும் தூய்மை பணியாளர் - கறம்பக்குடி அரசு மருத்துவமனை அவலம்

post image

"அரசு மருத்துவமனை என்பது ஏழை, எளிய மக்களின் உயிர் காக்கும் கோயில்" என்பார்கள். ஆனால், புதுக்கோட்டை மாவட்டம், கறம்பக்குடி அரசு மருத்துவமனையில் நடக்கும் சம்பவங்களை பார்த்தால், "இங்கு சிகிச்சைக்குப் போவதே உயிருக்கு உலை வைக்கும் போலிருக்கிறதே!" என்று பதறுகிறார்கள் அப்பகுதி மக்கள்.

மருத்துவர்கள், செவிலியர்கள் செய்ய வேண்டிய சிகிச்சைப் பணிகளைப் பணியாளர்கள் செய்யும் அதிர்ச்சி வீடியோ ஒன்று சமூக வலைதளங்களில் பரவி, ஒட்டுமொத்த சுகாதாரத் துறையையும் அதிர்ச்சி அடைய வைத்துள்ளது.

கறம்பக்குடி தாலுகாவைச் சுற்றியுள்ள ஒரு லட்சத்திற்கும் மேற்பட்ட மக்களின் ஒரே நம்பிக்கை இந்த அரசு மருத்துவமனைதான். நாள்தோறும் 500-க்கும் மேற்பட்ட புறநோயாளிகளும், 30-க்கும் மேற்பட்ட உள்நோயாளிகளும் இங்கு சிகிச்சை பெற்றுச் செல்கின்றனர். 24 மணி நேரமும் பரபரப்பாக இயங்க வேண்டிய இந்த மருத்துவமனையில், போதிய டாக்டர்களும், செவிலியர்களும் இல்லை என்பது பல ஆண்டுகளாகத் தீராத பிரச்னையாக தொடர்கிறது.

ஆள் பற்றாக்குறையைச் சமாளிக்க, ஒப்பந்த அடிப்படையில் பணிபுரியும் தனியார் தூய்மைப் பணியாளர்களை ஓ.பி. சீட்டு வழங்குவது உள்ளிட்ட மருத்துவமனை நிர்வாகப் பணிகளில் ஈடுபடுத்தி வந்தனர். சமீபத்தில்தான் இந்தத் தனியார் பணியாளர்களுக்குச் சீருடை கட்டாயமாக்கப்பட்டது.

வைரலான அந்த அதிர்ச்சி வீடியோ!

இந்த நிலையில்தான், தனியார் சீருடை அணிந்த செக்யூரிட்டி பணியாளர் ஒருவர், சற்றும் தயக்கமின்றி டாக்டர் போல நோயாளியைப் பரிசோதிக்கும் வீடியோ ஒன்று வெளியாகி அதிர்ச்சியை ஏற்படுத்தியுள்ளது. "தூய்மைப் பணிகள் செய்பவர் ஓ.பி. சீட் வழங்குவதும், செக்யூரிட்டிகள் டாக்டர் போல நோயாளிகளைப் பரிசோதிப்பதும் என்ன கொடுமை?" என அந்த வீடியோவைப் பார்த்த பொதுமக்கள் கொந்தளிக்கிறார்கள்.

மக்களின் குமுறலும், அதிகாரிகளின் விளக்கமும்!

"மருத்துவமனையில் டாக்டர்கள், செவிலியர்கள், தொழில்நுட்பப் பணியாளர்கள் பற்றாக்குறை இருப்பது உண்மைதான். அதற்காக, முறையான மருத்துவப் பயிற்சியே இல்லாதவர்களை வைத்து நோயாளிகளுக்குச் சிகிச்சை அளிப்பது எந்த விதத்தில் நியாயம்? இது அப்பாவிப் பொதுமக்களின் உயிரோடு விளையாடும் செயல் இல்லையா?" எனக் கேள்வி எழுப்புகிறார்கள் சமூக ஆர்வலர்கள்.

இந்த விவகாரம் பூதாகரமாக வெடித்துள்ள நிலையில், இது குறித்து மாவட்ட சுகாதாரத் துறை இணை இயக்குநர் தரப்பில் விளக்கம் அளிக்கப்பட்டுள்ளது. அதில், "இந்தச் சம்பவம் குறித்து உரிய விசாரணை நடத்தப்பட்டு, சம்பந்தப்பட்டவர்கள் மீது உடனடியாகக் கடுமையான நடவடிக்கை எடுக்கப்படும்" எனத் தெரிவிக்கப்பட்டுள்ளது.

அதிகாரிகளின் இந்த உறுதிமொழி வெறும் வார்த்தைகளோடு நின்றுவிடாமல், மருத்துவமனையில் நேரில் ஆய்வு செய்து காலிப் பணியிடங்களை நிரப்ப வேண்டும் என்பதே கறம்பக்குடி மக்களின் ஒட்டுமொத்த எதிர்பார்ப்பாக உள்ளது.

”தவெக ஆட்சி நீடிக்காது என தன் ஆசையை ஸ்டாலின் வெளிப்படுத்தி வருகிறார்”- பெ.சண்முகம்!

தஞ்சாவூர் மாவட்டம், பிள்ளையார்பட்டியில் உள்ள மாரியம்மன் கோவிலுக்குச் சொந்தமான 23 ஏக்கர் நிலம் சமூக விரோதிகளால் ஆக்கிரமிப்பு செய்யப்பட்டுள்ளது. ஏரி மீட்புக் குழு சார்பில் ஆக்கிரமிப்பை அகற்ற வேண்டும் என... மேலும் பார்க்க

’எஸ்.பி. வேலுமணியிடம் பேசியது என்ன?’ – செங்கோட்டையன் விளக்கம்!

கோவை விமான நிலையத்தில் வருவாய்த் துறை அமைச்சர் செங்கோட்டையன் செய்தியாளர்களை சந்தித்தார். அப்போது பேசிய அவர், “முன்னாள் காலத்தை எதிர்த்து போரிட முடியும். முன்னாள் ஞானத்தை எதிர்த்து போரிட முடியும். ஆனால... மேலும் பார்க்க

”காவிரி நீரை பெறுவதில் தவெக அரசு மெத்தனம்; முதல்வர் விஜய் வாய்திறப்பதில்லை”- எடப்பாடி பழனிசாமி!

தஞ்சாவூரில் நடைபெற்ற அ.தி.மு.க நிர்வாகி இல்ல திருமண விழாவில் அக்கட்சியின் பொதுச் செயலாளர் எடப்பாடி பழனிசாமி கலந்துகொண்டு திருமணத்தை நடத்தி வைத்தார். பின்னர் எடப்பாடி பானிசாமி செய்தியாளர்களிடம் கூறிய... மேலும் பார்க்க

இடமலக்குடி: கேரளாவின் முதல் பழங்குடியினர் பஞ்சாயத்து; நிதி இல்லாமல் முடங்கிய அவலம்!

கேரள மாநிலத்தின் முதல் பழங்குடியினர் பஞ்சாயத்தான இடுக்கி மாவட்டம் இடமலக்குடி பஞ்சாயத்து, கடும் நிதி நெருக்கடியில் சிக்கி முற்றிலும் முடங்கியுள்ளது. ஒருபுறம் 6 மாதங்களாக ஊழியர்களுக்குச் சம்பளமில்லை; மற... மேலும் பார்க்க

`கள்ளக்குறிச்சி MLA ஆபாச தகவல் அனுப்பியது பணியிட துன்புறுத்தல் இல்லையா?' - நீதிபதி விக்டோரியா கௌரி

கள்ளக்குறிச்சி தவெக எம்.எல்.ஏ அருள் விக்னேஷ் மாவட்ட ஆட்சியர் பத்மஜாவுக்கு ஆபாசமாக மெசெஜ் அனுப்பியதாக கூறப்படுகிற விவகாரம், தமிழகம் முழுவதும் பலத்த அதிர்வலைகளை ஏற்படுத்தியிருக்கிறது. இந்த விவகாரத்தில் ... மேலும் பார்க்க

கொளத்தூர்: வி.எஸ்.பாபு மறைவு... தொகுதியை `காலி'யாக அறிவித்த சட்டப்பேரவைச் செயலகம்!

தவெக கொளத்தூர் சட்டமன்றத் தொகுதி உறுப்பினர் வி.எஸ். பாபு (75) காலமானதைத் தொடர்ந்து, அத்தொகுதி காலியானதாக தமிழ்நாடு சட்டப்பேரவைச் செயலகம் அதிகாரப்பூர்வமாக அறிவித்துள்ளது.கடந்த 2026 சட்டமன்றத் தேர்தலில்... மேலும் பார்க்க