நாகை பழைய கடற்கரையில் கடல் ஆமைகளின் முக்கியத்துவத்தை வலியுறுத்தி கல்லூரி மாணவ, மாணவிகளுக்கான மணல் சிற்ப போட்டியை ஆட்சியா் ப. ஆகாஷ் சனிக்கிழமை பாா்வையிட்டாா்.
கடலில் பங்குனி ஆமை, அலுங்காமை, பெருந்தலை ஆமை, தோனி ஆமை, ஓங்கில் ஆமை போன்ற வகைகள் உயிா் வாழ்கின்றன. கடலில் ஜெல்லி மீன்கள், நல்ல மீன்களின் குஞ்சுகளை சாப்பிடுவதால் கடலில் மீன்வளம் குறைகிறது. ஆனால், கடல் ஆமைகள் ஜெல்லி மீன்களையே சாப்பிடுவதால் கடலில் மின்வளம் பாதுகாக்கப்பட்டு மீனவ நண்பனாக
விளங்குகிறது. பவள பாறைகளில் உள்ள பாசிகளை உட்கொண்டு மீன் இனப்பெருக்கத்திற்கு உறுதுணையாக கடல் ஆமைகள் உள்ளன.
ஆலிவ் ரெட்லி ஆமை இனத்தில் முட்டைகளில் இருந்து வெளிவரும் ஆயிரம் குஞ்சுகளில் ஒரே ஒரு ஆமை குஞ்சு மட்டும்தான் பிழைத்து உயிா் வாழும். எனவே கடல் ஆமைகளை பாதுகாப்பது அவசியமான ஒன்றாகிறது.
எனவே தமிழக வனத்துறை சாா்பில் கடல் ஆமைகளின் முக்கியத்துவம் மற்றும் பாதுகாப்பை வலியுறுத்தி கல்லூரி மாணவ, மாணவிகளுக்கான மணல் சிற்ப போட்டி நாகை பழைய கடற்கரையில் சனிக்கிழமை நடைபெற்றது.
15-க்கும் மேற்பட்ட கல்லூரிகளிலிருந்து சுமாா் அறுபதுக்கும் மேற்பட்ட மாணவ, மாணவிகள் கலந்து கொண்டானா். தனியாா் பள்ளி மாணவ, மாணவிகளின், ஆமைகள் குறித்த விழிப்புணா்வு கலை நிகழ்ச்சி நடைபெற்றது.
நாகை மாவட்ட ஆட்சியா் ப. ஆகாஷ் மணல் சிற்ப போட்டியில் வெற்றி பெற்ற கல்லூரி மாணவ, மாணவிகளுக்கு சான்றிதழ் மற்றும் ரொக்கப் பரிசை வழங்கினாா்.
மாவட்ட வன அலுவலா் அபிஷேக் தோமா், மாவட்ட வருவாய் அலுவலா் ரா. பேபி, அரசு அலுவலா்கள் உள்ளிட்டோா் கலந்துகொண்டனா்.
