செய்திகள் :

கரூர்: 5 பேர் தற்கொலை விவகாரம்... விவாகரத்து பிரச்னை - அதிர்ச்சி சம்பவத்தின் உருக்கமான பின்னணி

post image

கரூர் நகர் பகுதியை ஒட்டியுள்ள வாங்கப்பாளையம் பகுதியைச் சேர்ந்த தி.மு.க பிரமுகர் கண்ணன். இவரது தந்தை ராமசாமி (63), தாய் ஜானகி (60), சகோதரி சுகுணா ( 35). இவருக்கு வேலாயுதம்பாளையத்தைச் சேர்ந்த பிரபு என்பவருடன் திருமணமாகி 11 ஆண்டுகள் ஆகிறது. இவர்களுக்கு, சிவானி (10), ஆதிரன் (4) என இரண்டு குழந்தைகள் உள்ளனர்.

இந்நிலையில், கரூர் வேலாயுதம்பாளையத்தில் வசித்து வந்த பிரபு மற்றும் சுகுணா இடையே அடிக்கடி கருத்து வேறுபாடு ஏற்பட்டு வந்ததாகவும், இதனால் பிரபு நீதிமன்றம் சென்று விவாகரத்து கேட்டு நோட்டீஸ் அனுப்பியதாக கூறப்படுகிறது. இதற்கிடையே, கடந்த நவம்பர் 7 - ம் தேதி தீபாவளி பண்டிகைக்காக வாங்கப்பாளையத்தில் உள்ள தி.மு.க பிரமுகர் கண்ணன் வீட்டிற்கு குழந்தைகளை அழைத்துக் கொண்டு வந்த சகோதரி சுகுணா குடும்பப் பிரச்னை குறித்து மனவிரக்தியில் இருந்துள்ளார் .

suicide

இது குறித்து தந்தை ராமசாமி மற்றும் தாய் ஜானகி ஆகியோரிடம் குடும்பத்தில் நடந்த பல்வேறு சம்பவங்களை கூறி அழுது புலம்பி உள்ளார். இதனால், அவரது பெற்றோருக்கும் மன உளைச்சல் அதிகமானதாக கூறப்படுகிறது. இந்நிலையில்தான், கரூர் வாங்கப்பாளையத்தில் இருந்து காரில் ராமசாமி மற்றும் ஜானகி சுகுணா மற்றும் குழந்தைகள் இருவர் என 5 பேர் வாங்கல் அருகே உள்ள சின்ன காளிபாளையம் தோட்டத்திற்கு சென்று வருவதாக கூறி சென்றவர்கள் வீடு திரும்பவில்லை.

இந்நிலையில், நேற்று மாலை 5.30 மணி அளவில் சின்ன காளிபாளையம் ராமசாமி தோட்டத்திற்கு பக்கத்து தோட்டக்காரரான கருப்பண்ணன் என்பவர், தோட்டத்தில் கார் நின்றிருப்பதைக் கண்டு, கிணறு அருகே சென்று பார்த்த பொழுது, ராமசாமி, ஜானகி, சுகுணா மற்றும் அவர்களது இரண்டு குழந்தைகள் என 5 பேரும் உயிரிழந்த நிலையில் கிணற்றில் பிணமாக மிதந்துள்ளனர். இதனை பக்கத்து தோட்டக்காரர் கருப்பண்ணன் என்பவர் பார்த்து உடனடியாக வாங்கல் காவல் நிலைய போலீஸாருக்கு தகவல் தெரிவித்தார். தகவலறிந்து சம்பவ இடத்திற்கு வந்த மாவட்ட காவல் கண்காணிப்பாளர் ரகுபதி தலைமையிலான போலீஸார் மற்றும் தீயணைப்புத் துறையினர் உதவியுடன் 5 பேரின் உடல்களையும் மீட்கும் பணி நடைபெற்றது.

மேலும், ராமசாமியும், பேத்தி சிவானியும் வயிற்று பகுதிகளில் துணியால் கட்டிக்கொண்ட நிலையில் பிணமாக மீட்கப்பட்டனர். அதேபோல, சுகுணாவும், மகன் ஆதினும் ஒரே துணியால் வயிற்றுப் பகுதிகளில் கட்டிக்கொண்ட நிலையில் பிணமாக மீட்கப்பட்டனர். சம்பவ இடத்தில் 5 பேரும் ஒருவரை ஒருவர் துணியால் கட்டிக்கொண்டு கிணற்றில் குதித்து தற்கொலை செய்து கொண்டதாக போலீஸாரின் முதல்கட்ட விசாரணையில் தெரியவந்துள்ளது. மேலும், இந்த சம்பவம் தொடர்பாக வாங்கல் காவல் நிலையத்தில் உயிரிழந்த ராமசாமியின் மகன் கண்ணன் அளித்த புகார் அடிப்படையில் போலீஸார் வழக்கு பதிவு செய்து இன்று கரூர் காந்திகிராமம் அரசு மருத்துவக் கல்லூரி மருத்துவமனையில் உடற்கூராய்வு மேற்கொள்ள நடவடிக்கை மேற்கொண்டு வருகின்றனர்.

suicide

மேலும், ராமசாமி தனது கைப்பட எழுதிய கடிதம் ஒன்று போலீஸாருக்கு கிடைத்துள்ளதாகவும், அந்த கடிதத்தில் இந்த தற்கொலை முடிவுக்கு தாங்கள் மட்டுமே காரணம், வேறு யாரும் காரணம் இல்லை. நாங்கள் அனைவரும் சேர்ந்துதான் இந்த முடிவை எடுத்து உள்ளோம்' என உருக்கமாக கடிதத்தில் எழுதியுள்ளதாக கூறப்படுகிறது. இந்நிலையில், ஒரே குடும்பத்தைச் சேர்ந்த 5 பேர் கிணற்றில் குதித்து தற்கொலை செய்துகொண்டு உயிரிழந்த சம்பவம் பெரும் சோகத்தை ஏற்படுத்தியுள்ளது.

சென்னை: மாடியிலிருந்து குதித்து பட்டதாரிப் பெண் தற்கொலை; ஓய்வுபெற்ற IAS அதிகாரியின் மகன் கைது

திண்டுக்கல் மாவட்டத்தைச் சேர்ந்தவர் பர்வீன். பட்டதாரியான இவர், சென்னையில் தங்கியிருந்தார். திண்டுக்கல் மாவட்டத்தைச் சேர்ந்த வருண் பாலாஜி, சென்னை சோழிங்கநல்லூரில் தங்கியிருக்கிறார். மேலும் இவர், நுங்கம... மேலும் பார்க்க

கரூர்: ஒரே குடும்பத்தை சேர்ந்த 5 பேர் கிணற்றில் குதித்து தற்கொலை; குடும்ப பிரச்னை காரணமா?!

கரூர் மாவட்டம், சின்ன காளிபாளையம் பகுதியைச் சேர்ந்தவர் ராமசாமி (வயது: 63). இவரது மனைவி ஜானகி (வயது: 60). இந்த தம்பதியின் மகள் மகள் சுகுணா (வயது: 35). இவருக்கு வேலாயுதம்பாளையத்தைச் சேர்ந்த பிரபு என்பவர... மேலும் பார்க்க

`பகையை மட்டுமே சம்பாதித்துள்ளேன்; காவல்துறையில் எனக்கு...'- டிஸ்மிஸ் செய்யப்பட்ட ஆய்வாளர் திலீபன்

பாலியல் குற்றாச்சாட்டில் பணிநீக்கம் செய்யப்பட்ட ஆறுமுகநேரி காவல் ஆய்வாளராக பணிபுரிந்த திலீபன், கடந்த 2011-ம் ஆண்டு தமிழ்நாடு காவல் துறையில் உதவி காவல் ஆய்வாளராக பணியில் சேர்ந்தவர். இவர், கடந்த 2023-ம்... மேலும் பார்க்க

கடன் வாங்கி சூதாட்டம்; ரூ.4 லட்சம் இழப்பு - கடனை அடைக்க குடும்பத்தையே கொன்று கொள்ளையடித்த வாலிபர்

அஸ்ஸாம் மாநிலம் திப்ருகர் பகுதியில் உள்ள துலியாஜனில் வசித்து வந்தவர் சந்திரகாந்தா. இந்தியன் ஆயில் கழகத்தில் வேலை பார்த்து ஓய்வு பெற்ற சந்திரகாந்தா தனது மனைவி எலிசா மற்றும் மகளுடன் வசித்து வந்தார். இவர... மேலும் பார்க்க

தாமிரபரணி ஆற்றில் குளிக்கச் சென்ற 80 வயது மூதாட்டி பாலியல் வன்கொடுமை; குற்றவாளியைத் தேடும் போலீஸ்!

.நெல்லை மாவட்டம் முன்னீர்பள்ளம் மருதம்நகரைச் சேர்ந்த 80 வயது மூதாட்டி தினமும் அதிகாலையில் எழுந்ததும் அருகில் உள்ள தாமிரபரணி ஆற்றில் குளிக்கச் செல்வது வழக்கம். அவரது நடவடிக்கையை கண்காணித்த மர்ம நபர், அ... மேலும் பார்க்க

`ஆடையின்றி பேசுங்களேன்!’ - இன்ஸ்டாவில் வலை, வாட்ஸ்-அப்பில் ஸ்கெட்ச்; இளம்பெண்ணை தேடும் போலீஸ்!

தகவல் தொழில்நுட்பங்களின் வளர்ச்சிக்கு நிகராக, அதன்மூலம் நடைபெறும் சைபர் குற்றங்களும் அதிகரித்து வருகின்றன. குறிப்பாக இன்ஸ்டாகிராம், ஃபேஸ்புக் உள்ளிட்ட சோசியல் மீடியா கணக்குகள் மூலம் நாள்தோறும் குற்றங்... மேலும் பார்க்க