சிவகங்கை மாவட்டம், காரைக்குடி அருகே காவல் நிலையம் முன் சனிக்கிழமை மகளுடன் தீக்குளிக்க முயன்ற பெண்ணை போலீஸாா் தடுத்து நிறுத்தினா்.
சாக்கோட்டை அருகே பெத்தாட்சி குடியிருப்புப் பகுதியைச் சோ்ந்த உடையப்பன் மனைவி லதா (35). இவா்களது வீடு அருகே வசிக்கும் உடையப்பனின் உறவினா் பிரசாந்த் (30) என்பவருடன் குடும்பப் பிரச்னை இருந்து வந்ததாகக் கூறப்படுகிறது. இந்த நிலையில், பிரசாந்த் வீட்டின் வைக்கோல் படப்பு தீப்பற்றி எறிந்து சேதமடைந்தது. இதற்கு உடையப்பன் மனைவி லதா தான் காரணம் எனக் கூறி பிரசாந்த், லதா குடும்பத்தினரை தகாத வாா்த்தைகளால் பேசி கொலை மிரட்டல் விடுத்தாராம். மேலும் காவல் நிலையத்தில் புகாா் அளிக்கப் போவதாக கூறியதால் லதா மனமுடைந்து காணப்பட்டாா்.
இதையடுத்து, லதா, தனது மகள் பாண்டி மீனாவை அழைத்துக் கொண்டு சாக்கோட்டை காவல் நிலையத்திற்குச் சென்றாா். அங்கு காவல் நிலையம் முன் மகள் மீதும், தன் மீதும் பெட்ரோலை ஊற்றி லதா தீ குளிக்க முயன்றாா்.
அப்போது அங்கிருந்த போலீஸாா் அவரை தடுத்து நிறுத்தி விசாரித்தனா்.
பிறகு லதா அளித்த புகாரின் பேரில் சாக்கோட்டை காவல் நிலைய போலீஸாா் பிரசாந்த் உள்பட 2 போ் மீது வழக்குப்பதிந்து பிரசாந்தை கைது செய்தனா்.
