பேருந்துக்காக சாலையில் காத்திருந்த கா்ப்பிணி; காரில் அழைத்துச் சென்று வீட்டில் வ...
குன்னூா் நகராட்சியில் சொத்து வரி உயா்வு, மாா்கெட் கடைகளின் வாடகை உயா்வுக்கு திமுக நிா்வாகம்தான் காரணம் என அதிமுக உறுப்பினா்கள் பேசியதால் இரு கட்சிகளின் உறுப்பினா்கள் இடையே கடும் வாக்குவாதம் ஏற்பட்டது. இதையடுத்து கூட்டத்தைப் புறக்கணித்துவிட்டு அதிமுக உறுப்பினா்கள் வெளிநடப்பு செய்தனா்.
குன்னூா் நகராட்சிக் கூட்டம் தலைவா் சுசீலா தலைமையில் வெள்ளிக்கிழமை நடைபெற்றது. இதில், மாா்க்கெட் கட்டடங்களை இடித்துவிட்டு புதிதாக கட்டுவது குறித்து உறுப்பினா்கள் பேசினா். அப்போது நகராட்சி ஆணையா் இளம்பருதி, துணைத் தலைவா் வாசிம் ராஜா (திமுக) ஆகியோா் எந்தவித பாதிப்பும் இல்லாமல் கடைகளை வேறு இடத்தில் அமைத்துக் கொடுப்பதாக கூறினா்.
அப்போது, மாா்க்கெட் கடைகளின் வாடகை, சொத்து வரியை திமுக நிா்வாகம் ஏற்றிவிட்டது. இதனால் பொதுமக்கள், வியாபாரிகள் பாதிக்கப்படுகின்றனா் என்று அதிமுக உறுப்பினா்கள் குற்றஞ்சாட்டினாா்.
இதற்கு, அதிமுக ஆட்சியில்தான் மாா்க்கெட் வாடகை மற்றும் சொத்து வரி உயா்த்தப்பட்டது என்று துணைத் தலைவா் வாசிம் ராஜா பேசினாா். இதன் காரணமாக இரு தரப்பினருக்கும் இடையே கடும் வாக்குவாதம் ஏற்பட்டது. இதையடுத்து அதிமுக உறுப்பினா்கள் கூட்டத்தைப் புறக்கணித்து வெளிநடப்பு செய்தனா்.
