சாலைப் பாதுகாப்பு காவலன் விருது வழங்கல்

கடந்த 25 ஆண்டுகளுக்கு மேலாக ஓட்டுநா்களுக்கு சாலைப் பாதுகாப்பு குறித்து விழிப்புணா்வு பயிற்சியளித்த பொறியாளருக்கு ‘சாலைப் பாதுகாப்பு காவலன்’ விருது வழங்கி கெளரவிக்கப்பட்டது.

அசோக் லைலேண்ட் நிறுவனத்தில் பயிற்சி மேலாளராக பல ஆண்டுகள் பணியாற்றி வந்த இ.என்.சுரேந்திரன், கடந்த 25 ஆண்டுகளுக்கும் மேலாக ஓட்டுநா்கள், பள்ளி, கல்லூரி மாணவா்கள், ஆசிரியா்கள் போன்றவா்களுக்கு சாலைப் பாதுகாப்பு விழிப்புணா்வு மற்றும் விதிமுறைகள் குறித்து பயிற்சியளித்து வருகிறாா்.

இவா் பணியில் இருந்து விருப்ப ஓய்வுபெற்ற பின்னரும் ராசிபுரம் ரோட்டரி சங்கத்தின் மூலம் பள்ளிகள், கல்லூரிகளில் பயிலும் மாணவ, மாணவியா், ஆசிரியா்களுக்கு பாதுகாப்பான பயணம் என்ற தலைப்பில் சாலைப் பாதுகாப்பு குறித்தும், சாலை விதிமுறைகள் குறித்தும் விழிப்புணா்வு பயிற்சியளித்து வருகிறாா்.

இந்நிலையில், இவரை பாராட்டி ராசிபுரம் ரோட்டரி சங்கம் சாா்பில், ‘சாலைப் பாதுகாப்பு காவலன்’ விருது வழங்கப்பட்டுள்ளது. ராசிபுரம் ரோட்டரி சங்கம் சாா்பில் அண்மையில் நடைபெற்ற விழாவில் இவருக்கு இதற்கான விருது வழங்கப்பட்டது. முன்னதாக விழாவில் ரோட்டரி சங்கத் தலைவா் எம்.முருகானந்தம் தலைமையில் நடைபெற்ற விழாவில், மாவட்ட ரோட்டரி லிட்டரசி கமிட்டி சோ்மேன் ஏ.வெங்கடேஸ்வர குப்தா, ரோட்டரி செயலா் கே.ராமசாமி, கே.எஸ்.கருணாகர பன்னீா்செல்வம், ரோட்டரி உதவி ஆளுநா் கு.பாரதி, இன்னா்வீல் சங்கத் தலைவா் சுதா மனோகா் உள்ளிட்டோா் விருது வழங்கி கெளரவித்தனா்.

இதே போல ரோட்டரி சங்கம் சாா்பில், மலைவாழ் மக்களுக்கு 10 சென்ட் நிலம் தானமாக வழங்கிய பி.ஆா்.செளந்திரராஜன், பி.நடராஜன் ஆகியோருக்கு கொடைவள்ளல் விருது வழங்கப்பட்டது. மேலும், ராசிபுரம் சுற்றுப்பகுதியைச் சோ்ந்த அரசுப் பள்ளிகளுக்கு 15 பீரோக்கள் ரோட்டரி சங்கம் சாா்பில் வழங்கப்பட்டந.

இவ்விழாவில் ரோட்டரி சங்கம், இன்னா்வீல் நிா்வாகிகள், அரசுப் பள்ளி ஆசிரியா்கள் உள்ளிட்டோா் பங்கேற்றனா்.