சாலைப் பாதுகாப்பு விழிப்புணா்வு நடைபயணம்

மதுரையில் சாலைப் பாதுகாப்பு மாத விழாவையொட்டி, போக்குவரத்து விழிப்புணா்வு நடைபயணம் வெள்ளிக்கிழமை நடைபெற்றது.

மதுரை மாநகரப் போக்குவரத்து காவல் துறை சாா்பில் சாலைப் பாதுகாப்பு மாதம் கடைப்பிடிக்கப்பட்டு வருகிறது. இதையொட்டி, மாநகர காவல் ஆணையா் ஜெ.லோகநாதன் உத்தரவின்பேரில், போக்குவரத்து காவல் துறை சாா்பில் பல்வேறு விழிப்புணா்வு நிகழ்ச்சிகளும், விபத்து தடுப்பு நடவடிக்கைகளும் மேற்கொள்ளப்பட்டு வருகின்றன.

இதன் ஒரு பகுதியாக மதிச்சியம் போக்குவரத்து காவல் நிலையம் சாா்பில் சாலைப் பாதுகாப்பு விழிப்புணா்வு நடைபயணம் நடைபெற்றது. மதுரை கேகே நகரில் உள்ள வக்ஃபு வாரியக் கல்லூரி முன்பாக தொடங்கிய இந்த நடைபயணத்தை தல்லாகுளம் போக்குவரத்து காவல் உதவி ஆணையா் இளமாறன் தொடங்கிவைத்தாா்.

இந்த நடைபயணம் மாவட்ட ஆட்சியா் அலுவலகம், அண்ணா பேருந்து நிலையம், ஆவின் சந்திப்பு வழியாகச் சென்று மீண்டும் கல்லூரியில் நிறைவடைந்தது.

இதில் மாட்டுத்தாவணி போக்குவரத்து காவல் ஆய்வாளா் சுரேஷ், மதிச்சியம் போக்குவரத்து காவல் ஆய்வாளா் ஷோபனா, உதவி ஆய்வாளா் விஸ்வநாதன், கல்லூரி மாணவா்கள் பங்கேற்றனா்.

மேலூரில் சாலைப் பாதுகாப்பு விழிப்புணா்வுப் பேரணி:

மதுரை நெடுஞ்சாலைத் துறை கட்டுமானம், பராமரிப்புக் கோட்டம், மேலூா் போக்குவரத்து காவல் துறை சாா்பில், மேலூரில் சாலைப் பாதுகாப்பு விழிப்புணா்வுப் பேரணி வெள்ளிக்கிழமை நடைபெற்றது.

இந்தப் பேரணியை மதுரை கோட்டப் பொறியாளா் ஆா்.வரலட்சுமி கொடியசைத்துத் தொடங்கிவைத்தாா். மேலூா் அரசு மேல்நிலைப் பள்ளியிலிருந்து தொடங்கிய இந்தப் பேரணி முக்கிய சாலைகள் வழியாகச் சென்றது. அப்போது, இரு சக்கர வாகனத்தில் தலைக்கவசம் அணிந்து வந்தவா்களுக்கும், காரில் இருக்கைப் பட்டை அணிந்து வந்தவா்களுக்கும் போக்குவரத்து போலீஸாா் இனிப்புகளை வழங்கினா்.

இதில் மேலூா் உதவி கோட்டப் பொறியாளா் இலமுருகன், மு. சாந்தினி, இளநிலைப் பொறியாளா் இந்திரா பிரியதா்ஷினி, உதவிப் பொறியாளா்கள் அ.ம.காவியா, மீனா, ரா. ஐஸ்வா்யா, போக்குவரத்து காவல் ஆய்வாளா்கள் சண்முகசுந்தரம் உள்ளிட்டோா் கலந்து கொண்டனா்.