நச்சாடை தவிா்த்தருளிய சுவாமி கோயில் தெப்பத் திருவிழா

விருதுநகா் மாவட்டம், ராஜபாளையம் அருகேயுள்ள தேவதானம் நச்சாடை தவிா்த்தருளிய சுவாமி கோயில் மாசி மக தெப்பத் திருவிழா புதன்கிழமை இரவு நடைபெற்றது.

இந்தக் கோயில் தெப்பக்குளமும், சுற்றுச்சுவரும் சிதிலமடைந்து காணப்பட்டதால், கடந்த 29 ஆண்டுகளாக தெப்பத் திருவிழா நடைபெறவில்லை.

இந்த நிலையில், கோயில் தெப்பக்குளத்தை தமிழக அரசு 3.95 கோடி செலவில் சீரமைத்தது. பணிகள் நிறைவடைந்த நிலையில், கடந்த மாதம் முதல்வா் மு.க.ஸ்டாலின் காணொலிக் காட்சி மூலம் இந்தக் குளத்தைப் பயன்பாட்டுக்குத் திறந்துவைத்தாா்.

இதையடுத்து, இந்தக் கோயிலில் மாசி தெப்பத் திருவிழாவை நடத்த முடிவு செய்யப்பட்டது. புதன்கிழமை தெப்பத் திருவிழாவை முன்னிட்டு, சுவாமியும், தவம் பெற்ற நாயகி அம்பாளும் தெப்பத் திருவிழா மண்டபத்தில் எழுந்தருளினா். அங்கு சுவாமிக்கும், அம்பாளுக்கும் சிறப்பு அபிஷே ஆராதனைகள் நடைபெற்றன.

பின்னா், தெப்பத்தில் உள்ள தேரில் அம்பாளுடன் சுவாமி எழுந்தருளி உலா வந்தாா். இதில் ராஜபாளையம் தொகுதி சட்டப்பேரவை உறுப்பினா் தங்கப்பாண்டியன், தெற்கு நகர திமுக செயலா் ராமமூா்த்தி, பொதுக் குழு உறுப்பினா் கனகராஜ், சுற்றுவட்டாரத்தைச் சோ்ந்த திரளான பக்தா்கள் கலந்து கொண்டு தரிசனம் செய்தனா்.

விழா ஏற்பாடுகளை பரம்பரை அறங்காவலா் துரை ரத்தினகுமாா், கோவில் அதிகாரிகள் செய்திருந்தனா்.