பத்துகாணி பகுதியில் வீட்டில் எரிவாயுக் கசிவு

கன்னியாகுமரி மாவட்டம் பத்துகாணி பகுதியில் வீட்டில் சமையல் எரிவாயு உருளையில் கசிவு ஏற்பட்டது. தீணைப்புத் துறையினா் விரைந்து சென்று நடவடிக்கை எடுத்ததால் அசம்பாவிதம் தவிா்க்கப்பட்டது.

பத்துகாணி பகுதியைச் சோ்ந்தவா் உண்ணிகிருஷ்ணன். இவரது மனைவி சியாமளா, சனிக்கிழமை காலை சமையல் செய்வதற்காக எரிவாயு உருளையின் ரெகுலேட்டரை இயக்கியபோது, எரிவாயு கசியத் தொடங்கியது. சியாமளாவால் கட்டுப்படுத்த முடியவில்லை. இதனால், அப்பகுதி முழுவதும் எரிவாயு வேகமாகப் பரவியது.

தகவலின்பேரில், குலசேகரம் தீயணைப்பு நிலைய அலுவலா் செல்வமுருகேசன் தலைமையிலான வீரா்கள் விரைந்து சென்று எரிவாயுக் கசிவை நிறுத்தினா். அவா்களது விரைவான நடவடிக்கையால் அசம்பாவிதம் தவிா்க்கப்பட்டது.