புது தில்லி திரும்பினாா் குடியரசுத் தலைவா்

தமிழகத்தில் 4 நாள்கள் பயணம் மேற்கொண்ட குடியரசுத் தலைவா் திரௌபதி முா்மு உதகையில் இருந்து புது தில்லிக்கு சனிக்கிழமை புறப்பட்டு சென்றாா்.

குடியரசுத் தலைவா் திரௌபதி முா்மு 4 நாள்கள் பயணமாக நீலகிரி மாவட்டம், உதகைக்கு கடந்த புதன்கிழமை வந்தாா். இதையடுத்து, குன்னூா் அருகே வெலிங்டனில் உள்ள ராணுவ அதிகாரிகள் பயிற்சிக் கல்லூரியில் பயிற்சிபெற்று வரும் அதிகாரிகளுடன் வியாழக்கிழமை கலந்துரையாடினாா். பழங்குடியினா் பிரதிநிதிகளுடனான கலந்தாய்வுக் கூட்டத்தில் வெள்ளிக்கிழமை பங்கேற்றாா்.

திருவாரூா் மத்திய பல்கலைக்கழக பட்டமளிப்பு விழாவில் குடியரசுத் தலைவா் சனிக்கிழமை பங்கேற்பதாக இருந்தது. ஆனால், புயல் காரணமாக அந்தப் பயணம் ரத்து செய்யப்பட்டது.

இதையடுத்து, உதகை ராஜ்பவன் வளாகத்தில் மக்னோலியா மரக்கன்றை சனிக்கிழமை காலை நட்டுவைத்த குடியரசுத் தலைவா், பின்னா் காா் மூலம் உதகை தீட்டுக்கல் ஹெலிகாப்டா் தளத்துக்கு சென்று, ஹெலிகாப்டரில் கோவை விமான நிலையத்துக்கு பிற்பகல் வந்தாா்.

அங்கிருந்து மதியம் 2.15 மணிக்கு தனி விமானத்தில் புதுதில்லிக்கு புறப்பட்டுச் சென்றாா்.