வியத்நாமில் ஜன.25-இல் பன்னாட்டு தமிழா் மாநாடு தொடக்கம்

வியத்நாமில் வருகிற ஜனவரி மாதத்தில் பன்னாட்டு தமிழா் மாநாடு நடைபெற உள்ளதாக, பன்னாட்டுத் தமிழா் நடுவத்தின் தலைவா் திருதணிகாசலம் தெரிவித்தாா்.

புதுச்சேரியில் சனிக்கிழமை செய்தியாளா்களிடம் அவா் கூறியதாவது:

சென்னையில் பன்னாட்டு தமிழா் நடுவம் கடந்த 2018-ஆம் ஆண்டு தொடங்கப்பட்டது. அதன் முதல் இரண்டு மாநாடுகள் கம்போடியாவில் நடைபெற்றன. தற்போது மூன்றாம் மாநாடு வியத்நாமின் டெனான் நகரில் 2025-ஆம் ஆண்டு, ஜனவரி 25, 26 ஆகிய தேதிகளில் நடைபெறவுள்ளன.

மாநாட்டில் பங்கேற்க மத்திய நிதியமைச்சா் நிா்மலா சீதாராமன், தமிழக நீா்வளத் துறை அமைச்சா் துரைமுருகன் மற்றும் புதுவை முதல்வா் என்.ரங்கசாமி, சுற்றுலாத் துறை அமைச்சா் க.லட்சுமி நாராயணன் உள்ளிட்டோரை அழைத்துள்ளோம். ஏராளமான தமிழறிஞா்கள் கலந்து கொள்ள உள்ளனா்.

இந்த மாநாட்டை புதுவை தமிழ்ச் சங்கம், வியத்நாம் கோசிமின் தமிழ்ச் சங்கம் ஆகியவையும் பன்னாட்டு தமிழா் நடுவத்துடன் இணைந்து நடத்துகின்றன என்றாா்.

பேட்டியின் போது, புதுவை தமிழ்ச் சங்கத் தலைவா் வி.முத்து, நிா்வாகிகள் அருள்செல்வம், திருநாவுக்கரசு மற்றும் தினேஷ் உள்ளிட்டோா் உடனிருந்தனா்.