`மு.க.ஸ்டாலின் தோல்விக்கு எடப்பாடி பழனிசாமி மனதார வருத்தப்பட்டார்!' – ஆதங்கப்பட்...
TVK: "மக்களின் நல்வாழ்வே எங்களின் ஒரே இலக்கு!" - ராகுல் காந்தி, பிரதமர் மோடிக்கு நன்றி சொன்ன விஜய்!
Admin
- yesterday
2026 சட்டமன்ற தேர்தலில், தமிழக வெற்றிக் கழகம் தனிபெருங்கட்சியாக வெற்றியை பதித்திருக்கிறது. 233 தொகுதியில் போட்டியிட்ட தவெக வேட்பாளர்கள் 108 தொகுதிகளில் வெற்றி பெற்றிருக்கிறார்கள்.
சந்தித்த முதல் தேர்தலிலேயே இப்படியான சாதனை வெற்றியைப் பெற்றிருக்கும் விஜய்க்கு திரைத்துறையினர் மற்றும் அரசியல் கட்சியினர் பலரும் வாழ்த்து தெரிவித்து வருகிறார்கள்.
நேற்றைய தினம் ராகுல் காந்தியும், பிரதமர் நரேந்திர மோடியும் விஜய்க்கு வாழ்த்து தெரிவித்து எக்ஸ் பக்கத்தில் பதிவிட்டிருந்தார்கள்.
அவர்களுக்கு நன்றி தெரிவித்து விஜய் எக்ஸ் பக்கத்தில் தற்போது பதிவிட்டிருக்கிறார்.
ராகுல் காந்தி வாழ்த்துக்கு நன்றி சொன்ன விஜய், "மக்களவை எதிர்க்கட்சித் தலைவர் அவர்களின் அழைப்பிற்கும், அன்பு மக்களின் நல்வாழ்வே எங்களின் ஒரே இலக்கு. அனைவரது வாழ்த்துகளுக்கும் எனது மனமார்ந்த நன்றிகள்!
பொதுச் சேவையில் மிகச்சிறந்து விளங்குவதிலும், நமது மாநிலத்தின் கலாச்சார விழுமியங்களைப் பாதுகாப்பதிலும் நாம் என்றும் உறுதியுடன் இருப்போம். அதற்கு அனைவரின் கூட்டு ஒத்துழைப்பும் அவசியமானது.
அரசியலுக்கு அப்பாற்பட்டு, தமிழ்நாட்டு மக்களின் நலனுக்கே நாம் முன்னுரிமை அளிப்போம்." எனப் பதிவிட்டிருக்கிறார்.
Thank you, Hon'ble @PMOIndia, for your greetings. The well-being of our people remains our only goal.
— TVK Vijay (@TVKVijayHQ) May 5, 2026
Transcending politics, we shall focus on the State's progress and the welfare of people of Tamil Nadu. We look forward to the Union Government’s support in this endeavor. https://t.co/EO4h8qC0hF
பிரதமர் மோடி வாழ்த்து பதிவுக்கு, "கௌரவத்திற்குரிய பிரதமர் மோடி அவர்களே, தங்களின் வாழ்த்துகளுக்கு நன்றிகள். நமது மக்களின் நல்வாழ்வே எங்களின் ஒரே இலக்கு.
அரசியலுக்கு அப்பாற்பட்டு, மாநிலத்தின் முன்னேற்றம் மற்றும் தமிழ்நாட்டு மக்களின் நலனில் நாங்கள் கவனம் செலுத்துவோம். இந்த முயற்சியில் ஒன்றிய அரசின் ஆதரவை நாங்கள் எதிர்பார்க்கிறோம்." எனக் குறிப்பிட்டிருக்கிறார்.
