சட்டமன்றக் கூட்டம்: மேகதாது விவகாரத்தில் தனித் தீர்மானம் கொண்டுவரும் முதல்வர் விஜய் |Live Updates

மேகதாது அணை: சட்டமன்றத்தில் தீர்மானம்!

தமிழ்நாடு சட்டமன்றக் கூட்டத்தின் இரண்டாம் நாளான இன்று இடதுசாரி தலைவர் நல்லகண்ணு, திரை பிரபலங்கள் பாரதிராஜா, ஆர்.பி. சௌத்ரி ஆகியோரது மறைவுக்கு இரங்கல் தெரிவித்து தீர்மானங்கள் நிறைவேற்றப்படவுள்ளன. ஆளுநர் உரைக்கு நன்றி தெரிவிக்கும் தீர்மானத்தை, பேரவை துணைத் தலைவர் முன்மொழியவுள்ளார். இது தவிர, கர்நாடக மேகதாது அணைக்கு எதிராக முதல்வர் விஜய் தனித் தீர்மானம் கொண்டுவரவுள்ளார். மேகதாது அணை கட்டுவதற்கான கர்நாடக அரசின் முயற்சிக்கு எதிர்ப்பு தெரிவித்தும், அந்த அணை திட்டத்துக்கு எந்தவித அனுமதியும் வழங்கக் கூடாது என மத்திய அரசை வலியுறுத்தியும், அரசின் தனித் தீர்மானத்தை முதல்வர் முன்மொழியவுள்ளார். இது தொடர்பாக பேரவையில் விவாதம் நடத்தப்படுமெனவும் தெரிவிக்கப்பட்டுள்ளது.