செய்திகள் :

பெண்களைப் பாதுகாக்க வேண்டியவர்களே பாலியல் தொல்லை தந்தால்?

post image

கல்வி, வேலைவாய்ப்பு, பொருளாதாரப் பங்களிப்பு என பெண்கள் இன்று பல்வேறு துறைகளிலும் ஆண்களுக்குச் சமமாகப் பங்களிக்கத் தொடங்கிவிட்டார்கள். ஆனாலும், அது எளிதாக நிகழ்ந்துவிடவில்லை. இன்றைக்கும் பல்வேறு தடைகளைக் கடந்துதான் பெண்கள் மேலெழுந்து வரவேண்டிய நிலை இருக்கிறது. குறிப்பாக, வீடு தொடங்கி அலுவலகம் வரை ஒருவித பாதுகாப்பின்மை பெண்களைச் சூழ்ந்து அச்சுறுத்திக்கொண்டேஇருக்கிறது. எவ்வளவு உயரத்தில் இருந்தாலும் ‘நீ பெண்தானே’ என்கிற அகம்பாவமான பார்வை நிறைய ஆண்களிடம் மண்டிக்கிடக்கிறது.

கடந்த சில வாரங்களாக தமிழ்நாட்டில் நடக்கும் நிகழ்வுகள் இந்த அச்சத்தை மேலும் அதிகரிக்கின்றன. ஈரோடு மாவட்டத்தில் முதல்வர் பங்கேற்ற நிகழ்ச்சியில் பாதுகாப்புப் பணியை முடித்துவிட்டு ஊர் திரும்பிக்கொண்டிருந்த பெண் காவலர் தனக்கு, உடன் பணியாற்றும் சிறப்பு உதவி ஆய்வாளரே பாலியல் தொல்லை கொடுத்ததாகப் புகார் தெரிவித்திருக்கிறார். புகாருக்குள்ளான காவல் அதிகாரி சஸ்பெண்ட் செய்யப்பட்டுள்ளார்.

கள்ளக்குறிச்சி மாவட்ட ஆட்சியருக்குப் பாலியல் தொல்லை தரும் விதமாக குறுஞ்செய்தி அனுப்பியதாக கள்ளக்குறிச்சி எம்.எல்.ஏ மீது எழுந்துள்ள குற்றச்சாட்டு மேலும் அதிர்ச்சியைத் தருகிறது. பெண்களைப் பாதுகாக்க வேண்டிய பொறுப்பில் இருப்பவர்கள், பெண்களின் பிரச்னைகளுக்காக குரல்கொடுக்க வேண்டியவர்கள் மீதே இப்படியான குற்றச்சாட்டுகள் எழுவது அவநம்பிக்கையளிக்கிறது. கவனிக்க வேண்டிய மிக முக்கியமான விஷயம், பாதிக்கப்பட்டவர்கள் சாதாரண பெண்கள் அல்லர். ஒருவர் மாவட்ட ஆட்சியர். ஒருவர் காவல்துறையில் பணியாற்றுபவர். அவர்களுக்கே இந்த நிலை என்றால், எந்த அதிகாரமும், பின்புலமும் இல்லாத சாமானியப் பெண்ணின் நிலை?

பணியிடத்தில் பெண்களுக்கு ஏற்படும் பாலியல் துன்புறுத்தல் (தடுப்பு, தடை மற்றும் தீர்வு) சட்டப்படி (POSH), 10 அல்லது அதற்கு மேற்பட்ட ஊழியர்களைக் கொண்ட ஒவ்வொரு நிறுவனமும் கட்டாயமாக உள் புகார் குழுவை (Internal Complaints Committee - ICC) அமைக்க வேண்டும். ஆனால், பல நிறுவனங்களில் அந்த கமிட்டி வெறும் காகிதத்தில் மட்டுமே இருக்கிறது. காரணம், `வேலை போய்விடுமோ, ‘பழிவாங்கப்படுவோமோ’, ‘நம் நடத்தையையே சந்தேகிப் பார்களோ...’ என்ற அச்சங்களால் பெண்கள் அந்த வலியை விழுங்கி தங்களுக்குள்ளாகவே செரித்துக்கொண்டிருக்கிறார்கள்.

புகார் கொடுக்கும் பெண்களுக்கு அரணாக இருந்து, அவர்களுக்காக நீதி பெற்றுத்தருவதை நிறுவனங்களும் சமூகமும் தங்கள் கடமையாகக் கருதும் காலம் வரும்வரை இதெல்லாம் மாறப் போவதில்லை. அதுவரை பெண்கள் எவ்வளவு உயரிய பொறுப்பில் இருந்தாலும் பாலியல் குற்றவாளிகள் தைரியமாக தங்கள் வேலையைச் செய்துகொண்டே இருப்பார்கள்.

அரசு நிர்வாகத்திலும் தனியாரிலும் பணிபுரியும் பெண்களின் பாதுகாப்புக்கே இந்தளவுக்குப் பேச வேண்டியுள்ளபோது, சாமானியப் பெண்களுக்காக இன்னும் அழுத்தமாகக் குரல் எழுப்பப்பட வேண்டும். களமாடுவோம் தொடர்ந்து!

உரிமையுடன்,

ஸ்ரீ

ஆசிரியர்

'என் அத்தை, கணவர் கொல்லப்பட்ட சம்பவங்களை என்னால் எழுதவே முடியவில்லை..!'- சோனியா காந்தி எமோஷனல்

காங்​கிரஸ் மூத்த தலை​வர் சோனியா காந்​தி​யின் வாழ்க்கை அனுபவங்​கள், ‘பிலாங்​கிங்: ஏ ஜர்னி ஆஃப் லவ்’ (Belonging: A Journey of Love) எனும் சுயசரிதை நூலாகத் தொகுக்​கப்​பட்டு கடந்த நவ.10-ம் தேதி இந்​தியா ம... மேலும் பார்க்க

சோனியா காந்தி நூல் வெளியீட்டு விழா: ராகுல் காந்தி அருகில் விஜய்; பின் வரிசையில் டி.கே.சிவக்குமார்!

காங்​கிரஸ் மூத்த தலை​வர் சோனியா காந்​தி​யின் வாழ்க்கை அனுபவங்​கள், ‘பிலாங்​கிங்: ஏ ஜர்னி ஆஃப் லவ்’ (Belonging: A Journey of Love) எனும் சுயசரிதை நூலாகத் தொகுக்​கப்​பட்டு கடந்த நவ.10-ம் தேதி இந்​தியா ம... மேலும் பார்க்க

சாட்ஜிபிடி மூலம் புத்தகங்கள்; ஒரே நாளில் ISBN பெற்ற நூல்கள், அதே நாளில் ஒப்புதல்! - FIR முழு விவரம்!

தமிழ்நாடு பொது நூலக இயக்ககம் மற்றும் கோவை பெரியார் அறிவுலகம் உள்ளிட்ட நூலகங்களுக்குப் புத்தகங்கள் வாங்கியதில் நடைபெற்ற முறைகேடுகள் தொடர்பாக, லஞ்ச ஒழிப்புத்துறை (DVAC) முதல் தகவல் அறிக்கை (FIR) பதிவு ச... மேலும் பார்க்க

``காவல் நிலையத்தில் ரீல்ஸ் எடுக்க எந்த சட்டம் அனுமதி அளிக்கிறது?" - அதிமுக எம்பி இன்பதுரை கேள்வி

கூட்டுறவுத்துறை அமைச்சர் காந்திராஜ் தனது அரக்கோணம் தொகுதிக்கு உட்பட்ட தக்கோலம் காவல் நிலையத்தில், நள்ளிரவில் ஆய்வுக்கு சென்று பெண் காவலரிடம் மிரட்டும் தொனியில் பேசும் வீடியோ வெளியாகி சர்ச்சையை ஏற்படுத... மேலும் பார்க்க

'ஒரு கம்யூனிஸ்ட்காரர் இப்படி ஆடம்பரமாக இருக்கிறார்.!'- சு.வெங்கடேசனை விமர்சித்த நீதிபதி சுவாமிநாதன்

சென்னை பாரதிய வித்யா பவனில் நடைபெற்ற நூல்கள் வெளியீட்டு விழாவில் கலந்துகொண்ட நீதிபதி ஜி.ஆர் சுவாமிநாதன், " 'பெரியார் அறிவுலகம்' என்று சொல்லப்படுகிற அந்த நூலகங்களின் அடுக்குகளில் எல்லாம், இதுபோன்ற 'அகல... மேலும் பார்க்க

'முதல்வர் தலைமையில் அமைச்சருக்கு டும் டும் டும்; டென்ஷன் மோடில் பொதுச் செயலாளர்!' - தவெக அப்டேட்ஸ்!

துணை சபாநாயகர், கள்ளக்குறிச்சி எம்.எல்.ஏ விவகாரம் என சர்ச்சைகளில் சிக்கி சுழன்று கொண்டிருக்கிறது தவெக அரசு. இந்நிலையில், தவெக கட்சிக்குள் என்ன நடக்கிறதென பனையூர் வட்டாரத்தில் பேச்சுக் கொடுத்தோம். பர்வ... மேலும் பார்க்க