செய்திகள் :

சென்னை: பணம் வாங்கிக் கொண்டு போக்சோ வழக்கு பதிவு - பெண் இன்ஸ்பெக்டர் சஸ்பெண்ட்!

post image

ஆந்திர மாநிலத்தை சேர்ந்தவர் சுரேஷ் கண்ணா (40). இவர் திருமண இணையதளம் மூலம் வரன் தேடி வந்தார். அப்போது கடலூர் மாவட்டம் நெய்வேலி பகுதியை சேர்ந்த பெண்ணின் விவரங்களைப் பார்த்ததும் சுரேஷ் கண்ணாவுக்கு பிடித்துப் போனது. அதைத் தொடர்ந்து இரண்டு குடும்பத்தினரும் திருமணம் குறித்து பேசினர். இந்தநிலையில் சுரேஷ் கண்ணாவின் நடவடிக்கை பிடிக்காததால் திருமணம் நடக்கவில்லை. ஆனால் அந்தப் பெண்ணை திருமணம் செய்து கொள்ள சுரேஷ் கண்ணா விரும்பினார். அதற்கு அந்த பெண் மறுப்பு தெரிவித்து வந்தார். அதனால் அந்தப் பெண்ணை சுரேஷ்கண்ணா வற்புறுத்தி வந்ததாகக் கூறப்படுகிறது. இந்தத் தகவலை அந்தப் பெண் தன்னுடைய சகோதரர் ஸ்ரீராமிடம் தெரிவித்து சுரேஷ் கண்ணாவை கண்டித்திருக்கிறார். அதன்பிறகும் சுரேஷ் கண்ணா அந்தப் பெண்ணுக்கு டார்ச்சர் கொடுத்ததாக சொல்லப்படுகிறது.

சீன திருமணம்
திருமணம்

இதையடுத்து சுரேஷ் கண்ணா மீது அந்தப் பெண், நெய்வேலி காவல் நிலையத்தில் புகாரளித்தார். அதன்பேரில் போலீஸார் விசாரணை நடத்தி வந்தனர். அதனால் ஆத்திரமடைந்த சுரேஷ் கண்ணா, அந்தப் பெண்ணை திருமணம் செய்ய அவரின் சகோதரர் ஸ்ரீராம் தடையாக இருப்பதாக கருதி, அவரை பழிவாங்க திட்டமிட்டார். இதற்காக இரண்டு சிறுமிகளை இன்ஸ்டாகிராம் மூலம் ஸ்ரீராமிடம் பழக ஏற்பாடு செய்திருக்கிறார் சுரேஷ் கண்ணா. அதன்படி ஸ்ரீராமும் அந்த இரண்டு சிறுமிகளுடன் இன்ஸ்டாகிராமில் பழகி வந்திருக்கிறார். இந்தநிலையில், இரண்டு சிறுமிகளில் ஒருவரை ஸ்ரீராம், சென்னையில் சந்தித்து பேசியிருக்கிறார். அப்போது இருவரும் செல்ஃபி எடுத்திருக்கிறார்கள். அதன்பிறகு அந்தச் சிறுமி, ஸ்ரீராம் மீது திருமங்கலம் அனைத்து மகளிர் காவல் நிலையத்தில் பாலியல் புகார் ஒன்றைக் கொடுத்தார். அதன்பேரில் இன்ஸ்பெக்டர் விஜயலட்சுமி, ஸ்ரீராம் மீது போக்சோ வழக்கை பதிவு செய்தார்.

இந்தச் சூழலில் நெய்வேலி போலீஸார், சுரேஷ் கண்ணாவை கைது செய்தனர். அப்போது அவரிடம் விசாரித்தபோது ஸ்ரீராம் மீது பதிவு செய்யப்பட்ட போக்சோ வழக்கின் பின்னணி தகவல் தெரியவந்தது. அதுகுறித்து நெய்வேலி போலீஸார், கடலூர் எஸ்.பி-க்கு தகவல் தெரிவித்தனர். அவர்மூலம் டி.ஜி.பி மகேஷ்குமார் அகர்வாலின் கவனத்துக்கு போக்சோ வழக்கு பதிவு செய்ய இன்ஸ்பெக்டர் விஜயலட்சுமியும் காவலர் வசந்த் ராஜாவும் 5 லட்சத்துக்கு 50 ஆயிரம் ரூபாய் லஞ்சமாக வாங்கிய தகவல் தெரியவந்தது. இதுதொடர்பாக விசாரித்து நடவடிக்கை எடுக்க டி.ஜி.பி மகேஷ்குமார் அகர்வால், சென்னை போலீஸ் கமிஷனர் அமல்ராஜிடம் தெரிவித்தார். அதைத் தொடர்ந்து சம்பந்தப்பட்ட போக்சோ வழக்கின் பின்னணி குறித்து விரிவாக விசாரிக்கப்பட்டது. அந்த விசாரணையில் இன்ஸ்பெக்டர் விஜயலட்சுமி, காவலர் வசந்த் ராஜா ஆகியோர் மீது சுமத்தப்பட்ட குற்றச்சாட்டுக்கள் உறுதியானது.

கைது
கைது

இதையடுத்து இன்ஸ்பெக்டர் விஜயலட்சுமி, காவலர் வசந்த்ராஜா ஆகியோரை கமிஷனர் அமல்ராஜ் சஸ்பெண்ட் செய்து உத்தரவிட்டார். தொடர்ந்து விசாரணை நடந்து வருகிறது.

இதுகுறித்து திருமங்கலம் அனைத்து மகளிர் போலீஸாரிடம் விசாரித்தபோது,

``திருமணத்துக்கு தடையாக இருந்த ஸ்ரீராமை பழிவாங்கும் நோக்கத்தில் அவர் மீது போக்சோ வழக்கு பதிவு செய்ய சுரேஷ் கண்ணா பிளான் போட்டியிருக்கிறார். அதைத் தொடர்ந்து காவலர் வசந்த்ராஜாவைச் சந்தித்த சுரேஷ் கண்ணா, ஸ்ரீராம் மீது போக்சோ வழக்கு பதிவு செய்ய 5 லட்சத்து 50 ஆயிரம் ரூபாயை கொடுத்திருத்திருக்கிறார். அதன்பிறகுதான் ஸ்ரீராம் மீது போக்சோ வழக்கு பதிவு செய்யப்பட்டிருக்கிறது. புகார் கொடுத்த சிறுமியிடம் விசாரணை நடத்தியதில் சில தகவல்கள் தெரியவந்திருக்கிறது. சட்ட நிபுணர்களிடம் ஆலோசித்து விட்டு போக்சோ வழக்கில் அடுத்தக்கட்ட நடவடிக்கை எடுக்கப்படும்'' என்றனர்.

தனிஷ்க் நகைக்கடை கொள்ளை: சிக்கிய நிஷாந்த்; பேருந்து ஓட்டுநர் கொடுத்த தகவலால் தூக்கிய போலீஸ்!

மதுரை தனிஷ்க் ஜுவல்லரி நகைக்கடையில் பல கோடி மதிப்பிலான நகை கொள்ளையடிக்கப்பட்ட வழக்கில் நிஷாந்தின் தோழி மீனாட்சி மற்றும் நிஷாந்தின் தந்தை சுரேஷ் ஆகிய இருவரும் நேற்றுமுன்தினம் கைது செய்யப்பட்டு நீதிமன்ற... மேலும் பார்க்க

`காதல், போதைப்பொருள், பாக்., தொடர்பு' ராஜஸ்தான் குண்டுவெடிப்பில் பஞ்சாப் இளம்பெண் சிக்கியது எப்படி?

ராஜஸ்தான் மாநிலம் ஸ்ரீகங்காபூர் மாவட்டத்தில் ரயில் தண்டவாளத்தில் கடந்த 2ம் தேதி வெடிகுண்டு வெடித்தது தொடர்பாக பஞ்சாப் மாநிலம் குருதாஸ்பூர் பகுதியை சேர்ந்த மஹதீப் கவுர்(21) என்ற பெண்ணும், தேவிந்தர் சிங... மேலும் பார்க்க

மதுரை நகைக்கடையில் ஹாலிவுட் பட பாணியில் கொள்ளை; சிக்கிய தோழி; எஸ்கேப் ஆன திருடன்; நடந்தது என்ன?

மதுரை பைபாஸ் சாலையில் உள்ள பிரபல தனிஷ்க் நகைக்கடையில் 11.62 கிலோவிற்கும் அதிகமான தங்க நகைகளை முகமூடி அணிந்த ஒருவன் கொள்ளையடித்துச் சென்ற சம்பவம் பெரும் பரபரப்பை ஏற்படுத்தியது. பின்னர் கடைக்குள் இருந்த... மேலும் பார்க்க

மதுரை காவல்நிலையத்தில் மர்ம மரணம்; உடலை வாங்க மறுத்து உறவினர்கள் போராட்டம்; பின்னணி என்ன?

தேனி மாவட்டம் உத்தமபாளையம் அருகே உள்ள டி.அழகர்நாயக்கன்பட்டியைச் சேர்ந்த லாரி ஓட்டுநர் பாலகிருஷ்ணன், ஏலக்காய் மூட்டைகள் தொடர்பான புகாரில் விசாரணைக்காக செக்கானூரணி காவல் நிலையத்திற்கு அழைத்துச் செல்லப்ப... மேலும் பார்க்க

'ஜெம் வீரமணி வீட்டில் 10 அடிக்கு பள்ளம் தோண்டிய போலீஸ்' - என்ன நடக்கிறது? Spot Update

போக்சோ வழக்கில் கைது செய்யப்பட்டிருக்கும் தொழிலதிபர் ஜெம் வீரமணியின் வீட்டில் குழிதோண்டும் பொக்லைன் இயந்திரங்களுடன் காவல்துறை அதிகாரிகள் சோதனை செய்து வருகின்றனர்.ஜெம் வீரமணி வீடுபல ஆண்டுகளாக சிறுமிகளை... மேலும் பார்க்க

மதுரை : காவல் நிலையத்தில் விசாரணைக்காக அழைத்து வரப்பட்டவர் தூக்கிட்டு தற்கொலை; போலீஸார் சஸ்பெண்ட்!

தேனி மாவட்டத்தைச் சேர்ந்த பாலகிருஷ்ணன் என்பவர், சரக்கு வாகனத்தில் ஓட்டுநராகப் பணியாற்றி வந்தார். கடந்த நவம்பர் 2-ம் தேதி அதிகாலை தேவரத்தில் இருந்து மதுரைக்கு பார்சல்கள் மற்றும் ஏலக்காய்களை ஏற்றிக்கொண்... மேலும் பார்க்க