வட இந்தியா முழுவதும் வாட்ஸ்ஆப் மூலம் ரூ.88 கோடிக்கு கிரிக்கெட் சூதாட்டம்: ரெய்டி...
மும்பை தாதா சோட்டா ராஜனை கொலை செய்ய அனுப்பப்பட்ட தாவூத் இப்ராகிம் கூட்டாளி - உ.பி.யில் சுட்டுக்கொலை
டெல்லியில் சட்ட அமைச்சர் கபில் சர்மா அலுவலகம் அருகில் கடந்த 16ம் தேதி நடந்த கொலை தொடர்பாக தாவூத் இப்ராகிம் கூட்டாளி நசீம் துரானி என்பவனை போலீஸார் தேடி வந்தனர். கடந்த 16ம் தேதி வடகிழக்கு டெல்லியின் கஜூரி காஸ் பகுதியில், சமீர் என்பவரை நோக்கி துரானி 20 முறை துப்பாக்கியால் சுட்டு கொன்றான். தாவூத் இப்ராகிம் கூட்டாளியான சோட்டா சகீலுக்கு மிகவும் நெருக்கமான துரானி மீது கொலை, கொலை முயற்சி என 25க்கும் மேற்பட்ட வழக்குகள் நிலுவையில் இருக்கின்றன. அவனைப்பற்றி தகவல் கொடுத்தால் ரூ.50 ஆயிரம் சன்மானம் கொடுக்கப்படும் என்று போலீஸார் அறிவித்து இருந்தனர்.
உத்தரப்பிரதேச மாநிலம் புலந்த்ஷஹரில் துரானி பதுங்கி இருப்பதாக போலீஸாருக்கு தகவல் கிடைத்தது. உடனே டெல்லி போலீஸாரும், நொய்டா சிறப்பு அதிரடிப்படையினரும் சேர்ந்து துரானியை சுற்றி வளைத்து சரணடையும்படி தெரிவித்தனர். ஆனால் அவன் போலீஸார் மீது துப்பாக்கியால் சுட்டான்.

இதையடுத்து அவன் மீது போலீஸார் துப்பாக்கிச்சூடு நடத்தினர். இதில் படுகாயம் அடைந்த துரானி மருத்துவமனைக்கு கொண்டு செல்லப்பட்டான்.
ஆனால் அதற்குள் இறந்து போனான். துரானியிடம் தாவூத் இப்ராகிம் கூட்டாளி சோட்டாசகீல் மும்பை தாதா சோட்டாராஜனை கொலை செய்யும் பணியை கொடுத்து இருந்தான் எனத் தெரிய வந்துள்ளது. மேலும் பாகிஸ்தான்-கனடா பத்திரிகையாளர் ஒருவரை கொலை செய்த வழக்கிலும் துரானிக்கு தொடர்பு இருக்கிறது.
நசீம் துரானியின் கும்பல், கிழக்கு மற்றும் வடகிழக்கு டெல்லியில் செயல்பட்டு வந்த ராஜா மேவாதி (எ) 'அக்கி டான்' தலைமையிலான கோஷ்டியுடன் மோதலில் ஈடுபட்டிருந்தது. சூதாட்டம், போதைப்பொருள் கடத்தல் மற்றும் மிரட்டி பணம் பறித்தல் தொடர்பாக இரு கும்பலுக்கும் இடையே அடிக்கடி தகராறு ஏற்படுவதுண்டு என்று போலீஸார் தெரிவித்தனர்.
















