வெற்றிப் பயணத் திட்டம்: தொடங்கி வைத்த முதல்வர் விஜய்; எந்தெந்தப் பேருந்துகளில் கட்டணமில்லா பயணம்?

தமிழக வெற்றிக் கழகத்தின் வாக்குறுதிகளில் ஒன்றான ‘வெற்றிப் பயணத் திட்டத்தை’ இன்று சென்னையில் தொடங்கி வைத்திருக்கிறார் தமிழ்நாடு முதலமைச்சர் விஜய்.

இந்தத் திட்டத்தில் யார் பயன்பெறலாம்?

இந்தத் திட்டத்தின் கீழ் அரசுப் பேருந்துகளில் பெண்கள், பெண் குழந்தைகள், திருநர்கள் கட்டணமில்லாமல் பயணம் மேற்கொள்ளலாம்.

இந்தத் திட்டத்தின் கீழ், எந்தெந்தப் பேருந்துகளில் பயணிக்கலாம்?

மாநகரம், நகரப் பகுதிகளில் இயங்கும் Express, LSS, டீலக்ஸ் (Deluxe) அரசுப் பேருந்துகளிலும்,

மாவட்டங்களுக்கிடையே பயணம் மேற்கொள்ள ஏதுவாகப் புறநகர் (Mofussil) மற்றும் மலைப் பகுதிகளில், சாதாரணக் கட்டணப் பேருந்துகளிலும் கட்டணமில்லாப் பயணங்கள் மேற்கொள்ளலாம்.

இது முதற்கட்டமாக என்று கூறப்பட்டுள்ளது.

ஏதேனும் நிபந்தனை?

இந்தத் திட்டத்தில் பயன்பெற வருமான உச்சவரம்போ அல்லது மேற்கொள்ள விரும்பும் பயண எண்ணிக்கையிலோ கட்டுப்பாடுகள் இல்லை என்று தமிழ்நாடு அரசு தெரிவித்துள்ளது.

இன்னும் சில தகவல்கள்...

தேசத்தந்தை காந்தியின் பிறந்த நாளை முன்னிட்டு இன்று இந்தத் திட்டம் தொடங்கி வைக்கப்பட்டுள்ளது.

இந்தத் திட்டத்தைச் செயல்படுத்த ஆண்டுக்குத் தோராயமாக 6000 கோடி ரூபாய் செலவினம் ஏற்படும் என்று தெரிவிக்கப்பட்டுள்ளது.

வெற்றிப் பயணத் திட்டம் கடந்த ஆகஸ்ட் 24-ம் தேதி, தமிழ்நாடு சட்டப்பேரவையில் 110 விதியின் கீழ் விஜய் அறிவித்திருந்தார் என்பது குறிப்பிடத்தக்கது.