செய்திகள் :

"ஆண் பிள்ளைகளை கோலி, ரோஹித் ஆக்க விரும்பும் பெற்றோர் பெண் பிள்ளைகளை அப்படி விரும்புவதில்லை" - ஜெய்ஷா

post image

இந்தியாவில் மகளிர் கிரிக்கெட் 1973 முதல் கால் நூற்றாண்டுக்கும் மேலாக WCAI எனும் இந்திய மகளிர் கிரிக்கெட் சங்கத்தால் நிர்வகிக்கப்பட்டு வந்தது.

பின்னர், 2005-ல் இந்திய மகளிர் அணி முதல்முறையாக ஒருநாள் உலகக் கோப்பை இறுதிப்போட்டிக்கு முன்னேறிய அடுத்தாண்டு முதல் பி.சி.சி.ஐ இந்திய மகளிர் கிரிக்கெட்டையும் சேர்த்து நிர்வகிக்கத் தொடங்கியது.

ஆனாலும் இந்திய அணியில் வீரர்களுக்கு அதிக சம்பளமும், வீராங்கனைகளுக்கு மிகக் குறைவான சம்பளமும் வழங்கப்பட்டு வந்தது.

இந்திய மகளிர் கிரிக்கெட் அணி
இந்திய மகளிர் கிரிக்கெட் அணி

2019-ல் மத்திய அமைச்சர் அமித் ஷாவின் மகன் ஜெய் ஷா பி.சி.சி.ஐ செயலாளராகப் பொறுப்பேற்ற பிறகு 2022 அக்டோபரில் இந்திய அணியில் வீரர்கள், வீராங்கனைகள் இருபாலருக்கும் சம ஊதியத்தைக் கொண்டுவந்தார்.

அவருக்கு முன்பாக முதல் நாடாக அதே ஆண்டில் ஜூலை மாதம் நியூசிலாந்து கிரிக்கெட் வாரியம் ஐந்தாண்டு ஒப்பந்தம் அடிப்படையில் வீரர்கள், வீராங்கனைகளுக்கு சம ஊதியத்தைக் கொண்டுவந்தது.

இன்று வரை இந்த இரண்டு கிரிக்கெட் வாரியங்கள் மட்டுமே இருபாலருக்கும் சம ஊதியத்தை அளிக்கின்றன.

பி.சி.சி.ஐ-யில் இப்படியொரு குறிப்பிடத்தக்க மாற்றத்தைக் கொண்டுவந்த ஜெய் ஷா தற்போது சர்வதேச கிரிக்கெட் கவுன்சிலின் தலைவராக இருக்கிறார்.

இந்த நிலையில், பி.சி.சி.ஐ செயலாளராகத் தான் எடுத்த முடிவுகளில் தனக்குப் பிடித்த முடிவுகள் எவை என்று ஜெய் ஷா பேசியிருக்கிறார்.

நேற்று தனியார் ஊடகமான CNN News18 ஜெய் ஷாவுக்கு '2025-ம் ஆண்டின் சிறந்த சாதனையாளர் விருது' வழங்கி கௌரவித்தது.

Jay Shah - ஜெய் ஷா
Jay Shah - ஜெய் ஷா

இந்நிகழ்ச்சியில், முதல்முறையாக இந்தியாவை உலகக் கோப்பை இறுதிப்போட்டிக்குக் கொண்டு சென்ற முன்னாள் இந்திய கேப்டன் மிதாலி ராஜ், இந்தியாவுக்கு முதல்முறையாக உலகக் கோப்பை வென்று கொடுத்த கேப்டன் ஹர்மன்பிரீத் கவுர், மகளிர் கிரிக்கெட்டில் அனைத்து ஃபார்மட்களையும் சேர்த்து அதிக விக்கெட்டுகளை வீழ்த்தியிருக்கும் ஜூலன் கோஸ்வாமி ஆகியோர் கலந்து கொண்டனர்.

அவர்களுக்கு இந்த விருதை ஜெய் ஷா அர்ப்பணித்தார்.

அதைத்தொடர்ந்து நிகழ்ச்சி மேடையில் பேசிய ஜெய் ஷா, ``2019 அக்டோபர் 23-ம் தேதி பி.சி.சி.ஐ செயலாளராக நான் பொறுப்பேற்றேன். அன்றிலிருந்து 2024 டிசம்பர் 1-ம் தேதி வரையில் நாங்கள் நிறைய முடிவுகளை எடுத்தோம், நிறைய சாதனைகள் படைத்தோம்.

உள்ளூர் போட்டிகள் கட்டமைப்பை வலுப்படுத்தினோம். சம ஊதியத்தைக் கொண்டு வந்தோம். மகளிர் ஐ.பி.எல் (WPL) தொடங்கினோம். எந்தச் சர்ச்சையும் இல்லாமல் ரூ. 50,000 கோடி மதிப்பிலான ஒளிபரப்பு உரிமைகளை விற்றோம்.

அனைத்து வசதிகளும் கொண்ட தேசிய கிரிக்கெட் அகாடமியை அமைத்தோம். பெர்த், கேப் டவுன், சிட்னி, லார்ட்ஸ் போன்ற அனைத்து வகையான பிட்ச்களும் இங்கு பயிற்சிக்காக உள்ளன.

Jay Shah - ஜெய் ஷா
Jay Shah - ஜெய் ஷா

ஆனால், இவற்றில் எனக்கு பிடித்தவை சம ஊதியம் கொண்டு வந்ததும், மகளிர் ஐ.பி.எல் ஆரம்பித்ததும்தான். அதன் பலனைச் சமீபத்தில் பார்த்தோம் (மகளிர் உலகக் கோப்பையை இந்தியா வென்றது).

ஹர்மன்பிரீத் கவுர் மற்றும் அவரது அணிக்கு என்னுடைய வாழ்த்துகள். அனைவரின் இதயங்களையும் நீங்கள் வென்றுவிட்டீர்கள். மேலும், ஆண்கள் வெற்றி பெற அழுத்தம் ஏற்படுத்தியிருக்கிறீர்கள்.

பெற்றோர் தங்களுக்கு ஆண் மற்றும் பெண் குழந்தைகள் இருந்தால் அதில் ஆண் பிள்ளைகள் விராட் கோலி அல்லது ரோஹித் சர்மா போன்று உருவாக்க விரும்புகிறார்கள். ஆனால், பெண் பிள்ளைகளை ஹர்மன்பிரீத் கவுராகவோ அல்லது ஸ்மிருதி மந்தனாவாகவோ உருவாக்க விரும்புவதில்லை.

நாங்கள் சம ஊதியம் கொண்டுவந்துவிட்டதால் இனி பெற்றோர் தங்களின் பெண் பிள்ளைகளை ஹர்மன்பிரீத் கவுராகவோ அல்லது ஸ்மிருதி மந்தனாவாகவோ உருவாக்குவார்கள்" என்று கூறினார்.

Faf du Plessis: "இது கடினமான முடிவு; ஆனால்" - 2026 IPL பற்றி ஷாக் கொடுத்த முன்னாள் CSK எல்லைச்சாமி

இந்தியன் பிரீமியர் லீக்கின் ஆல் டைம் ஃபைன் அண்ட் பெஸ்ட் வெளிநாட்டு வீரர்களில் தவிர்க்க முடியாதவர் ஃபாப் டு பிளெஸ்ஸிஸ்.2011 ஏலத்தில் சென்னை சூப்பர் கிங்ஸ் அணியால் வாங்கப்பட்டாலும் அந்த சீசன் முழுவதும் ... மேலும் பார்க்க

Ashes: "எங்களை மோசம் என்றுகூட சொல்லுங்கள்; ஆனால் ஆணவம்" - இங்கிலாந்து கேப்டன் ஸ்டோக்ஸ் ஓபன் டாக்

கிரிக்கெட் உலகில் பெரும் எதிர்பார்ப்புக்குரிய தொடராகக் கருதப்படும் ஆஷஸ் டெஸ்ட் தொடர் ஆஸ்திரேலியாவில் நவம்பர் 21-ம் தேதி தொடங்கியது.பெர்த் மைதானத்தில் நடைபெற்ற முதல் டெஸ்ட் போட்டியில் பேட் கம்மின்ஸ் இல... மேலும் பார்க்க

Dhoni: இந்திய வீரர்களுக்கு தன் வீட்டில் விருந்தளித்த தோனி - இணையத்தில் வைரலாகும் வீடியோ!

விராட் கோலியை தோனி காரில் அழைத்து சென்ற வீடியோ இணையத்தில் வைரலாகி வருகின்றன. இந்தியாவிற்கு சுற்றுப்பயணம் மேற்கொண்டிருக்கும் தென்னாப்பிரிக்க அணி 2 டெஸ்ட் போட்டிகள், 3 ஒருநாள் போட்டிகள், 5 டி20 போட்டிகள... மேலும் பார்க்க

``பவுமா, தோனியைப் போன்றவர்; இருவருக்கும் உள்ள ஒற்றுமை இதுதான்!'' - ஏபி டி வில்லியர்ஸ் விளக்கம்

தற்போதைய டெஸ்ட் கிரிக்கெட் உலகில் தோல்வியே காணாத கேப்டனாக ஜொலித்து வருகிறார் தென்னாப்பிரிக்காவின் டெஸ்ட் அணி கேப்டன் டெம்பா பவுமா.1998-ல் ஐசிசி சாம்பியன்ஸ் டிரோபி வென்ற பிறகு, ஒருநாள் உலகக் கோப்பை, டி... மேலும் பார்க்க

2011-ல் வரிசையாக 7 தோல்விகள்; அன்று தோனி பேசிய வார்த்தைகள் - `தற்பெருமை’ தான் முக்கியமா கம்பீர்?

டெஸ்ட் கிரிக்கெட்டில் எவ்வளவு பெரிய அணியாக இருந்தாலும் ஆஸ்திரேலியா, இங்கிலாந்து, தென்னாப்பிரிக்கா போன்ற அணிகளை அவர்களின் மண்ணில் வீழ்த்துவது, அதிலும் தொடரை வெல்வது இன்றும் கடினம்.அதைவிட புளியங்கொம்பு ... மேலும் பார்க்க

Jemimah Rodrigues: "தோழி ஸ்மிருதி மந்தனாவுக்கு ஆதரவாக இருக்க" - WBBL தொடரிலிருந்து விலகிய ஜெமிமா

இந்திய மகளிர் கிரிக்கெட்டின் நட்சத்திர பேட்டர் ஜெமிமா ரோட்ரிக்ஸ் (Jemimah Rodrigues) நடந்துவரும் 2025 மகளிர் பிக் பேஷ் லீக் (WBBL) சீசனில் பிரிஸ்பேன் ஹீட் அணிக்காக விளையாடி வந்தார்.ஸ்மிருதி மந்தனாவின்... மேலும் பார்க்க