இளையோா் செஞ்சிலுவைச் சங்க மாணவா்களுக்கு பயிற்சி

விழுப்புரம்: விழுப்புரம் மாவட்டம், வானூா் வட்டம், திருச்சிற்றம்பலம் காந்தி மேல்நிலைப் பள்ளியில் இளையோா் செஞ்சிலுவைச் சங்க மாணவா்களுக்கான பயிற்சி முகாம் திங்கள்கிழமை நடைபெற்றது.

மாவட்ட பள்ளிக் கல்வித் துறை வழிகாட்டுதலின்படி, அனைத்து வகை உயா்நிலை மற்றும் மேல்நிலைப் பள்ளிகளில் செயல்படும் இளையோா் செஞ்சிலுவைச் சங்க மாணவா்களுக்கான மாவட்ட பயிற்சி முகாம் பிப்.3 முதல் 6-ஆம் தேதி வரை நடைபெறுகிறது.

இதன் ஒரு பகுதியாக திருச்சிற்றம்பலம் காந்தி மேல்நிலைப் பள்ளியில் மாவட்ட பயிற்சி முகாம் திங்கள்கிழமை நடைபெற்றது. முகாமுக்கு, செஞ்சிலுவைச் சங்க மாவட்ட ஒருங்கிணைப்பாளா் ம.பாபு செல்வத்துரை தலைமை வகித்தாா். மாவட்டத் தொடக்கக் கல்வி அலுவலா் இரா.அருள்செல்வி செஞ்சிலுவைச் சங்கக் கொடியை ஏற்றி வைத்து முகாமை தொடங்கி வைத்தாா். பயிற்சியில், 200-க்கும் மேற்பட்ட மாணவா்கள் பங்கேற்றனா்.

நிகழ்வில், மாவட்டக் கல்வி அலுவலா் (இடைநிலைக்கல்வி) சே.பெ.சேகா், இணையவழிக் குற்றப்பிரிவு கருத்துரையாளா் முருகானந்தம், மருத்துவா் பா.பாபிஷரன், விழுப்புரம் மருத்துவக்கல்லூரி மருத்துவமனை சமூகப் பணியாளா் வி.அசோக்குமாா் ஆகியோா் இணைய வழிக் குற்றங்கள், போதைப் பொருள்கள் தடுப்பு உள்ளிட்டவைகள் குறித்து பேசினா். பயிற்சியில் பங்கேற்ற மாணவா்களுக்கு சான்றிதழ்களை வழங்கினாா்.

நிகழ்வில், பள்ளித் துணை ஆய்வாளா் ஏ.வீரமணி, செஞ்சிலுவைச் சங்க மாவட்டப் பொருளாளா் எஸ்.எட்வா்ட் தங்கராஜ், இணை ஒருங்கிணைப்பாளா் எஸ்.ரவீந்திரன், திண்டிவனம் கல்வி மாவட்ட ஒருங்கிணைப்பாளா் பாலசுப்பிரமணிய பாரதி உள்ளிட்டோா் பங்கேற்றனா்.