செய்திகள் :

கடன் வாங்கி சூதாட்டம்; ரூ.4 லட்சம் இழப்பு - கடனை அடைக்க குடும்பத்தையே கொன்று கொள்ளையடித்த வாலிபர்

post image

அஸ்ஸாம் மாநிலம் திப்ருகர் பகுதியில் உள்ள துலியாஜனில் வசித்து வந்தவர் சந்திரகாந்தா. இந்தியன் ஆயில் கழகத்தில் வேலை பார்த்து ஓய்வு பெற்ற சந்திரகாந்தா தனது மனைவி எலிசா மற்றும் மகளுடன் வசித்து வந்தார். இவர் தனது வீட்டின் ஒரு பகுதியை ராஜு தாஸ் என்பவருக்கு வாடகைக்கு விட்டு இருந்தார். ராஜு தாஸ் சந்திரகாந்தாவிற்கு தேவையான வேலைகளை செய்து கொடுத்து வந்தார். இரண்டு நாட்களுக்கு முன்பு சந்திரகாந்தா மற்றும் அவரது மனைவி, மகள் ஆகியோர் வீட்டில் கொலை செய்யப்பட்டு கிடந்தனர். இது குறித்து போலீஸார் வழக்கு பதிவு செய்து விசாரித்து வந்தனர்.

வீட்டில் இருந்த நகை மற்றும் பணம் காணாமல் போய் இருந்தது. வாடகைக்கு இருந்த ராஜு காணாமல் போய் இருந்தார். இதையடுத்து ராஜுவை போலீஸார் தேடி வந்தனர். தீவிர தேடுதலுக்கு பிறகு அவரும், அவரது கூட்டாளியும் சிமலுகுரி ரயில் நிலையத்தில் கைது செய்யப்பட்டனர். அவர்கள் சந்திரகாந்தா வீட்டில் கொள்ளையடித்த பொருட்களுடன் அஸ்ஸாம் எக்ஸ்பிரஸ் மூலம் பெங்களூரு தப்பிச்செல்ல திட்டமிட்டு இருந்தது அவர்களிடம் நடத்திய விசாரணையில் தெரிய வந்தது.

அவர்களிடம் விசாரணை நடத்தியதில் இரண்டு பேரும் கொலை சம்பவத்திற்கு மூன்று நாட்களுக்கு முன்புதான் கூடி பேசி கொலைக்கு சதித்திட்டம் தீட்டியுள்ளனர் என்று தெரிய வந்தது. மேலும் இது குறித்து போலீஸார் கூறுகையில்,'' 30 வயதான ராஜு, தனது தந்தையிடம் கடன் வாங்கிய ரூ.4 லட்சத்தை ஆன்லைன் சூதாட்டத்தில் இழந்துள்ளார். அதைத் தொடர்ந்து கடனை அடைப்பதற்காக கொள்ளையடிக்கத் திட்டமிட்டுள்ளார். விசாரணையில், ராஜு மற்றும் அவரது கூட்டாளி அமீர்தாஸ் ஆகியோர் கொடூரமான கொலை செய்ததை ஒப்புக்கொண்டனர்.

அவர்கள் மூன்று பேரையும் இரும்பு கம்பி மற்றும் சுத்தியலால் தாக்கி கொலை செய்துள்ளனர். முதலில் எலிசா புயானையும், பின்னர் மகளையும், இறுதியில் சந்திரகாந்தாவையும் கொன்றதாக தெரிவித்துள்ளனர்''என்றார். காலை 8.30 மணிக்கு சந்திரகாந்தா வீட்டிற்குள் நுழைந்த அவர்கள் பிற்பகல் 12.15 மணி வரை இருந்து மூன்று பேரையும் கொலை செய்து நகை மற்றும் பணத்தை கொள்ளையடித்துள்ளனர். கொள்ளையடிக்கப்பட்ட நகை மற்றும் பணமும் பறிமுதல் செய்யப்பட்டுள்ளது.

தாமிரபரணி ஆற்றில் குளிக்கச் சென்ற 80 வயது மூதாட்டி பாலியல் வன்கொடுமை; குற்றவாளியைத் தேடும் போலீஸ்!

.நெல்லை மாவட்டம் முன்னீர்பள்ளம் மருதம்நகரைச் சேர்ந்த 80 வயது மூதாட்டி தினமும் அதிகாலையில் எழுந்ததும் அருகில் உள்ள தாமிரபரணி ஆற்றில் குளிக்கச் செல்வது வழக்கம். அவரது நடவடிக்கையை கண்காணித்த மர்ம நபர், அ... மேலும் பார்க்க

`ஆடையின்றி பேசுங்களேன்!’ - இன்ஸ்டாவில் வலை, வாட்ஸ்-அப்பில் ஸ்கெட்ச்; இளம்பெண்ணை தேடும் போலீஸ்!

தகவல் தொழில்நுட்பங்களின் வளர்ச்சிக்கு நிகராக, அதன்மூலம் நடைபெறும் சைபர் குற்றங்களும் அதிகரித்து வருகின்றன. குறிப்பாக இன்ஸ்டாகிராம், ஃபேஸ்புக் உள்ளிட்ட சோசியல் மீடியா கணக்குகள் மூலம் நாள்தோறும் குற்றங்... மேலும் பார்க்க

Bilkis Bano: “பழைய பயங்கள் மீண்டும் தலைதூக்குகின்றன...” - ஜாமீன் விவகாரத்தில் பில்கிஸ் பானு வேதனை

2002-ம் ஆண்டு பில்கிஸ் பானுவைக் கூட்டுப் பாலியல் வன்கொடுமை செய்ததோடு, அவரது குடும்பத்தைச் சேர்ந்த 14 பேரைக் கொலை செய்த வழக்கில் தண்டனை பெற்ற 11 குற்றவாளிகளில் இருவரின் தண்டனையை நிறுத்தி வைத்து, உச்ச ந... மேலும் பார்க்க

திருச்சி: பைக்கில் சென்ற விவசாயி வெட்டிக் கொலை; 2 சிறார் உட்பட 10 பேர் கைதான பின்னணி என்ன?

திருச்சி மாவட்டம், சோமரசம்பேட்டை அருகே உள்ள போதாவூரைச் சேர்ந்தவர் பாண்டியன் (வயது: 46). விவசாயியான இவருக்கும், அதே ஊரைச் சேர்ந்த இன்பராஜ் (வயது: 22), என்பவருக்கும் இடையே முன்விரோதம் இருந்துள்ளது. இதனா... மேலும் பார்க்க

உ.பி: திருட வந்த இடத்தில் இரட்டை கொலை... பாலியல் வன்கொடுமை; இளைஞரை சுட்டுப் பிடித்த போலீஸ்!

உத்தரப்பிரதேச மாநிலம் கன்னோஜில் ரயில்வே டிக்கெட் விற்பனையாளர் சஞ்சீவ் வீட்டில் கடந்த 5ம் தேதி கொலை வழக்கு ஒன்றில் ஜாமீனில் வெளிவந்த 23 வயது வாலிபர் ஒருவர் பணம் திருடுவதற்காக நுழைந்தார். அப்போது அந்த வ... மேலும் பார்க்க

``ஸ்கூட்டர் கொடுத்து உதவிய மீனாட்சி; நிஷாந்த் சிக்கக் காரணமான டாட்டூ!" - காவல் ஆணையர் பேட்டி

மதுரையில் தனிஷ்க் நகைக்கடையில் நடந்த கொள்ளைச் சம்பவம் குறித்து மாநகரக் காவல் ஆணையர் ராஜேந்திரன், மாநகர தெற்கு துணை ஆணையர் இனிகோ திவ்யன் ஆகியோர் செய்தியாளர்களைச் சந்தித்துப் பேசும்போது, " நகைக்கடையில் ... மேலும் பார்க்க