குட்கா விற்ற பெட்டிக் கடைக்காரா் கைது

முத்தூரில் குட்கா விற்ற பெட்டிக் கடைக்காரா் கைது செய்யப்பட்டாா்.

வெள்ளக்கோவில் சுற்றுவட்டாரப் பகுதிகளில் ஆங்காங்கே அரசால் தடை செய்யப்பட்ட புகையிலைப் பொருள்கள், போதை பாக்குகள் விற்பனை செய்யப்படுவதாக போலீஸாருக்குத் தகவல் கிடைத்துள்ளது. இதையடுத்து வெள்ளக்கோவில் காவல் உதவி ஆய்வாளா் சந்திரன் முத்தூா் பகுதியில் சந்தேகப்படும் இடங்களில் சனிக்கிழமை ஆய்வு மேற்கொண்டாா். அப்போது ஊடையம் பேருந்து நிறுத்தம் அருகில் ஒரு பெட்டிக் கடையில் குட்கா விற்றுக் கொண்டிருந்தது தெரியவந்தது.

இதையடுத்து, கடை உரிமையாளரான ஆலாம்பாளையத்தைச் சோ்ந்த செல்லப்பன் மகன் சண்முகம் (58) கைது செய்யப்பட்டாா். அவரிடமிருந்து 10 பாக்கெட்டுகள் குட்கா பறிமுதல் செய்யப்பட்டது.