கும்பகோணம் மாநகராட்சி ஆணையா் மீது ஒழுங்கு நடவடிக்கை: அரசுக்கு உயா்நீதிமன்றம் உத்தரவு

கும்பகோணம் மாநகராட்சி ஆணையா் மீது ஒழுங்கு நடவடிக்கை எடுக்குமாறு தமிழக அரசுக்கு சென்னை உயா்நீதிமன்றம் உத்தரவிட்டது.

கும்பகோணத்தில் உள்ள பொற்றாமரை குளம் உள்ளிட்ட 44 குளங்கள், அதற்கு நீா் செல்லக்கூடிய 11 வாய்க்கால்களில் உள்ள ஆக்கிரமிப்புகளை அகற்ற கடந்த 2018-ஆம் ஆண்டு தஞ்சாவூா் மாவட்ட நிா்வாகத்துக்கு சென்னை உயா்நீதிமன்றம் உத்தரவிட்டிருந்தது.

ஆனால், இந்த உத்தரவை அமல்படுத்தப்படவில்லை என வழக்குரைஞா் யானை ராஜேந்திரன் நீதிமன்ற அவமதிப்பு வழக்கு தொடா்ந்திருந்தாா். இந்த வழக்கு நீதிபதிகள் சுப்பிரமணியன், அப்துல் குத்தூஸ் அமா்வில் விசாரணைக்கு வந்தது. அப்போது, ஓய்வு பெற்ற மாவட்ட நீதிபதி அளித்த அறிக்கையில், “ஆக்கிரமிப்புகளை அகற்றுவதற்கு கும்பகோணம் மாநகராட்சி ஆணையா் ஒத்துழைப்பு வழங்கவில்லை என்று கூறப்பட்டிருந்தது.

அறிக்கையை ஆய்வு செய்த நீதிபதிகள், ஆக்கிரமிப்புகளை அகற்றும்படி நீதிமன்றம் பிறப்பித்த உத்தரவுகளை அமல்படுத்த தயக்கம் காட்டும் கும்பகோணம் மாநகராட்சி ஆணையருக்கு எதிராக உடனடியாக ஒழுங்கு நடவடிக்கை எடுக்கும்படி நகராட்சி நிா்வாகத் துறை முதன்மைச் செயலருக்கு உத்தரவிட்டனா்.

தொடா்ந்து, மாநகராட்சி ஆணையருக்கு எதிராக எடுத்த நடவடிக்கை குறித்து ஜன. 27- ஆம் தேதி அறிக்கை தாக்கல் செய்யும்படி, நகராட்சி நிா்வாகத்துறை முதன்மைச் செயலருக்கு உத்தரவிட்ட நீதிபதிகள் வழக்கின் விசாரணையை அன்றைய தினத்துக்கு ஒத்திவைத்தனா்.