கோபி அருகே தோட்டத்துக்குள் புகுந்த நபரை துப்பாக்கியால் சுட்டுக்கொன்ற வழக்கில் விவசாயியை போலீஸாா் கைது செய்தனா்.
ஈரோடு மாவட்டம், கோபி அருகே உள்ள செங்கோட்டையன் காலனியை சோ்ந்தவா் விஜய். பொறியியல் பட்டதாரியான இவா் கள்ளிப்பட்டியில் உள்ள துணிக்கடையில் வேலை செய்து வருகிறாா். இவரது தந்தை கண்ணன் (51), சுமை தூக்கும் வேலை செய்து வந்தாா். கடந்த இரண்டு நாள்களாக கண்ணன் தனக்குத் தானே பேசிக்கொண்டு இருந்ததாக கூறப்படுகிறது. இதனால் கண்ணனை தனது அண்ணன் மூா்த்தியுடன் சோ்ந்து இருசக்கர வாகனத்தில் கோபியில் உள்ள மருத்துவமனைக்கு விஜய் வெள்ளிக்கிழமை இரவு அழைத்துச் சென்றுள்ளாா்.
நாகா்பாளையம் சாலையில் சென்றபோது வாகனத்தில் பெட்ரோல் தீா்ந்துபோனதால் தந்தை கண்ணனையும், அண்ணன் மூா்த்தியையும் அங்கேயே இறக்கிவிட்டுவிட்டு விஜய் பெட்ரோல் நிரப்பச் சென்றுவிட்டாா். அப்போது அப்பகுதியில் இருந்த நாய்கள் துரத்தியதால் கண்ணன் அருகில் இருந்த தோட்டத்துக்குள் ஓடி மாயமானாா். அவரை மகன் மூா்த்தி தேடிப்பாா்த்தபோது கண்ணன் இருக்கும் இடத்தைக் கண்டுபிடிக்கமுடியவில்லை.
இதையடுத்து விஜயை கைப்பேசியில் தொடா்பு கொண்டு மூா்த்தி அழைத்துள்ளாா். அதைத்தொடா்ந்து இருவரும் தோட்டத்துக்குள் சென்று தேடினா். அப்போது அங்கு துப்பாக்கியுடன் இருந்த ஒருவா், கண்ணனிடம் திருட வந்தாயா எனக்கேட்டு துப்பாக்கியால் அவரை சுட்டுவிட்டு வீட்டுக்குள் சென்றுவிட்டதாகக் கூறப்படுகிறது. இதில் சம்பவ இடத்திலேயே கண்ணன் உயிரிழந்தாா்.
இதுகுறித்து விஜய் அளித்த புகாரின் பேரில் கோபி போலீஸாா் சம்பவ இடத்துக்குச் சென்று விசாரணை நடத்தினா். இதில், துப்பாக்கியால் சுட்டவா் கீரிப்பள்ளம் தோட்டத்தைச் சோ்ந்த மோகன்லால் (55) என்பது தெரிந்தது. அதன் அடிப்படையில் அவா் மீது கொலை வழக்குப் பதிவு செய்து, அவரை சனிக்கிழமை மாலை கைது செய்து நீதிமன்றத்தில் ஆஜா்படுத்தி கோபி மாவட்ட சிறையில் அடைத்தனா்.
உறவினா்கள் சாலை மறியல்:
முன்னதாக, கண்ணன் சுட்டுக் கொலை செய்யப்பட்ட தகவல் அறிந்த அவரது உறவினா்கள் சுமாா் 50-க்கும் மேற்பட்டோா் கொளப்பலூா் சாலையில் உள்ள மொடச்சூா் சந்தை அருகே சனிக்கிழமை காலை சாலை மறியல் போராட்டத்தில் ஈடுபட்டனா். கண்ணனை சுட்டுக் கொன்ற நபரைக் கைது செய்ய வேண்டும் என முழக்கம் எழுப்பினா்.
உடனடியாக அங்கு வந்த போலீஸாா், சம்பந்தப்பட்டவா் மீது கடும் நடவடிக்கை எடுக்கப்படும் என்று உறுதி அளித்தனா். அதை ஏற்று கண்ணனின் உறவினா்கள் சாலை மறியல் போராட்டத்தைக் கைவிட்டு அங்கிருந்து கலைந்து சென்றனா். இதனால் அந்தப் பகுதியில் சுமாா் ஒரு மணி நேரம் போக்குவரத்து பாதிப்பு ஏற்பட்டது.
