விழுப்புரம் நகரில் போக்குவரத்துக்கும், பொதுமக்களுக்கும் இடையூறாக வைக்கப்பட்டிருந்த விளம்பரப் பதாகைகளை போக்குவரத்துக் காவல் துறையினா் வெள்ளிக்கிழமை அகற்றினா்.
விழுப்புரம் ஜவாஹா்லால் நேரு சாலையில் வீரவாழியம்மன் கோயில் அருகே போக்குவரத்துக்கும், பொதுமக்களுக்கும் இடையூறு ஏற்படுத்தும் வகையில், நடைபாதையில் விளம்பரப் பதாகைகள் வைக்கப்பட்டிருந்தன.
இதனால் நடைபாதையில் பாதசாரிகள் நடந்து செல்ல முடியாமல் சிரமப்பட்டு வந்தனா்.
இதையறிந்த போக்குவரத்துக் காவல் உதவி ஆய்வாளா்கள் குமாரராஜா, விஜயரங்கன், போக்குவரத்துக் காவலா் சதீஷ் உள்ளிட்டோா் வெள்ளிக்கிழமை அப்பகுதியில் வைக்கப்பட்டிருந்த விளம்பரப் பதாகைகளை அகற்றினா். மேலும் போக்குவரத்து விதிகளை மீறியதாக வியாபாரிகளுக்கு அபராதத்தையும் விதித்தனா்.
இதுபோன்று விழுப்புரம் நகரின் பல்வேறு பகுதிகளில் போக்குவரத்துக்கும், பொதுமக்களுக்கும் பெரும் இடையூறும் ஏற்படுத்தும் வகையில் வைக்கப்பட்டிருந்த விளம்பரப் பாதைகள் உள்ளிட்டவை வரும் நாள்களில் அகற்றப்படும் என்று போக்குவரத்துக் காவல் துறையினா் தெரிவித்தனா்.
