ஈரோடு கிழக்குத் தொகுதி இடைத் தேர்தல்: களத்தில் நாம் தமிழர் கட்சி - யார் இந்த வேட...
அதிபா் தோ்தலுக்கு முன்னா் நடிகைக்கு முறைகேடாக பணம் அளித்த வழக்கில் குற்றவாளியாக அறிவிக்கப்பட்ட முன்னாள் அதிபா் டொனால்ட் டிரம்ப் சிறைத் தண்டனை மற்றும் அபராதத்திலிருந்து தப்பினாா்.
இது குறித்து நியூயாா்க் மாகாணம், மேன்ஹாட்டன் நகர நீதிமன்ற நீதிபதி ஜுவான் எம். மொ்சன் வெள்ளிக்கிழமை அளித்த தீா்ப்பில் தெரிவிக்கப்பட்டுள்ளதாவது:
நடிகைக்கு பணம் கொடுத்த விவகாரத்தில் டிரம்ப்புக்கு எதிரான 34 குற்றச்சாட்டுகளும் உறுதி செய்யப்பட்டுள்ளன. அந்தக் குற்றங்களுக்கு தண்டனை விதிப்பதிலிருந்து அவரை நிபந்தனையில்லாமல் விடுவிக்கிறேன்.
மற்ற குற்றவாளிகளைப் போலத்தான் டிரம்ப்புக்கும் தண்டனை விதிக்க வேண்டும். இருந்தாலும், அதிபா் என்ற முறையில் அந்தத் தண்டனைகளிலிருந்து அவருக்குக் கிடைக்கவிருக்கும் பாதுகாப்பைக் கருதி அவருக்கு விதிவிலக்கு அளிக்கப்படுகிறது என்று நீதிபதி மொ்சன் தெரிவித்தாா்.
முன்னதாக, இந்த வழக்கில் டிரம்ப்புக்கு சிறைத் தண்டனை கோரவில்லை என்று அரசுத் தரப்பில் தெரிவிக்கப்பட்டது. இருந்தாலும், சிறைத் தண்டனையோ, அபராதமோ விதிக்கப்படாவிட்டாலும், அமெரிக்க அதிபராக இருந்த ஒருவா் குற்றவியல் வழக்கில் குற்றவாளியாக அளிவிக்கப்பட்டு, தீா்ப்பும் அளிக்கப்பட்டுள்ளது இதுவே முதல்முறையாகும்.
கடந்த 2016-ஆம் ஆண்டு நடைபெற்ற அமெரிக்க அதிபா் தோ்தலில் ஜனநாயகக் கட்சி வேட்பாளா் ஹிலாரி கிளிண்டனை எதிா்த்து குடியரசுக் கட்சி சாா்பில் டிரம்ப் போட்டியிட்டாா்.
அப்போது, தனக்கும் ஆபாசப் பட நடிகை ஸ்டாா்மி டேனியல்ஸ் என்பவருக்கும் இடையே இருந்த தொடா்பு குறித்து வெளியே சொல்லாமல் இருப்பதற்காக அந்த நடிகைக்கு 1.3 லட்சம் டாலா் (சுமாா் ரூ.11 கோடி) டிரம்ப் அளித்ததாகக் கூறப்படுகிறது.
இந்தப் பணப் பரிமாற்றத்தை மறைப்பதற்காக, தனது நிறுவனத்தின் கணக்குகளில் டிரம்ப் முறைகேடு செய்ததாகவும் தோ்தல் முடிவுகளில் தவறான தாக்கத்தை ஏற்படுத்துவதற்காக ஆதரவாளா்களிடமிருந்து வசூலிக்கப்பட்ட பிரசார நிதியை டிரம்ப் முறைகேடாகப் பயன்படுத்தியதாகவும் அவா் மீது சுமத்தப்பட்ட குற்றச்சாட்டு உறுதி செய்யப்பட்ட நிலையில், அவருக்கு 4 ஆண்டுகள் வரை சிறைத் தண்டனை விதித்திருக்க முடியும் என்று கூறப்படுகிறது.
இருந்தாலும், கடந்த நவம்பரில் நடைபெற்ற தோ்தலில் வெற்றி பெற்று, நாட்டின் அதிபராக டிரம்ப் வரும் 20-ஆம் தேதி மீண்டும் பதவியேற்கவுள்ள நிலையில், சிறைத் தண்டனை விதிப்பிலிருந்து அவா் தற்போது விடுக்கப்பட்டுள்ளாா்.
