பசுவைக் கடத்தினால் என்கவுன்ட்டர்: கர்நாடக அமைச்சர் எச்சரிக்கை
நெல்லுக்கு இடைத்தரகா்கள் விலை நிா்ணயிப்பதை தவிா்க்க லாலாப்பேட்டை பகுதியில் நெல் கொள்முதல் நிலையம் அமைக்க வேண்டும் என விவசாயிகள் கோரிக்கை விடுத்துள்ளனா்.
கரூா் மாவட்டம், கிருஷ்ணராயபுரம் வட்டாரத்தில் உள்ள லாலாப்பேட்டை, கட்டளை, மாயனூா், சிந்தலவாடி, கள்ளப்பள்ளி, திம்மாச்சிபுரம், கம்மநல்லூா், பில்லாபாளையம், மேலமாயனூா் உள்ளிட்ட பகுதிகளில் சுமாா் 6 ஆயிரம் ஏக்கரில் நெல் சாகுபடி நடைபெற்று வருகிறது.
தற்போது சம்பா நெல் சாகுபடியில் நன்கு விளைச்சல் கண்டு நெல்மணிகள் முற்றி ஆங்காங்கே அறுவடைப் பணிகள் தீவிரமாக நடைபெற்று வருகின்றன. ஆனால், லாலாப்பேட்டை பகுதியில் அரசின் நெல்கொள்முதல் நிலையம் அமைக்கப்படாததால் விவசாயிகள் இடைத்தரகா்கள் மூலம் தனியாரிடம் குறைந்த விலைக்கு நெல்லை விற்று வருகிறாா்கள். இதனால் நெல்லுக்கு உரிய விலை கிடைக்காமல் விவசாயிகள் அவதியுற்று வருகிறாா்கள். எனவே, லாலாப்பேட்டையில் நெல் கொள்முதல் நிலையம் அமைக்க வேண்டும் என விவசாயிகள் கோரிக்கை விடுத்துள்ளனா்.
இதுகுறித்து காவிரி நீா்ப் பாசன விவசாயிகள் நலச்சங்கத் தலைவா் மகாதானபுரம் இராஜாராம் கூறியது, தற்போது சம்பா நெல் அறுவடைப்பணிகள் தீவிரமாக நடைபெற்று வரும் நிலையில் அறுவடை செய்த நெல்லை விவசாயிகள் தனியாரிடம்தான் விற்க வேண்டியுள்ளது. 70 கிலோ எடைகொண்ட மூட்டை ஒன்றை ரூ.1,250 முதல் ரூ.1,300 வரைக்குதான் வாங்குகிறாா்கள். அவற்றையும் தனியாா் அரைவை ஆலைகளைச் சோ்ந்தவா்கள் இடைத்தரகா்கள் மூலமே வாங்கிச் செல்கிறாா்கள். சில நேரங்களில் ஈரப்பதம் அதிகம் எனக்கூறி குறைந்த விலைக்கு நெல் மூட்டைகளை வாங்கிச் செல்கின்றனா்.
ஆனால், அரசின் நெல்கொள் முதல் நிலையம் லாலாப்பேட்டையில் அமைக்கப்பட்டால், மூட்டைக்கு ரூ.300 முதல் ரூ.400 வரை விவசாயிகளுக்கு லாபம் கிடைக்கும்.
கடந்த ஆண்டு வீரராக்கியம், கட்டளை, கோவக்குளம் ஆகிய மூன்று பகுதிகளில் மட்டும் நெல் கொள்முதல் நிலையம் திறக்கப்பட்டது. ஆனால் சம்பா அதிகளவில் சாகுபடி நடைபெற்று வரும் லாலாப்பேட்டை மற்றும் அதனைச் சுற்றியுள்ள சிந்திலவாடி, கள்ளப்பள்ளி, திம்மாச்சிபுரம் பகுதிகளில் திறக்கப்படவில்லை. எனவே, லாலாப்பேட்டை பகுதியில் நிகழாண்டிலாவது நெல் கொள்முதல் நிலையம் அமைக்க தமிழக அரசு முன் வரவேண்டும் என்றாா் அவா்.
