செய்திகள் :

வாணியம்பாடி: மகளின் கல்விக்காகத் தீக்குளிக்க முயன்ற தாய்; முழுக் கட்டணத்தையும் ஏற்ற திமுக நிர்வாகி

post image

திருப்பத்தூர் மாவட்டம், வாணியம்பாடி அருகேயுள்ள கதிரிபுரம் பகுதியைச் சேர்ந்தவர்கள் சக்திவேல் - கோமதி தம்பதியினர். இவர்களது மகள் பிரேமலதா தனியார் நர்சிங் கல்லூரியில் பி.எஸ்.சி மூன்றாம் ஆண்டு பயின்று வருகிறார்.

தந்தை சக்திவேலுக்கு உடல்நிலை பாதிக்கப்பட்டதால் அவரால் வேலைக்குச் செல்ல முடியாத சூழல் ஏற்பட்டது. இதனால் குடும்பத்தில் வருமானம் இன்றி, மாணவியின் கல்லூரிக் கட்டணத்தைச் செலுத்த முடியாமல் பெற்றோர் தவித்து வந்தனர்.

வங்கிகளில் கல்விக்கடன் கிடைக்காததால், மாணவியின் படிப்பு பாதியிலேயே தடைப்படும் நிலையும் ஏற்பட்டது. கல்விக்கடன் வழங்க நடவடிக்கை எடுக்கக் கோரி, திருப்பத்தூர் மாவட்ட ஆட்சியர் அலுவலகத்தில் பலமுறை மனு அளித்தும் உரியத் தீர்வு கிடைக்கவில்லை எனக் கூறப்படுகிறது.

இந்த நிலையில், நேற்று முன்தினம் நடைபெற்ற மக்கள் குறைதீர்வுக் கூட்டத்தில் மீண்டும் மனு அளிப்பதற்காக கோமதி தனது மகளுடன் ஆட்சியர் அலுவலகத்திற்குச் சென்றார். அப்போது அங்கிருந்த அதிகாரிகள் அலட்சியமாகப் பதிலளித்ததாகக் கூறப்படுகிறது.

முழுக் கட்டணத்தையும் வழங்கிய தி.மு.க நிர்வாகி வி.எஸ்.ஞானவேலன்

இதனால் மிகுந்த மனவேதனையடைந்த கோமதி, தான் மறைத்து எடுத்து வந்திருந்த பெட்ரோலைத் தன் உடல்மீது ஊற்றிக்கொண்டு ஆட்சியர் அலுவலக வளாகத்திலேயே தீக்குளிக்க முயன்றார்.

இதைக் கண்ட பாதுகாப்புப் பணியில் இருந்த காவல்துறையினர் விரைந்து செயல்பட்டு, அவர் மீது தண்ணீரை ஊற்றித் தீக்குளிப்பு முயற்சியைத் தடுத்து நிறுத்தினர். இதையடுத்து, கோமதியிடம் இருந்து மனுவைப் பெற்றுக்கொண்ட மாவட்ட ஆட்சியர், சம்பந்தப்பட்ட அதிகாரிகளிடம் பேசி உரிய நடவடிக்கை எடுப்பதாக உறுதியளித்து அனுப்பி வைத்தார்.

கைகொடுத்து உதவிய தி.மு.க நிர்வாகி

இந்தச் சம்பவம் குறித்து அறிந்த ஆலங்காயம் தி.மு.க மேற்கு ஒன்றியச் செயலாளர் வி.எஸ்.ஞானவேலன், உடனடியாக மாணவி மற்றும் அவரது பெற்றோரை நேரில் அழைத்துப் பேசினார். `மாணவியின் படிப்பு எந்தக் காரணத்தைக் கொண்டும் தடைப்படக் கூடாது’ எனத் தெரிவித்த அவர், மூன்றாம் ஆண்டுக் கல்விக் கட்டணமான 60,000 ரூபாய் பணத்தை உடனடியாக ரொக்கமாக வழங்கினார்.

அதுமட்டுமின்றி, அடுத்த ஆண்டுக்கான கல்விக் கட்டணம் 45,000 ரூபாயையும் தானே முழுமையாக ஏற்பதாக உறுதியளித்து அவர்களை மகிழ்ச்சியுடன் வழியனுப்பி வைத்தார். அரசு உதவி கிடைக்காமல் தவித்த மாணவிக்கு, தி.மு.க பிரமுகர் ஒருவர் முன்வந்து உதவிய நிகழ்வு நெகிழ்ச்சியை ஏற்படுத்தியுள்ளது.

திருப்பரங்குன்றம்: "தர்ஹாவை வழிபடுவது எல்லா இஸ்லாமியர்களுக்கும் மரபு அல்ல" - டாக்டர் கிருஷ்ணசாமி

"ஒரு தர்ஹாவைக் காரணம் காட்டி லட்சக்கணக்கான இந்துக்களின் வழிபாட்டு உரிமையைப் பறிப்பதும், அவர்களின் உணர்வுகளை காயப்படுத்துவதும் நியாயமாகுமா?" என்று புதிய தமிழகம் கட்சித் தலைவர் டாக்டர் கிருஷ்ணசாமி கேள்வ... மேலும் பார்க்க

அண்ணன் சீர் திட்டம்: `8 கிராம் தங்க நாணயம் & பட்டுப்புடவை' - விண்ணப்பிப்பது எப்படி?

`அண்ணன் சீர்' திட்டத்திற்கான வழிகாட்டு நெறிமுறைகளை தமிழ்நாடு அரசு வெளியிட்டுள்ளது. இந்த அண்ணன் சீர் திட்டத்தின் மூலம், திருமணமாகும் பெண்களுக்கு 8 கிராம் தங்க நாணயம் மற்றும் பட்டுப்புடவை வழங்கப்படும் எ... மேலும் பார்க்க

'என் வீட்டுல 22 வருசமா வேலை பார்க்குறாங்க'- பணிப்பெண்ணை விஜய்யிடம் அறிமுகப்படுத்திய பிரியங்கா காந்தி

டெல்லியில் நேற்று (16.11.2026) நடைபெற்ற சோனியா காந்தியின் சுயசரிதை புத்தக வெளியீட்டு விழாவில், தமிழ்நாடு முதலமைச்சர் விஜய் விருந்தினராக கலந்துகொண்டிருந்தார். அப்போது விஜய்யைச் சந்தித்த பிரியங்கா காந்த... மேலும் பார்க்க

SIR: `உ.பி-யில் 1.27 கோடி இந்து வாக்காளர்களின் பெயர்கள் நீக்கம்'- விளக்கம் கேட்ட யோகி ஆதித்யநாத்!

வாக்காளர் சிறப்பு தீவிர திருத்தத்திற்கு (SIR) பிறகு உத்தரப்பிரதேச மாநில வாக்காளர் பட்டியலில் இந்து வாக்காளர்களின் பெயர்கள் நீக்கப்பட்டுள்ளதாக அந்த மாநில முதல்வர் யோகி ஆதித்யநாத் தெரிவித்துள்ளார். இது ... மேலும் பார்க்க

கோவை: பெண்ணிடம் தகராறு செய்த தவெக நிர்வாகி – கட்சியில் இருந்து அதிரடி நீக்கம்!

கோவை கலிக்கநாயக்கன்பாளையம் பகுதியில் மகாராஜன் என்பவர் இருசக்கர வாகன விற்பனை ஷோரூம் நடத்தி வருகிறார். இவரது மனைவி திவ்யா. சமீபத்தில் தமிழக வெற்றிக் கழகத்தில் இணைந்த மகாராஜன், கட்சியின் பல்வேறு நிகழ்ச்ச... மேலும் பார்க்க

இஸ்ரேல் அதிபராக தொடர நெதன்யாகுவின் ஐடியா; ஒத்துழைக்காத எதிர்க்கட்சி! இன்னும் எத்தனை நாள் கெடு?

இஸ்ரேலில் தேர்தல் முடிவுகள் வந்து கிட்டத்தட்ட இரண்டு வாரங்கள் ஆகிவிட்டன. ஆனால், அந்த நாட்டில் இன்னும் யாரும் ஆட்சி அமைக்கவில்லை.பெரும்பான்மை பெறாத இஸ்ரேல் கட்சிகள்இஸ்ரேல் நாடாளுமன்றம் நெசட்டில் பெரும்... மேலும் பார்க்க