+2 முடித்தவர்களுக்கு சூப்பர் வாய்ப்பு; இலவச சாப்ட்வேர் பயிற்சி+மாதம் ₹10,000 உதவித்தொகை; முழு விவரம்

சாப்ட்வேர் வேலைதான் பெரும்பாலான இளைஞர்களின் கனவாக இருக்கிறது. கம்ப்யூட்டர் சயின்ஸ், இன்பர்மேஷன் டெக்னாலஜி மட்டுமின்றி, சிவில், இசிஇ எனப் பிற துறைகளைப் படித்தவர்களும்கூட இறுதியில் வந்து நிற்பது சாப்ட்வேர் நிறுவனங்களில்தான்.

சமூக மற்றும் பொருளாதாரக் காரணங்களால் கல்லூரி செல்ல முடியாதவர்களும், கல்லூரியில் இருந்து இடைநின்றவர்களும் சாப்ட்வேர் துறையில் பணியாற்றுவதற்கான வாய்ப்பை வழங்குகிறது Freshworks நிறுவனம்.

இந்தியாவின் முன்னணி சாப்ட்வேர் நிறுவனமான Freshworks, Freshworks STS Software Academy என்ற பயிற்சி நிறுவனத்தை நடத்தி வருகிறது. இதன் மூலம், பிளஸ் டூ முடித்த மாணவர்களுக்கு 12 மாத சாப்ட்வேர் பணிக்கான பயிற்சி 100% கட்டணமில்லாமல் வழங்கப்படுகிறது.

பயிற்சியில் சேருவோருக்கு மாதந்தோறும் உதவித்தொகையும் வழங்கப்படும். 350-க்கும் மேற்பட்டவர்கள் இங்கு பயிற்சி முடித்து, 40க்கும் மேற்பட்ட முன்னணி சாப்ட்வேர் நிறுவனங்களில் பணியாற்றுகிறார்கள்.

இந்தாண்டு பயிற்சிக்கான சேர்க்கை தற்போது நடந்து வருகிறது.

யாரெல்லாம் இந்தப் பயிற்சியில் சேரலாம்?

* பிளஸ் டூ முடித்தவர்கள் அல்லது 10-ம் வகுப்பு முடித்து 3 ஆண்டுகள் டிப்ளமோ படித்தவர்கள்

* பிளஸ்டூ முடித்து 2 ஆண்டுகள் டிப்ளமோ படித்தவர்கள்

* கல்லூரியில் இருந்து இடைநின்றவர்கள்.

* வயது 18 முதல் 21 வரை இருக்க வேண்டும்

* குடும்ப வருமானம் மாதம் ரூ.20,000-க்கு குறைவாக இருக்க வேண்டும்

* பட்டப்படிப்பு (Degree) முடித்தவர்கள் விண்ணப்பிக்க முடியாது.

* ஏப்ரல் 2026-ல் பிளஸ்டூ முடிக்கும் மாணவர்களும் இந்தத் திட்டத்தில் சேரமுடியாது.

தமிழ் மீடியம் படித்தவர்கள், அரசுப்பள்ளியில் படித்தவர்கள், முதல் தலைமுறையாக பிளஸ்டூவைத் தொட்டவர்கள், பெண்களுக்கு இந்தப் பயிற்சியில் முன்னுரிமை தரப்படும். இந்தாண்டு 90 மாணவர்கள் பயிற்சியில் சேர்க்கப்படுவார்கள்.

இந்த ஓராண்டு பயிற்சி 100% இலவசம். தொழில்துறையின் தேவைக்கேற்ப ஏற்ப இந்தப் பயிற்சிக்கான பாடத்திட்டங்கள் வடிவமைக்கப்பட்டுள்ளன. சென்னை, பெருங்குடியில் உள்ள Freshworks STS Software Academy-யில் இந்தப் பயிற்சி வழங்கப்படும்.

பயிற்சிக்குத் தேர்வு செய்யப்படும் மாணவர்கள் அனைவருக்கும் மாதந்தோறும் 10,000 உதவித்கொகை வழங்கப்படும். மூன்று வேளை உணவும் பயிற்சி மையத்திலேயே வழங்கப்படும்.

பயிற்சி பெறும் காலமான 12 மாதங்களும் பயன்படுத்தும்படியாக நவீன லேப்டாப்பை பயிற்சி நிறுவனமே வழங்கும். பயிற்சி பெறும் காலத்தில் UDEMY நிறுவத்தில் கூடுதலாக கோர்ஸ் படிக்க விரும்பினால் அதற்கான செலவையும் பயிற்சி நிறுவனமே ஏற்றுக்கொள்ளும். பயிற்சியின் இறுதியில் சாஸ்திரா பல்கலைக்கழகம் மற்றும் Freshworks நிறுவனத்தின் சான்றிதழ் வழங்கப்படும்.

60-க்கும் மேற்பட்ட சாப்ட்வேர் நிறுவனங்கள் இந்தப் பயிற்சி மையத்தில் படித்த மாணவர்களை வளாகத் தேர்வு மூலம் தேர்வு செய்து இன்டர்ன்ஷிப் மற்றும் பணி வாய்ப்புகள் வழங்குகின்றன.

விண்ணப்பிக்க கடைசி நாள் 5.5.2026

விண்ணப்பிக்க வேண்டிய இணையதளம் : https://myfssa.freshworks.com

தொடர்பு கொள்ள: 8122424904

இ-மெயில் முகவரி : admissions@fssa.freshworks.com

ஆர்வமுள்ள மாணவர்கள் பயன்படுத்திக் கொள்ளலாம்!