Chiyaan 63: மீண்டும் 'இருமுகன்' பட இயக்குநருடன் இணையும் விக்ரம் - டேக் ஆப் ஆகும் சீயான் 63

நடிகர் விக்ரமின் பிறந்தநாளை முன்னிட்டு இன்று அவருடைய 63-வது படத்தின் அறிவிப்பை வெளியிட்டிருக்கிறார்கள்.

கடந்தாண்டு மார்ச் மாதம் விக்ரமின் 'வீர தீர சூரன்' திரைப்படம் திரையரங்குகளில் வெளியாகியிருந்தது.

அப்படத்திற்குப் பிறகு அவர் நடிக்கவிருக்கும் படங்களின் அறிவிப்புகள் அடுத்தடுத்து வெளியாகின. ஆனால், அப்படங்கள் எதுவும் இதுவரை டேக் ஆஃப் ஆகவில்லை.

சாந்தி டாக்கீஸ் தயாரிப்பில் சீயானின் 63-வது படத்தை, இயக்குநர் மடோன் அஸ்வின் இயக்கவிருப்பதாக அறிவிப்பு வந்திருந்தது.

அதன் பிறகு, சாந்தி டாக்கீஸ் தயாரிப்பிலேயே சீயானின் 63-வது உருவாகவிருப்பதாகவும், அறிமுக இயக்குநர் போடி ராஜ்குமார் இயக்கவிருப்பதாகவும் அறிவிக்கப்பட்டது.

ஆனால், அத்திரைப்படம் பற்றி அதன் பிறகு அப்டேட்கள் எதுவும் வெளியாகவில்லை.

இன்று விக்ரமின் பிறந்தநாளை முன்னிட்டு அவருடைய 63-வது படத்தை இயக்குநர் ஆனந்த் ஷங்கர் இயக்கவிருப்பதாக அறிவித்திருக்கிறார்கள். அதற்காக ஒரு புரோமோவையும் படக்குழுவினர் தயார் செய்து வெளியிட்டிருக்கிறார்கள்.

இந்தப் படத்தை சத்ய ஜோதி பிலிம்ஸ் நிறுவனம் தயாரிக்கிறது. 'மகான்' படத்திற்குப் பிறகு விக்ரம் நடிக்கும் இந்தப் படத்திற்கு சந்தோஷ் நாராயணன் இசையமைக்கிறார். 'இருமுகன்' படத்திற்குப் பிறகு இயக்குநர் ஆனந்த் ஷங்கருடன் கைகோத்திருக்கிறார் விக்ரம். இந்தப் படத்தில் அவர் சமையல்காரராக நடிக்கவிருக்கிறார்.