Ditwah: டிட்வா புயல் எங்கே இருக்கிறது? எப்போது தமிழ்நாட்டிற்கு வருகிறது? |Rain Update | Live News

நாளை (நவம்பர் 30, 2025) தமிழ்நாட்டில் 'Red Alert' எங்கே?

தமிழ்நாட்டில் திருவள்ளூர் மற்றும் ராணிப்பேட்டையில் சில இடங்களில் கனமழை முதல் மிக கனமழை பெய்யலாம்... ஓரிரு இடங்களில் அதி கனமழை பெய்யலாம். இந்தப் பகுதிகளுக்கு 'ரெட் அலர்ட்' கொடுக்கப்பட்டுள்ளது.

காஞ்சிபுரம், சென்னை, செங்கல்பட்டு, வேலூர், திருப்பத்தூர், கிருஷ்ணகிரி, தர்மபுரி ஆகிய மாவட்டங்களில் சில இடங்களில் கனமழை முதல் மிக கனமழை பெய்யலாம். இங்கே 'ஆரஞ்சு அலர்ட்' வழங்கப்பட்டுள்ளது.

சேலம், கள்ளக்குறிச்சி, திருவண்ணாமலை, விழுப்புரம் ஆகிய மாவட்டங்களிலும், புதுச்சேரியிலும் சில இடங்களில் கனமழை பெய்யலாம். இங்கே 'மஞ்சள் அலர்ட் வழங்கப்பட்டுள்ளது.

ஸ்டாலின் அறிவுறுத்தல்

டிட்வா புயல் காரணமாக, நேற்று மாலை தமிழ்நாடு முதலமைச்சர் ஸ்டாலின், 'அவசியமின்றி வெளியே வர வேண்டாம்' என்று பொதுமக்களுக்கு அறிவுறுத்தி இருக்கிறார்.

இன்று (நவம்பர் 29, 2025) தமிழ்நாட்டில் எங்கே 'Red Alert'?

இன்று தமிழ்நாட்டில் கடலூர், மயிலாடுதுறை, விழுப்புரம், செங்கல்பட்டு ஆகிய மாவட்டங்களிலும், புதுச்சேரியிலும் சில இடங்களில் கனமழை முதல் மிக கனமழை பெய்யலாம்... ஓரிரு இடங்களில் அதி கனமழை பெய்யலாம். இந்தப் பகுதிகளுக்கு 'ரெட் அலர்ட்' கொடுக்கப்பட்டுள்ளது.

புதுக்கோட்டை, தஞ்சாவூர், திருவாரூர், நாகப்பட்டினம், அரியலூர், பெரம்பலூர், திருச்சி, சேலம், கள்ளக்குறிச்சி, திருவண்ணாமலை, சென்னை, காஞ்சிபுரம், திருவள்ளூர், ராணிப்பேட்டை ஆகிய மாவட்டங்களிலும், காரைக்கால் பகுதியிலும் சில இடங்களில் கனமழை முதல் மிக கனமழை பெய்யலாம். இங்கே 'ஆரஞ்சு அலர்ட்' வழங்கப்பட்டுள்ளது.

வேலூர், திருப்பத்தூர், கிருஷ்ணகிரி, தர்மபுரி, நாமக்கல், கரூர் ஆகிய மாவட்டங்களில் கனமழை பெய்யலாம். இந்த மாவட்டங்களுக்கு 'மஞ்சள் அலர்ட் வழங்கப்பட்டுள்ளது.

எங்கே இருக்கிறது டிட்வா புயல்?

இந்திய வானிலை மையத்தின் அறிவிப்பின் படி,

தற்போது டிட்வா புயல் இலங்கை கடற்பகுதியிலும், வங்கக்கடலின் தென் மேற்கு திசையிலும் உள்ளது.

அது வடக்கு - வடமேற்கு திசையில் நகர்ந்து இலங்கை கடற்பகுதி மற்றும் வங்கக்கடலை கடக்கும் என்று எதிர்பார்க்கப்படுகிறது.

நாளை அதிகாலையில் வட தமிழ்நாடு, புதுச்சேரி, தெற்கு ஆந்திராவிற்கு டிட்வா புயல் வந்து சேரலாம்.