ஆஸ்திரேலியா: 62 வயதில் காதலியை மணந்த அந்தோணி; பதவிக்காலத்தில் திருமணம் செய்த முதல் பிரதமராகிறார்!

ஆஸ்திரேலியப் பிரதமர் அந்தோணி அல்பானீஸ், தனது நீண்ட நாள் காதலியான ஹெய்டனை நவம்பர் 29, 2025 அன்று கரம்பிடித்தார்.

62 வயதில் திருமணம் செய்துகொண்ட அல்பானீஸ், ஆஸ்திரேலிய வரலாற்றில் பதவியில் இருக்கும் காலத்திலேயே திருமணம் செய்யும் முதல் பிரதமர் என்ற பெயரைப் பெற்றுள்ளார்.

தலைநகர் கான்பெர்ராவில் உள்ள பிரதமரின் அதிகார இல்லமான “தி லாஜ்” வளாகத்தில், நெருங்கிய குடும்ப உறுப்பினர்கள் மட்டுமே கலந்துகொண்ட ஒரு தனியார் விழாவாக இந்தத் திருமணம் நடைபெற்றது. இந்த எளிமையான விழாவில், அனைவரையும் கவர்ந்த மிகச் சிறப்புமிக்க அம்சம் ஒன்று இருந்தது.

அந்தச் சிறப்புமிக்க அம்சம் வேறு எதுவுமில்லை, தம்பதியினரின் செல்ல நாய் “டோட்டோ”தான். இந்தத் திருமணத்தின் முக்கிய கவர்ச்சியாக விளங்கிய டோட்டோ, அதிகாரபூர்வமான ‘ரிங் பியரர்’ பணியை ஏற்றுக்கொண்டது .

சிறிய பட்டுப் பையில் மணமாலை, மோதிரங்களை வைத்து, அழகாக நடந்து வந்து மணமக்களிடம் அளித்த டோட்டோ, இந்த வரலாற்று நிகழ்வுக்கு மேலும் கலகலப்பைச் சேர்த்தது.

எந்தவிதமான அரசியல் மரபுகளோ, அதிகாரபூர்வ நெறிமுறைகளோ இல்லாமல், உண்மையான குடும்பப் பாசத்தால் மட்டுமே நிரம்பிய சூழலில் இந்த நிகழ்ச்சி நடைபெற்றது.

அந்த உணர்வுப்பூர்வமான நெருக்கத்தையும் மேலும் உறுதிப்படுத்தும் விதமாக, பிரதமர் அல்பானீஸ், ஹெய்டன் இருவரும், தங்களுக்குள் கொண்டிருந்த நீண்டகாலப் பாசத்தையும் மதிப்பையும் வெளிப்படுத்தும் வகையில், திருமண உறுதிமொழிகளைத் தாங்களாகவே எழுதிப் பரிமாறிக் கொண்டனர். இவர்களது உறவு 2020-இல் ஒரு நிகழ்வில் சந்தித்தபோது தொடங்கியதாகக் கூறப்படுகிறது.

நாட்டின் உயரிய அரசுத் தலைவராக இருந்தபோதிலும், தனது தனிப்பட்ட மகிழ்ச்சியை மிகவும் எளிமையாகவும், அன்பு நிறைந்த பாசமிகுந்த முறையிலும் கொண்டாடியுள்ளார் அல்பானீஸ்.