Egg less Cakes: `ப்ளூ பெர்ரி மஃப்பின்' - அசத்தலாக வீட்டிலேயே செய்வது எப்படி?

ப்ளூ பெர்ரி மஃப்பின்

தேவையானவை:

மைதா அல்லது கோதுமை மாவு - ஒரு கப்

கார்ன் மாவு - 2 டேபிள்ஸ்பூன்

ரிஃபைன்ட் எண்ணெய் – கால் கப் + ஒரு டேபிள்ஸ்பூன்

கெட்டியான தயிர் - கால் கப்

பால் – முக்கால் அல்லது ஒரு கப்

சர்க்கரை – முக்கால் கப்

வெனிலா எசென்ஸ் - ஒரு டீஸ்பூன்

பேக்கிங் பவுடர் - ஒரு டீஸ்பூன்

பேக்கிங் சோடா - அரை டீஸ்பூன்

ப்ளூ பெர்ரி ஜாம் - 2 டேபிள்ஸ்பூன்

உலர்ந்த ப்ளூ பெர்ரி பழங்கள் - 2 டேபிள்ஸ்பூன்

செய்முறை:

மைக்ரோவேவ் ஓவனை 180 டிகிரி செல்சியஸுக்கு பிரீஹீட் செய்யவும். மைதா அல்லது கோதுமை மாவுடன் கார்ன் மாவு, பேக்கிங் பவுடர் இரண்டையும் கலந்து இரண்டு முறை சலித்து வைத்துக்கொள்ளவும். தயிரை பெரிய பாத்திரத்தில் எடுத்து அதனுடன் பேக்கிங் சோடாவை நன்றாகக் கலந்து ஐந்து நிமிடங்கள் வைக்கவும். பிறகு இதனுடன் எண்ணெய், பால், சர்க்கரை, வெனிலா எசென்ஸ் சேர்த்து சர்க்கரை நன்றாகக் கரைந்து க்ரீம் போல ஆகும் வரை நன்றாக அடிக்கவும்.பின்னர் சலித்துவைத்த மாவை இதில் சிறிது சிறிதாகச் சேர்த்துக் கலக்கவும் (மாவு மிகவும் இறுகி இருந்தால் மேலும் கால் கப் பால் சேர்த்துக் கலந்துகொள்ளலாம்).பின்னர் இதில் ப்ளூ பெர்ரி ஜாமைச் சேர்த்து லேசாகக் கலந்துவிடவும். (மிகவும் நன்றாகக் கலந்தால் ப்ளூ பெர்ரியின் நீல நிறம் கேக்கில் தெரியாமல் போய்விடும்). பின்னர் இதனுடன் ஒரு டேபிள்ஸ்பூன் உலர்ந்த ப்ளூ பெர்ரி பழத்தையும் சேர்த்துக் கலக்கவும். இந்தக் கலவையை எண்ணெய் தடவிய கப் கேக் பான் அல்லது பேப்பர் கப்புகளில் முக்கால் பாகம் அளவுக்கு ஊற்றவும். இதன்மேலே மீதமுள்ள ப்ளூ பெர்ரி பழங்களைத் தூவவும்.

பின்னர் இவற்றை ஓவனில் வைத்து 15 முதல் 20 நிமிடங்கள் வரை பேக் செய்து எடுக்கவும்.

சீன மக்கள் `Heng O’ என்ற தங்கள் நிலவுக் கடவுளுக்கு வட்ட வடிவ கேக்கைத் தயாரித்துப் படைத்திருக்கின்றனர்.