செய்திகள் :

Hockey Men's Junior WC 2025: ஓமன் அணியை ரவுண்டு கட்டிய இந்திய வீரர்கள்; 17 - 0 என அபரா வெற்றி!

post image

ஆடவர் ஹாக்கி ஜூனியர் உலகக் கோப்பை நேற்று (நவம்பர் 28) முதல் தமிழ்நாட்டில் நடைபெற்று வருகிறது.

டிசம்பர் 10 வரை இத்தொடரில் அனைத்து போட்டிகளும் மதுரை மற்றும் சென்னையில் நடைபெறும்.

24 அணிகள் விளையாடும் இத்தொடரில் இந்திய அணி குரூப் B-ல் இடம்பெற்றிருக்கிறது.

ஆடவர் ஹாக்கி ஜூனியர் உலகக் கோப்பை - இந்தியா vs ஓமன்
ஆடவர் ஹாக்கி ஜூனியர் உலகக் கோப்பை - இந்தியா vs ஓமன்

நேற்று இந்தியா தனது முதல் ஆட்டத்தில் சிலி அணியை எதிர்கொண்டது. அப்போட்டியில் 7 - 0 என எளிதாக சிலி அணியை இந்தியா வீழ்த்தியது.

அதைத்தொடர்ந்து இந்தியா இன்று (நவம்பர் 29) தனது இரண்டாவது ஆட்டத்தில் ஓமன் அணியை எதிர்கொண்டது.

ஆட்டத்தின் தொடக்கம் முதல் கடைசி நிமிடம் வரை ஆதிக்கம் செலுத்திய இந்திய வீரர்கள் 17 - 0 என ஓமனை வீழ்த்தி அபார வெற்றி பெற்றனர்.

இந்திய அணியில் அதிகபட்சமாக தில்ராஜ் சிங் 4 கோல்கள் அடித்தார். அவருக்கு அடுத்தபடியாக அர்ஷ்தீப் சிங் மற்றும் மன்மீத் சிங் தலா 3 கோல்களும், குர்ஜோத் சிங் மற்றும் அஜீத் யாதவ் தலா 2 கோல்களும், ஷர்தானந்த் திவாரி, அனுமோல் எக்கா, தௌனோஜாம் இங்கலெம்பா லுவாங் ஆகியோர் தலா 1 கோலும் அடித்தனர்.

அடுத்தடுத்த வெற்றியின் மூலம் குரூப் B-ல் இந்தியா முதலிடம் பிடித்திருக்கிறது. இதே குழுவில் ஸ்விட்சர்லாந்து அணியும் இரண்டு வெற்றிகள் பெற்றிருந்தாலும் கோல்கள் அடிப்படையில் இந்தியா முதலிடத்தில் நீடிக்கிறது.

ஆடவர் ஹாக்கி ஜூனியர் உலகக் கோப்பை - இந்தியா vs ஓமன்
ஆடவர் ஹாக்கி ஜூனியர் உலகக் கோப்பை - இந்தியா vs ஓமன்

இந்த இரு அணிகளும் டிசம்பர் 2-ம் தேதி தங்களின் கடைசி லீக் போட்டியில் நேருக்கு நேர் மோதவிருக்கின்றன.

இன்று நடைபெற்ற மற்ற போட்டிகளில் ஸ்விட்சர்லாந்து அணி சிலி அணியை 3 - 2 எனவும், ஜெர்மனி கனடாவை 7 - 0 எனவும், ஆஸ்திரேலியா வங்காளதேசத்தை 5 - 3 எனவும், தென்னாப்பிரிக்கா அயர்லாந்தை 2 - 1 எனவும், பிரான்ஸ் கொரியாவை 11 - 1 எனவும், மலேசியா ஆஸ்திரியாவை 5 - 1 எனவும், நெதர்லாந்து இங்கிலாந்தை 5 - 3 எனவும் வீழ்த்தின.

மதுரையில் Hockey Junior WC: இங்கிலாந்து vs நெதர்லாந்து - `விறு விறு போட்டி' இறுதியில் வென்றது யார்?

மதுரை, தமிழ்நாடு விளையாட்டு அரங்கில் நடைபெற்று வரும் 14வது சர்வதேச ஆடவர் ஹாக்கி இளையோர் உலகக் கோப்பை போட்டியின் இரண்டாவது நாள் முதல் போட்டி மிதமான மழையுடன் தொடங்கியது. ரசிகர்களின் ஆரவாரத்துடன் தொடங்கி... மேலும் பார்க்க

சென்னையில் ஹாக்கி இளையோர் உலகக்கோப்பை: சிலி அணியை பந்தாடிய இந்திய அணி! | A Photo Highlights

Junior Hockey WC: ஹாக்கி இளையோர் உலகக்கோப்பைJunior Hockey WC: ஹாக்கி இளையோர் உலகக்கோப்பைJunior Hockey WC: ஹாக்கி இளையோர் உலகக்கோப்பைJunior Hockey WC: ஹாக்கி இளையோர் உலகக்கோப்பைJunior Hockey WC: ஹாக்கி... மேலும் பார்க்க

Junior Hockey WC: ஹாக்கி உலகக் கோப்பையில் ரோஹித் தலைமையில் இந்திய அணி அபாரம்; பந்தாடப்பட்ட சிலி அணி!

ஆடவர் ஜூனியர் ஹாக்கி உலகக் கோப்பை நேற்று தமிழகத்தில் தொடங்கியது.நவம்பர் 28 முதல் டிசம்பர் 10 வரையில் நடைபெறும் இத்தொடரில் மொத்தமாக 24 அணிகள் பங்கேற்றிருக்கின்றன. அவை 6 குழுக்களாகப் பிரிக்கப்பட்டிருக்க... மேலும் பார்க்க

Hockey Junior World Cup : மதுரையில் இளையோர் உலகக் கோப்பை - முதல் போட்டியில் அசால்ட் செய்த ஜெர்மனி!

மதுரை, தமிழ்நாடு விளையாட்டு அரங்கில் நடைபெற்ற 14-வது சர்வதேச ஆடவர் ஹாக்கி இளையோர் உலகக் கோப்பையின் முதல் ஆட்டத்தில் நடப்பு சாம்பியனான ஜெர்மனி அணி மற்றும் தென் ஆப்பிரிக்கா அணிகள் மோதின.இந்த போட்டியை, இ... மேலும் பார்க்க