சோட்டானிக்கரை பகவதி அம்மன் கோயில் : தினமும் மூன்று திருக்கோலங்களில் அருள்பாலிக்க...
Keerthy Suresh: ``ஒருபோதும் நமது கலாசாரத்தைத் தாழ்த்திப் பேச மாட்டேன்" - நடிகை கீர்த்தி சுரேஷ்
நெட்ஃபிளிக்ஸ் மற்றும் யஷ் ராஜ் ஃபிலிம்ஸ் என்டர்டெயின்மென்ட் தயாரிப்பில் உருவாகியிருக்கும் வெப் சீரிஸ் தொடர் 'அக்கா'. கீர்த்தி சுரேஷ் பவானியாகவும், ராதிகா ஆப்தே ருத்ராவாகவும் நடித்திருக்கும் இந்த சீரிஸ் கடந்த மாதம் 30-ம் தேதி வெளியானது. இந்த சீரிஸின் விளம்பர நிகழ்ச்சியில் நடிகை கீர்த்தி சுரேஷ், ராதிகா ஆப்தே கலந்துகொண்டனர். அப்போது, நடிகை ராதிகா ஆப்தே, ``நான் நடித்த ஒரு தெலுங்குப் படத்தில் என் தாய்மாமாவையே திருமணம் செய்துகொள்ளும் கதாபாத்திரத்தில் நடிக்க வேண்டியிருந்தது. அது எனக்கு மிகவும் சவாலான படமாக இருந்தது. அந்தப் படத்தில் இருந்த எதுவுமே எனக்குப் பிடிக்கவில்லை. வயதில் மிகவும் மூத்த ஒரு நடிகருடன் நான் காதல் காட்சிகளில் நடிக்க வேண்டியிருந்தது.

அது மிகவும் ஆணாதிக்கம் நிறைந்த சூழலாகவும் இடமாகவும் இருந்தது. எனக்கு அதுவே மிகவும் கடினமான விஷயமாக இருந்தது. பின்னர் படத்தின் பாதியிலேயே நான் இறந்துவிடுவேன். அவர் என்னைத் தோளில் தூக்கிப் போட்டுக்கொண்டு சண்டையிடுவார். ‘நான் எப்போது சாவேன்?’ என்றுதான் எனக்குத் தோன்றியது” என்று தென்னிந்திய திரையுலகம் குறித்த தன் விமர்சனத்தை முன்வைத்திருந்தார்.
அப்போது அருகிலிருந்த கீர்த்தி சுரேஷ் சிரித்துக்கொண்டே, “தமிழ் மற்றும் தெலுங்குக் கலாசாரத்தில் மாமாவைத் திருமணம் செய்துகொள்வது மிகவும் சகஜமான ஒன்று” என்று கூறியது ரசிகர்களிடையே விவாதமானது. சிலர் கதையையும் கதாநாயகனையும் தெரிந்துகொண்டுதானே ஒப்பந்தமானார், இத்தனை ஆண்டுகளுக்குப் பிறகு ஏன் இதை விமர்சிக்கிறார் என்ற கேள்விகளும் எழுப்பினர்.
இந்த நிலையில், தற்போது கீர்த்தி சுரேஷ், மிஷ்கின் நடிப்பில் உருவாகியிருக்கும் ‘சத்யவான் சாவித்திரி’ திரைப்படத்தின் விளம்பரப் பணிகளில் கீர்த்தி சுரேஷ் ஈடுபட்டுவருகிறார். அதன் ஒருபகுதியான நிகழ்ச்சியில் இந்தச் சர்ச்சை குறித்து கீர்த்தி சுரேஷிடம் கேள்வி எழுப்பப்பட்டது.

அதற்கு பதிலளித்த கீர்த்தி சுரேஷ், ``ராதிகா அந்தக் கருத்தைச் சொன்னபோது, உண்மையைச் சொல்ல வேண்டுமென்றால் அவர் என்ன பேசுகிறார் என்பதே எனக்கு முதலில் புரியவில்லை. ‘என் மாமாவுடன் நான் காதல் காட்சிகளில் நடிக்க வேண்டியிருந்தது’ என்று அவர் கூறினார். சற்று நேரத்திற்குப் பிறகே அவர் நம் கலாசாரத்தைப் பற்றிப் பேசுகிறார் என்பதைப் புரிந்துகொண்டேன். தென்னிந்தியக் கலாசாரத்தைப் பற்றி அவருக்குத் தெரியவில்லை என்பதை உணர்ந்தவுடன், அது இங்குள்ள ஒரு பாரம்பர்ய வழக்கம் என்பதை அவருக்கு விளக்க முயற்சித்தேன். கேரளாவில் அந்தக் கலாசாரம் கிடையாது என்பதால், இங்குள்ள கலாசாரத்தைக் குறிப்பிட்டே அவ்வாறு பேசினேன். மிகுந்த மரியாதையுடன் சொல்கிறேன், நான் ஒருபோதும் நமது கலாசாரத்தைத் தாழ்த்திப் பேச மாட்டேன்” எனக் குறிப்பிட்டிருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...



















