Vikatan Play: கலை கலைக்கானதா? மக்களுக்கானதா? எழுத்தாளர் இரா.முருகவேள் படைப்புகள் - ஆடியோ வடிவில்

“ தமிழ்ச்சூழலில் தான் கொண்ட பொதுவுடமை அரசியலை தன் களச்செயற்பாட்டில் மட்டுமின்றி படைப்பின் வழியிலும் தொடர்ந்து செயல்படுத்தி வருகிறார் எழுத்தாளர் இரா.முருகவேள்.

அரசியல் செயற்பாட்டாளர், வழக்கறிஞர், மொழிப்பெயர்ப்பாளர் என பல்திறன் ஆளுமையாய் விளங்கும் இவர் தன் ஒவ்வொரு படைப்பிலும் சாதிய, சமூக வர்க்க பேதங்களுக்கு எதிராக குரலெழுப்பி வருகிறார்.

நம் எல்லோருக்குள்ளும் கலை கலைக்கானதா? மக்களுக்கானதா? என்ற கேள்வி எழும். ஆனால் ‘ கலை எப்போதும் மக்களுக்கானது’ என்ற நிலைப்பாட்டில் வழி தன் மக்களுக்கு எதிரான அதிகாரத்தை தொடர்ந்து தன் புனைவின் வழியிலும் இன்றைக்கு சமகாலத்தில் பெரிய சவாலாக இருக்கும் சுற்றுச்சூழல் மற்றும் பொருளாதாரத்தை தொடர்ந்து பேசியும், தன் புனைவு படைப்பின் கதாபாத்திரத்தின் வழியும் பெருங்குரலெடுக்கிறார். இவரின் மொழிபெயர்ப்பு நாவலான பி. எச் . டேனியல் எழுதிய ‘எரியும் பனிக்காடு’ நாவலை ஆங்கிலத்திலிருந்து தமிழுக்கு 38 ஆண்டுகளுக்கு பிறகு மொழிபெயர்த்திருக்கிறார்.

தமிழ் இலக்கியச்சூழலில் முக்கியமான படைப்பான இன்றும் இந்தப்புத்தகம் இருக்கிறது. இதைத்தவிர, தவிர ஒரு பொருளாதார அடியாளின் வாக்குமூலம், தூக்கிடுபவரின் குறிப்புகள் போன்ற பல்வேறு புத்தகங்களை மொழிபெயர்த்திருக்கிறார். இவர் எழுதிய புனைபாவை, மிளிர்கல், செம்புலம், முகிலினி போன்ற படைப்புகள் எல்லாம் வரலாற்றோடு சமகால அரசியலையும், சாதிய சமூக சார்ந்த சூழலையும் உண்மைத்தன்மை மாறாமல் பதிவு செய்பவையாகவே இருக்கின்றன.

சமகால இலக்கிய உலகில் தொடர்ந்து அரசியல் படைப்பை கொடுத்து வரும் எழுத்தாளர் இரா.முருகவேளின் படைப்புகளை வாசிப்பதும் கேட்பதும் அவசியமான ஒன்று. ஆகவே, இலக்கியத்திலும் அரசியலிலும் தனித்ததொரு ஆளுமையாய் திகழ்கிறார் இரா.முருகவேள்.

இவரின் படைப்பில் ஆடியோ வடிவில் விகடன் பிளேயில் கிடைக்கின்றன. மறக்காம Click செய்து கேளுங்கள்...

செம்புலம் : https://www.vikatan.com/vikatan-play/sempulam-audio-series

புனைபாவை : https://www.vikatan.com/vikatan-play/punai-paavai-audio-series

மிளிர்கல் : https://www.vikatan.com/vikatan-play/milirkal-audio-series

முகிலினி : https://www.vikatan.com/vikatan-play/mugilini-audio-series