"சுஷாந்த் சிங்கை பாலிவுட்டில் ஒரு கும்பல் சித்ரவதை செய்தது"- நடிகை தனுஸ்ரீ தத்தா பகீர் குற்றச்சாட்டு

நடிகை தனுஸ்ரீ தத்தா பாலிவுட் நடிகர் நானா படேகர் காலமானதைத் தொடர்ந்து சிறப்பு வீடியோ ஒன்றை வெளியிட்டுள்ளார்.

அதில் அவர், ''கடந்த 2020ம் ஆண்டு தற்கொலை செய்து கொண்ட பாலிவுட் நடிகர் சுஷாந்த் சிங் ரஜபுத்தை ஒருவர் மட்டும் சித்ரவதை செய்யவில்லை. பாலிவுட்டில் ஒரு கும்பல் சித்ரவதை செய்தது. ஒவ்வொருவரும் தங்கள் செயல்களுக்கு இறுதியில் பதிலளிக்க வேண்டும்.

தனியாக வென்ற நபர் ஆதரவு இல்லாமல் இருக்க வேண்டிய அவசியமில்லை, கடவுள் எப்போதும் அவர்களுடன் இருக்கிறார். சரியான நேரத்தில் நீதி விரைவாக வரும்'' என்று குறிப்பிட்டார்.

நானா படேகர் இறந்தது குறித்து அவர் கூறுகையில், ''இது எனக்கு ஒரு அதிசயமாகத் தெரியவில்லை. ஆனால் நான் அதைக் கொண்டாடவில்லை. பாலிவுட்டில் உள்ள ஒரு நபர் அல்ல, என்னை கும்பலே தொந்தரவு செய்தது. சுஷாந்த் சிங்கும் இவர்களால் துன்புறுத்தப்பட்டார்.

இதில் ஒன்றுக்கும் மேற்பட்டவர்கள் ஈடுபட்டிருந்தனர். பாலிவுட்டில் நடிகைகளைத் துன்புறுத்தும் போக்கு நீண்ட காலமாகவே இருந்து வருகிறது. சுஷாந்தின் தற்கொலை விவகாரம், ஏதோ இயல்பாகத் தோன்றவில்லை என்பதைத் எனக்கு உணர்த்தியது'' என்று தெரிவித்தார்.

அதே காணொளியில், தன்னைக் கொல்ல முயற்சிகள் மேற்கொள்ளப்பட்டதாகவும் தனுஸ்ரீ கூறினார். தனது வீட்டில் வேண்டுமென்றே ஒரு பணிப்பெண் நியமிக்கப்பட்டதாகவும், தனக்குத் தீங்கு விளைவிக்கும் நோக்கில் தனது காரின் பிரேக்குகள் சேதப்படுத்தப்பட்டதாகவும் அவர் குற்றம் சாட்டினார்.

முன்னதாக நானா படேகர் மீது துன்புறுத்தல் புகார்களை தனுஸ்ரீ தத்தா முன்வைத்திருந்தார். 2018-ல் இந்தியாவில் நடைபெற்ற #MeToo இயக்கத்தின்போது இப்புகார்களை அவர் முன் வைத்தார்.

2018-ல் நடைபெற்ற 'மீ டூ' (MeToo) இயக்கத்தின்போது தனக்கு எதிராகப் பேசுவதற்கும் செய்தியாளர் சந்திப்புகளை நடத்துவதற்கும் நானா படேகர், ராக்கிக்கு 2 முதல் 2.5 லட்சம் ரூபாய் வரை பணம் கொடுத்தார் என்றும், செய்தியாளர் சந்திப்பை நடத்துவதற்கு இரண்டு நாட்களுக்கு முன்பே நானாவின் மும்பை இல்லத்திலிருந்து ராக்கி அந்தப் பணத்தைப் பெற்றுக்கொண்டதாக தனுஸ்ரீ கூறியுள்ளார்.

முன்னதாக நானா படேகர் இறந்தது குறித்து வெளியிட்டு இருந்த பதிவில் 'தீமை அழிந்தது' என்று குறிப்பிட்டு இருந்தார். இதற்கு கடும் விமர்சனம் வந்தது. அதற்கு பதிலளிக்கும் விதமாக வெளியிட்ட பதிவில் மேற்கண்ட தகவல்களைக் குறிப்பிட்டுள்ளார். தனுஸ்ரீ தத்தா தமிழில் தீராத விளையாட்டுப்பிள்ளை படத்தில் நடித்து இருக்கிறார்.