செய்திகள் :

'தொண்டன் என்பதை விட வேறு எந்தப் பதவியும் எனக்கு பெரிதல்ல’ – எடப்பாடி பழனிசாமிக்கு வேலுமணி பதிலடி!

post image

அ.தி.மு.க முன்னாள் அமைச்சர் எஸ்.பி.வேலுமணி வெளியிட்டுள்ள அறிக்கையில், ”2 கோடி தொண்டரின் ஒருவர் தான் வேலுமணி என என்னை உதாசீனப் படுத்துவதாக எண்ணி அவர் சொல்லி இருந்தாலும், இதை விட எனக்கு வேறென்ன பெருமை இருக்கப் போகிறது? அனைத்திந்திய அண்ணா திராவிட முன்னேற்றக் கழகத்தின் தொண்டன் என்பது தான் என்னுடைய முதல் அடையாளம். இந்த இயக்கத்தின் கொடிபிடிக்கும் தொண்டன் என்பதை விட வேறு எந்தப் பதவியும் எனக்கு பெரிதல்ல. என்னைத் தொண்டரில் ஒருவன் என்று சொன்ன கழகப் பொதுச்செயலாளர் அவர்களுக்கு நன்றி. இந்த 2 கோடித் தொண்டர்களால் கொண்டுவரப்பட்டு தான் தாங்கள் இன்றைக்கு பொதுச் செயலாளர் பொறுப்பில் உள்ளீர்கள்.

கொடிபிடிக்கும் அந்த தொண்டன் தான் இந்த இயக்கத்தின் ஆணிவேர். அவன் ஆடினால் இந்த இயக்கம் ஆடும். அந்த தொண்டன் ஒரு முடிவை எடுத்துவிட்டால்... என்ன வேண்டுமானாலும் நடக்கலாம். அதை ஒரு நல்ல தலைமை உணர வேண்டும். ஒவ்வொரு தொண்டனின் குரலையும் கேட்பது தான் ஒரு தலைமைக்கு அழகு. கடைக்கோடி தொண்டன் பத்திரிகை வைத்தால், அந்த கல்யாணத்தில் புரட்சித் தலைவர் எம்ஜிஆர் இருப்பார். கடைக்கோடி தொண்டனின் குரலுக்கு மாண்புமிகு அம்மா அவர்களின் கான்வாயே நிற்கும். பொறுப்பில் இருப்பவர்களை விட, இயக்கத்தை உயிராய் நேசித்த அந்த அடிப்படைத் தொண்டனைத் தான் நம் தலைவர்கள் அதிகம் நேசித்தார்கள், மதித்தார்கள்.

எடப்பாடி பழனிசாமி, வேலுமணி
எடப்பாடி பழனிசாமி, வேலுமணி

’இந்த இயக்கத்தை நேசிக்கும் எல்லோரும் எந்த பிரிவினையும் இல்லாமல் ஒற்றுமையாக செயல்பட வேண்டும்’ என்று சொல்வது வேலுமணி என்கிற ஒரு தொண்டன் மட்டுமா? இல்லையே 2 கோடி தொண்டரில் யாரைக் கேட்டாலும் இதைத் தான் சொல்வார்கள். வி.கே. சசிகலா, டிடிவி தினகரன் ஆகியோர் தனி இயக்கம் ஆரம்பிக்கும் முன் பலமுறை நம் கழகத்தில் இணைந்து பணியாற்ற முன்வந்தார்கள். முன்னாள் முதல்வர் ஓ. பன்னீர்செல்வம், முன்னாள் அமைச்சர் வைத்திலிங்கம் ஆகியோர் தி.மு.க-வுக்கு செல்லும் முடிவை எளிதாக எடுக்கவில்லை. அதற்கு முன் பலமுறை தங்களை ஆளாக்கிய இந்த இயக்கத்தில் பயணிக்க வேண்டும் என்று பல முயற்சிகளை எடுத்தார்கள். அதேபோல, இன்றைக்கு அமைச்சராக இருக்கும் கே.ஏ. செங்கோட்டையன், பேரவைத் தலைவராக உள்ள ஜே.சி.டி. பிரபாகர் உள்ளிட்ட பலர் கழகத்தில் இணைந்து பயணிக்க பலமுறை முயற்சி எடுத்தும், நீங்கள் ஒரே ஒருவர் ஒப்புக்கொள்ளாமல் விடாப்பிடியாக இருந்ததால்தான் அவர்கள் எல்லாம் தமிழக வெற்றிக் கழகத்துக்கு சென்றார்கள்.

இப்படி, தங்களுக்கு அடையாளம் கொடுத்த இயக்கத்தை விட்டுக்கொடுக்காமல் வந்தவர்களை, எப்போதும் போல உதாசீனப் படுத்தி அனுப்பிவைத்து தான் இன்றைக்கு இந்த நிலைமையில் இருக்கிறோம் என்பதை ஒருகணம் உணர வேண்டும். பொதுச் செயலாளர் அவர்களிடம் எப்போதும் நான் கேட்பது என்று தான்- வேலுமணி உள்ளிட்ட அந்த 2 கோடி தொண்டர்கள் என்ன சொல்ல வருகிறார்கள் என்று ஒருமுறை காது கொடுத்துக் கேளுங்கள். ‘தாய்வழி வந்த தங்கங்கள் எல்லாம் ஓர்வழி நின்று நேர்வழி சென்றால் நாளை நமதே’” எனத் தெரிவித்துள்ளார். சட்டமன்ற தேர்தலுக்கு பிறகு எடப்பாடி பழனிசாமிக்கும், எஸ்.பி.வேலுமணிக்கும் இடையே கருத்து முரண்பாடுகள் இருந்து வந்த நிலையில், இருவரும் ஒருவரையொருவர் வெளிப்படையாக விமர்சனம் செய்திருப்பது உட்கட்சி பூசல் உச்சத்தில் இருப்பதை வெளிப்படுத்தும் வகையில் இருப்பது குறிப்பிடத்தக்கது.

ஆப்ரேஷன் சிந்தூர்: ``இந்தியாவை முடக்க திட்டமிடும் சீனா" - அமெரிக்க ஆணையம் சொல்வது என்ன?

அமெரிக்க நாடாளுமன்றத்தால் கடந்த 2000-ம் ஆண்டு உருவாக்கப்பட்டது 'அமெரிக்க-சீன பொருளாதார மற்றும் பாதுகாப்பு ஆய்வு ஆணையம்' (USCC). இந்த ஆணையம் ஒவ்வொரு ஆண்டும் தனது வருடாந்திர அறிக்கையை சமர்பிக்கும். அந்த... மேலும் பார்க்க

"கோமாளி ஆட்சியாளர்களின் வெட்டி Ego-வால், விவசாயிகள் துயரில் நிற்கிறார்கள்"- உதயநிதி ஸ்டாலின்

"விவசாயிகளின் கவலையில் Content தேறுமா என்று பார்க்காமல், அவர்களின் கண்ணீர் துடைக்கும் வகையில் தாமதமின்றி வறட்சி நிவாரணம் வழங்க வேண்டும்" என்று எதிர்கட்சி தலைவர் உதயநிதி ஸ்டாலின் தவெக அரசை வலியுறுத்திய... மேலும் பார்க்க

பாஜகவில் இணைந்த கிரிக்கெட் வீரர் யுஸ்வேந்திர சாஹல்: தேசிய செயற்குழுவில் சிறப்பு பொறுப்பு!

இந்திய கிரிக்கெட் அணியின் சுழற்பந்து வீச்சாளர் யுஸ்வேந்திர சாஹல், நேற்று பாஜக இணைந்ததாக அக்கட்சி வெளியிட்டுள்ள அறிக்கையில் தெரிவிக்கப்பட்டுள்ளது. கட்சியில் இணைந்த அவருக்கு, பாஜகவின் இதர பிற்படுத்தப்பட... மேலும் பார்க்க

``ஒருமுறை காது கொடுத்துக் கேளுங்கள்" - எடப்பாடி கருத்துக்கு எஸ்.பி.வேலுமணி பதில்!

கோவை விமான நிலையத்தில் அ.தி.மு.க பொதுச்செயலாளர் எடப்பாடி பழனிச்சாமி நேற்று செய்தியாளர்களுக்கு பேட்டிளியத்தார். அப்போது, அ.தி.மு.க-வில் இருந்து பிரிந்து சென்றவர்கள் ஒன்று சேர வாய்ப்பு இருக்கின்றதா எனக்... மேலும் பார்க்க

``என் வேண்டுகோளுக்கு செவிசாய்த்ததால் விலை குறைந்தது" - தங்கம் விலை குறித்து பிரதமர் மோடி

மத்திய கிழக்கு நாடுகளில் ஏற்பட்ட போர்ப் பதற்றத்தால் கச்சா எண்ணெய் விலை உயர்ந்து, இந்தியாவின் அந்நியச் செலாவணி கையிருப்புக்கு நெருக்கடி சூழல் ஏற்பட்டது. அதைத் தொடர்ந்து, கடந்த மே மாதம் ஹைதராபாத்தில் நட... மேலும் பார்க்க