செய்திகள் :

ராணிப்பேட்டை: நகைக்காக தாயைக் கொன்ற மகள் கைது - ஆண் நண்பரிடமும் போலீஸ் தீவிர விசாரணை!

post image

ராணிப்பேட்டை மாவட்டம், வாலாஜாபேட்டை அடுத்திருக்கும் தென்கடப்பந்தாங்கல் பகுதியைச் சேர்ந்த 54 வயதான பெண் கீதா. இவரது கணவர் ரவி, லாரி ஓட்டுநராக சென்னையில் வேலைச் செய்து வருகிறார். இவர்களுக்கு சரண்யா, சுகன்யா என்று இரு மகள்கள். இதில் மூத்த மகள் சரண்யா கணவரைப் பிரிந்து, தனது இருப் பிள்ளைகளுடன் தாய் வீட்டுக்கு வந்துவிட்டார். தற்போது, சரண்யா தனியார் பள்ளியில் ஆசிரியையாக வேலைக்குச் சேர்ந்து சென்று வந்திருக்கிறார்.

தாய் கீதா

இந்த நிலையில், நேற்று முன்தினம் மாலை பள்ளியில் இருந்து வீடு திரும்பிய பேரப்பிள்ளைகள் இருவரும் வீட்டுக்குள் பாட்டி கீதா ரத்தக் காயங்களுடன் இறந்துகிடந்ததை பார்த்து அதிர்ந்துபோயினர். இது குறித்து தகவலறிந்ததும் வாலாஜாபேட்டை போலீஸார் விரைந்து சென்று சம்பவ இடத்தை பார்வையிட்டனர். வீட்டில் இருந்த கீதாவுக்குச் சொந்தமான 10 பவுன் நகைகள் மற்றும் 10,000 ரூபாய் பணமும் மாயமானதாகவும் தெரியவந்தது.

இதனால், `கொள்ளையர்கள் நகை, பணத்துக்காக கீதாவை கொலை செய்திருக்கலாம்’ என்று முதற்கட்டமாக போலீஸார் சந்தேகித்தனர். கைரேகை நிபுணர்களையும் வரைவழைத்து தடயங்களை சேகரித்தனர். பின்னர், கீதாவின் உடலை மீட்டு பிரேத பரிசோதனைக்காக வேலூர் அரசு மருத்துவக்கல்லூரி மருத்துவமனைக்கும் அனுப்பி வைத்தனர்.

இதனிடையே, கீதாவின் கொலையில் அவரது மூத்த மகள் சரண்யாவுக்குத் தொடர்பிருப்பதாக விசாரணையில் தெரியவந்தது. இதையடுத்து, அவரிடம் தீவிர விசாரணை மேற்கொள்ளப்பட்டபோது, தாயை கொன்றதை அவர் ஒப்புக்கொண்டிருக்கிறார். கீதாவிடம் சொந்தமாக 30 பவுன் நகைகள் இருக்கின்றன. அந்த நகைகளை தனது சொந்த தேவைக்காக அடகு வைப்பதற்காக தருமாறு தாய் கீதாவிடம் சரண்யா கேட்டுவந்திருக்கிறார். நகைகளை தாய் கீதா தர மறுத்ததால், சரண்யா ஆத்திரமடைந்து வாக்குவாதம் செய்து வந்திருக்கிறார்.

மகள் சரண்யா

சம்பவத்தன்று தாய் கீதாவிடம் கைகலப்பிலும் ஈடுபட்டிருக்கிறார். ஒருகட்டத்துக்குமேல் தாய் என்றும் பார்ககாமல், கீதாவை கடுமையாக தாக்கி கழுத்தை நெரித்து கொலை செய்திருக்கிறார் மகள் சரண்யா. இதைத்தொடர்ந்து, வீட்டில் இருந்து நகை, பணத்தை எடுத்துக்கொண்டு வெளியே சென்றுவிட்டார் சரண்யா. தாய் கீதா கொல்லப்பட்ட தகவல் அவருக்குக் கிடைத்தவுடன் எதுவும் தெரியாததுபோல வீட்டுக்கு வந்து தாயின் உடலை பார்த்து அழுது நாடகமாடியதை போலீஸார் கண்டறிந்திருக்கின்றனர்.

சரண்யாவை கைது செய்திருக்கும் போலீஸார், அவருடன் திருமணத்தை மீறிய தொடர்பில் இருந்ததாகக் கூறப்படும் ஆண் நண்பரையும் பிடித்து அவருக்கும் கொலையில் தொடர்பிருக்கிறதா? என்கிற கோணத்தில் விசாரணையை தீவிரப்படுத்தியிருக்கின்றனர். இந்தச் சம்பவம், அப்பகுதி மக்களிடையே பெரும் பரபரப்பை ஏற்படுத்தியிருக்கிறது.

ரயில் பெட்டிக்குள் வைத்து பாலியல் வன்கொடுமை... கொலை - தனியாகச் சென்ற பெண்ணுக்கு நேர்ந்த கொடூரம்!

கேரள மாநிலம், திருவனந்தபுரத்தில் இருந்து கடந்த 11-ம் தேதி நாகர்கோவில் வந்த பயணிகள் ரயிலில் ஹேண்ட்ப்ரேக் பழுதானதால் சரி செய்வதற்காக ரயில் நிலைய யார்டில் நிறுத்தி சரி செய்யப்பட்டது. இதனைத் தொடர்ந்து கோட... மேலும் பார்க்க

நெல்லை: படிக்கட்டில் இறந்து கிடந்த சிசு; கர்ப்பத்தை மறைத்து இளம்பெண்ணுக்கு திருமணம் - நடந்தது என்ன?

நெல்லை மாவட்டம், பாளையங்கோட்டை அருகிலுள்ள அரியகுளம் பகுதியைச் சேர்ந்தவர் வெங்கடேஷ். கொத்தனார் வேலை செய்து வருகிறார். இவருக்கும் தாழையூத்து அருகிலுள்ள ஏரான்குடியைச் சேர்ந்த பிச்சம்மாள் என்பவருக்கும் கட... மேலும் பார்க்க

குமரி: சிறுமியை கடத்தி யாசகம் எடுக்க வைக்க முயன்ற தாய்மாமன் - அதிரடியாக கைது செய்த போலீஸார்!

கன்னியாகுமரி மாவட்டம் குளச்சல் சுற்றுவட்டார பகுதிகளில் குடும்பம் குடும்பமாக சுற்றி திரியும் யாசகர் சிலர் இரவு நேரம் குளச்சல் காவல் நிலையம் எதிரே செயல்பட்டு வரும் ஆவின் பாலகம் அருகே படுத்து தூங்குவது வ... மேலும் பார்க்க

திருப்பத்தூர்: பெண் உட்பட இருவர் வெட்டிக்கொலை - பட்டப்பகலில் நடந்தேறிய கொடூரம்!

திருப்பத்தூர் மாவட்டம், தோரணம்பதி அடுத்த வெங்கடேஸ்வரா நகரில் உள்ள தனியார் காலிமனை பகுதிக்கு பெண் ஒருவருடன் ஆண் ஒருவர் காரில் இன்று பிற்பகல் வேளையில் வந்தார். அப்போது, அவர்களை பின்தொடர்ந்து வந்த நபர்கள... மேலும் பார்க்க

சென்னை: ரூ.700 கோடி மதிப்பிலான ஹெராயின் கடத்தல் - பின்னணியில் பிரபல போதை மாஃபியா டீம்!

சென்னையில் பல கோடி ரூபாய் மதிப்புள்ள போதைப் பொருள் கடத்தப்படுவதாக மத்திய வருவாய் புலனாய்வு பிரிவு அதிகாரிகளுக்கு ரகசிய தகவல் கிடைத்தது. உடனடியாக மத்திய வருவாய் புலனாய்வு பிரிவு அதிகாரிகள் சென்னை முழுவ... மேலும் பார்க்க

`விவாகரத்து செய்துவிடுவார் என்று பயந்தேன்' - கணவரின் தோழியை ரூ.13 லட்சம் கொடுத்து கொன்ற மனைவி

புனே விமான நிலையத்தில் பணியாற்றி வந்தவர் வர்ஷா(23). இவர் தனது இரண்டரை வயது மகளுடன் மத்திய பிரதேசத்தில் உள்ள தனது கணவர் வீட்டிற்கு தீபாவளியை கொண்டாட சென்றார். அங்கு அவர் தனது ஆண் நண்பரான தொழிலதிபர் நில... மேலும் பார்க்க