இந்திய அரசு அனைவருடன், அனைவரது வளா்ச்சி என்ற கோட்பாட்டை அறிவித்து செயலாற்றி வருகிறது: குடியரசு தலைவா்

இந்திய அரசு அனைவருடன், அனைவரது வளா்ச்சி என்ற கோட்பாட்டை அறிவித்து செயலாற்றி வருகிறதாக குடியரசு தலைவா் திரௌபதி முா்மு உதகையில் நடைபெற்ற பழங்குடின மக்களுடனான சந்திப்பில் தெரிவித்தாா்.

குடியரசுத் தலைவா் திரௌபதி முா்மு நான்கு நாட்கள் பயணமாக கடந்த 27-ம் தேதி நீலகிரி மாவட்டம் வந்தாா்.

உதகை ராஜ்பவனில் தங்கியுள்ள அவா் வியாழக் கிழமை வெலிங்டன் முப்படை அதிகாரிகள் பயிற்சி கல்லூரியில் பயிற்சி அதிகாரிகளுடன் கலந்துரையாடினாா்.

இந்நிலையில், வெள்ளிக் கிழமை மாலை உதகை ராஜ்பவனில் நீலகிரி மாவட்டத்தில் வாழும் 6 பண்டைய பழங்குடியின மக்களை சந்தித்தாா்.

அப்போது, பண்டைய பழங்குடியினா் நலச்சங்க தலைவா் ஆல்வாஸ் மற்றும் பழங்குடியின பிரதிநிதிகள் தங்கள் மக்களின் சமூக, பொருளாதார நிலை மற்றும் கோரிக்கைகள் குறித்து விளக்கினா்.

பின்னா், அவா்கள் மத்தியில் குடியரசுத் தலைவா் திரௌபதி முா்மு பேசும் போது, ‘இந்தியாவில் 700 பழங்குடியினங்கள் உள்ளனா், இதில், 75 பழங்குடியினங்கள் பண்டைய பழங்குடிகளாவா். நீலகிரி மாவட்டத்தில் 6 பண்டைய பழங்குடியினா் வாழ்கின்றனா்.

நானும் பழங்குடியினத்தை சோ்ந்தவள் என்பதால் பழங்குடியின மக்களின் கல்வி, சமூக மற்றும் பொருளாதார பிரச்சினைகளை நன்கு அறிவேன்.

இந்திய அரசு அனைவருடன், அனைவரது வளா்ச்சி என்ற கோட்பாட்டை அறிவித்து செயலாற்றி வருகிறது. இதில், பழங்குடியினா் பின்தங்கியுள்ளனா். அவா்களின் முன்னேற்றம் தான் இந்த கோட்பாட்டை முழுமை பெற செய்யும்.

நீலகிரி மாவட்ட பழங்குடியினா் கல்வியறிவு பெற்று முன்னேறி வருகின்றனா்.

தமிழக அரசு பழங்குடியினா் முன்னேற்றத்துக்கு முயற்சி செய்து வருகிறது.

மத்திய, மாநில அரசுகள் பழங்குடியினருக்கு வழங்கும் திட்டங்கள் குறித்து பழங்குடியின மக்களுக்கு முழுமையாக தெரியவில்லை.

இந்த திட்டங்கள் பழங்குடியின மக்களுக்கு சென்றடைய முயற்சி செய்ய வேண்டும்.

பண்டைய பழங்குடியின மக்களுக்கு நிலம் இல்லை. வனம் தங்களது வீடு, இந்த உலகமே கடவுள் அளித்தது என வாழ்ந்து வருகின்றனா். அவா்களுக்கு தங்கள் பெயரில் நிலத்தை பதிவு செய்ய வேண்டும் என்ற விழிப்புணா்வு இல்லை. இதனால், பிரதமரின் அனைவருக்கும் வீடு திட்டத்தில், இம்மக்களுக்கு வீடுகள் கிடைப்பதில் சிக்கல் உள்ளது.

கடந்த 2006ம் ஆண்டு இந்திய அரசு பழங்குடியினருக்காக வன உரிமை சட்டத்தை கொண்டு வந்தது.

மத்திய, மாநில அரசுகள் நிலமற்ற பழங்குடியினருக்கு நிலம் வழங்க வேண்டும்.

மலைப்பகுதிகளில் வாழும் பழங்குடியினருக்கு நிலம் மற்றும் வீடு கட்ட கூடுதல் நிதி அளிக்க நிதி அயோக்கை நான் வலியுறுத்தி உள்ளேன்.

பழங்குடியின மக்கள் திறன் வாய்ந்தவா்கள். அவா்களின் முன்னேற்றத்துக்கு அரசுகள் பாடுபட வேண்டும்.

அவா்களின் முன்னேற்றம், நாட்டின் முன்னேற்றத்துக்கு உதவும்’’ என்றாா்.

இந்த நிகழ்ச்சியில் தமிழக ஆளுநா் ஆா்.என்.ரவி,பிற்படுத்தப்பட்டோா் நலத்துறை அமைச்சா் சிவ.வீ மெய்யநாதன் உள்ளிட்டப் பலா் கலந்து கொண்டனா்.

படம்

1.மேடையில் பேசும் குடியரசு தலைவா்

2.மேடையில் பேசும் நீலகிரி மாவட்ட பழங்குடியின தலைவா் ஆல்வாஸ்

3.குடியரசு தலைருக்கு பழங்குடிகளின் பாரம்பரிய பூத்துக்குளி போா்வை வழங்கி வரவேற்கும் பழங்குடியினப் பெண்

சாா் படம் இன்னும் அவா்கள் அனுப்பவில்லை, டிடி வீடியோவில் கட் செய்து அனுப்பியுள்ளேன் வேறு படம் வந்தால் அனுப்புகிறன்