செய்திகள் :

`தன் முடிவை என்னிடம் இப்படி தான் சொன்னார்.!' - தோனியின் ஓய்வு தருணத்தை பகிரும் ஜாகீர் கான்

post image

ஐபிஎல் 2027 சீசனுக்கான வீரர்கள் தக்கவைப்பு பட்டியல் வெளியானபோது, சென்னை சூப்பர் கிங்ஸ் ரசிகர்களுக்கு ஒரு சோகமான செய்தியும் உடன் வந்தது. சிஎஸ்கே அணியின் தூணாக விளங்கிய மகேந்திர சிங் தோனி, தனது விளையாட்டு வாழ்க்கைக்கு முற்றுப்புள்ளி வைத்து, அணியின் ஆலோசகராக (Mentor) புதிய பொறுப்பை ஏற்றுக்கொண்டார். இந்த திடீர் முடிவு குறித்தும், தோனியுடனான உரையாடல் குறித்தும் அணியின் புதிய தலைமைப் பயிற்சியாளர் ஜாகீர் கான் தற்போது மனம் திறந்துள்ளார்.

சற்றும் எதிர்பாராத அறிவிப்பு!

சிஎஸ்கே யூடியூப் சேனலில் பதிவேற்றப்பட்ட ஒரு வீடியோவில் பேசிய ஜாகீர் கான், தோனியின் ஓய்வு முடிவு எந்தவித பெரிய அறிவிப்போ, நீண்ட விவாதமோ இல்லாமல் மிகவும் சாதாரணமாக தன்னிடம் தெரிவிக்கப்பட்டதாகக் குறிப்பிட்டார்.

"உண்மையைச் சொல்ல வேண்டுமென்றால், அவர் அதைச் சொன்னபோது நான் சற்றும் எதிர்பார்க்கவில்லை. உங்களுக்குத் தெரியும், அவர் எந்த விஷயத்தையும் பெரிதுபடுத்த விரும்பமாட்டார். ஒரு சாதாரண உரையாடலின்போது, 'சரி, இதுதான் முடிவு. ஏலத்திற்குச் செல்ல உங்களிடம் கொஞ்சம் கூடுதல் பணம் இருக்கும்' என்று மிகவும் இயல்பாகச் சொன்னார்," என்று கூறி, அந்தத் தருணத்தில் அவர் அடைந்த திகைப்பை வெளிப்படுத்தினார்.

தோனி | GT v CSK

வரவிருக்கும் சீசனுக்கான திட்டங்கள் மற்றும் வீரர்களின் காம்பினேஷன் குறித்து தீவிரமாக யோசித்துக்கொண்டிருந்த நேரத்தில் இந்த அறிவிப்பு வந்ததாக ஜாகீர் கான் கூறினார். ஐபிஎல் தொடரின் புதிய சுழற்சி தொடங்கும் வேளையில் தோனியின் ஓய்வு குறித்த விவாதங்கள் எழலாம் என்று எதிர்பார்த்ததாகவும், ஆனால் இந்த நேரம் முழுக்க முழுக்க தோனியின் முடிவு என்றும் அவர் குறிப்பிட்டார்.

"தனிப்பட்ட முறையில் நான் அதைப் பற்றி சிந்திக்கவே இல்லை. ஏனென்றால், அவர் எம்.எஸ். எது சரி, எதை எப்போது செய்ய வேண்டும் என்பது அவருக்கு நன்றாகத் தெரியும்," என்று தோனியின் மீதுள்ள தனது அசைக்க முடியாத நம்பிக்கையை ஜாகீர் வெளிப்படுத்தினார்.

ஜாகீர் கான்

தோனியின் ஓய்வு அறிவிப்புக்குப் பிந்தைய நாட்கள் அணிக்குள் மிகவும் உணர்ச்சிப்பூர்வமாக இருந்ததாக ஜாகீர் கான் விவரித்தார். "இது எங்களுக்கு ஒரு உணர்ச்சிகரமான வாரம். கலவையான உணர்வுகள் இருந்தன. ஒவ்வொரு ஆண்டும், எம்.எஸ். இந்த சீசனில் அணிக்காக விளையாடுவார் என்று நீங்கள் எதிர்பார்ப்பீர்கள். அவர் இப்போதும் அணியுடன் இருப்பார், ஆனால் வேறு ஒரு அவதாரத்தில். அதுதான் இந்தக் கலவையான உணர்வுகளுக்குக் காரணம்," என்றார்.

அடுத்த சீசனில் தோனி ஒரு வீரராக களத்தில் இருக்க மாட்டார் என்பதை ஏற்றுக்கொள்வது கடினமாக இருந்தாலும், அவர் அடுத்த தலைமுறை வீரர்களுக்கு வழிகாட்ட இருப்பது ஒரு வரப்பிரசாதம் என்றும் அவர் கூறினார்.

2008-ல் ஐபிஎல் தொடங்கியதிலிருந்து சென்னை சூப்பர் கிங்ஸ் அணியின் முகமாகவே தோனி திகழ்ந்தார். அவரது தலைமையில் சிஎஸ்கே அணி ஐந்து ஐபிஎல் கோப்பைகளையும், இரண்டு சாம்பியன்ஸ் லீக் கோப்பைகளையும் வென்றுள்ளது. மேலும், 12 முறை பிளேஆஃப் சுற்றுக்கு தகுதி பெற்றுள்ளது. ஒரு வீரருக்கும் அணிக்கும் இடையேயான மிக வலுவான உறவுகளில் ஒன்றாக தோனி-சிஎஸ்கே பந்தம் பார்க்கப்படுகிறது. இதை எதிரொலிக்கும் விதமாக, "எம்.எஸ். இல்லாமல் சிஎஸ்கே இல்லை என்று சீனிவாசன் சார் சரியாகச் சொன்னார், அதுதான் உண்மையும் கூட," என்று ஜாகீர் கான் உணர்வுப்பூர்வமாக குறிப்பிட்டார்.

இருப்பினும், இந்த உணர்ச்சிப்பூர்வமான முடிவுக்கு மத்தியிலும் ஜாகீர் கான் நம்பிக்கையுடன் இருக்கிறார். உலகக் கோப்பையை வென்ற கேப்டன், தனது சுமையைப் பகிர்ந்து கொள்ள உடன் இருப்பது மகிழ்ச்சியளிப்பதாகக் கூறினார். "ஆனால், அவர் என்னுடன் சுமையைப் பகிர்ந்துகொண்டு, என் வேலையை எளிதாக்கி, சரியான திசையில் எங்களை வழிநடத்தப் போகிறார் என்பதில் நான் உற்சாகமாக இருக்கிறேன்," என்றார்.

ஐபிஎல் தொடரின் 20-வது சீசனுக்கான வீரர்கள் தக்கவைப்புப் பட்டியலை வெளியிடுவதற்கு சற்று முன்பு, நவம்பர் 17 அன்று சிஎஸ்கே அணி தோனியின் ஓய்வை அதிகாரப்பூர்வமாக அறிவித்தது. கடந்த 2026 ஐபிஎல் சீசனில் வீரராகப் பதிவு செய்யப்பட்டிருந்தும், தோனி ஒரு போட்டியில் கூட விளையாடவில்லை என்பது குறிப்பிடத்தக்கது. கடந்த மூன்று சீசன்களாக பிளேஆஃப் சுற்றுக்கு தகுதி பெறத் தவறிய சிஎஸ்கே, மீண்டும் எழுச்சி பெற முயற்சிக்கும். தோனி களத்தில் இல்லாவிட்டாலும், டிரெஸ்ஸிங் ரூமில் இருந்து கடினமான காலங்களில் அணிக்கு வழிகாட்டுவார் என்பது ரசிகர்களுக்கு மிகப்பெரிய ஆறுதல்.

'சச்சினையே கேள்வி கேட்டிருப்பார்கள்!' - சிராஜ் நீக்கத்தால் கொந்தளித்த கைஃப், கவாஸ்கர், ரவி சாஸ்திரி

நியூசிலாந்துக்கு எதிரான முதல் டெஸ்ட் போட்டியில் இருந்து வேகப்பந்து வீச்சாளர் முகமது சிராஜ் நீக்கப்பட்டது, இந்திய கிரிக்கெட் வட்டாரத்தில் பெரும் புயலைக் கிளப்பியுள்ளது. இங்கிலாந்து தொடரில் இந்தியாவின் ... மேலும் பார்க்க

KKR : 24 மடங்கு அதிகரித்த மதிப்பு! - 22% பங்குகளை அமெரிக்க கம்பெனிக்கு விற்ற நடிகை ஜூஹி சாவ்லா கணவர்

கொல்கத்தா நைட்ரைடர்ஸ் அணியில் பாலிவுட் நடிகர் ஷாருக்கானுக்கு 55 சதவீத பங்கு இருக்கிறது. அவரது தோழியான நடிகை ஜூஹி சாவ்லாவிற்கு 45 சதவீத பங்கு இருக்கிறது. இந்த பங்கு ஜூஹி சாவ்லாவின் கணவர் ஜெய் மேத்தா பெ... மேலும் பார்க்க

"சில அத்தியாயங்கள் முடிவுக்கு வரத்தான் வேண்டும்!"- தோனி ஓய்வு குறித்து சாக்‌ஷி தோனி நெகிழ்ச்சி!

ஐபிஎல் தொடரிலிருந்து மகேந்திர சிங் தோனி தனது ஓய்வை அறிவித்துள்ள நிலையில், அவரது மனைவி சாக்‌ஷி தோனி சமூக வலைதளத்தில் வெளியிட்டுள்ள உருக்கமான பதிவு ரசிகர்களை நெகிழ்ச்சியில் ஆழ்த்தியுள்ளது. கிரிக்கெட் கள... மேலும் பார்க்க

``IPL தொடரிலிருந்துதான் ஓய்வு: CSK-வுடன் தோனி பயணிப்பார்" - சீனிவாசன்

ஐபிஎல் தொடரில் வீரராக மகேந்திர சிங் தோனியின் பயணம் அதிகாரபூர்வமாக முடிவுக்கு வந்துள்ளது. வீரராகத் தனது ஓய்வை அறிவித்துள்ள அவர், வரும் 2027-ம் ஆண்டு ஐபிஎல் சீசன் முதல் CSK அணியின் புதிய ஆலோசகராக நியமிக... மேலும் பார்க்க

Dhoni : நிறைவேறாத ஆசையுடன் ஓய்வு பெற்ற தோனி! - பின்னணி என்ன?

ஐ.பி.எல் போட்டிகளிலிருந்து தோனி ஓய்வு பெறுவதாக சென்னை அணி நிர்வாகம் அறிவித்திருக்கிறது. கடந்த சில ஆண்டுகளாகவே ஒவ்வொரு சீசனுக்கும் தோனி ஆடுவாரா மாட்டாரா எனும் கேள்வி எழுந்து கொண்டே இருக்கும். இறுதியில்... மேலும் பார்க்க

"சீதா ராம்... சீதா ராம்!" – சேவாக்குடன் போட்டியின் கடைசி நிமிடங்களை பகிர்ந்த மகன் ஆர்யவீர்

பாகிஸ்தானுக்கு எதிரான பரபரப்பான இறுதிப்போட்டி… 361 ரன்கள் குவித்து தொடர் நாயகன் விருது… தந்தையிடம் மனம் திறந்த 15 வயது ஆர்யவீர்!இந்திய கிரிக்கெட்டின் அதிரடி ஆட்டக்காரராக அறியப்பட்ட வீரேந்திர சேவாக், த... மேலும் பார்க்க