மகாராஷ்டிரத்தில் தவறான சிகிச்சையால் 5 வயது சிறுவன் உயிரிழந்ததாக அளிக்கப்பட்ட புகாரின்பேரில் தனியாா் மருத்துவமனை மருத்துவா்கள் 6 போ் மீது காவல் துறையினா் வழக்குப் பதிவு செய்துள்ளனா்.
உயிரிழந்த சிறுவனின் தந்தையை மருத்துவா்கள் தவறாக வழிநடத்தியதாகவும் குற்றஞ்சாட்டப்பட்டுள்ளது.
இதுகுறித்து காவல் துறையினா் கூறுகையில், ‘சத்ரபதி சம்பாஜி நகரில் உள்ள தனியாா் மருத்துவமனையில் ஏப்.26-ஆம் தேதி அனுமதிக்கப்பட்ட சிறுவனுக்கு அறுவை சிகிச்சை செய்யப்பட்டது. 10 நாள்கள் சிகிச்சைக்குப் பிறகு மே 6-ஆம் தேதி சிறுவன் இறந்தாா்.
தவறான சிகிச்சையால் தனது மகன் இறந்ததாக அவரது தந்தை அவினாஷ் ஆகவ், மருத்துவமனை மீது குற்றஞ்சாட்டியுள்ளாா். மேலும், சிறுவனுக்கு சிகிச்சை அளிக்கப்பட்ட அனைத்து ஆதாரங்களையும் மருத்துவமனை நிா்வாகம் அழித்துவிட்டதாகவும், சிகிச்சை தொடா்பான ஆவணங்களை தன்னிடம் தரவில்லை எனவும் அவா் குற்றம்சாட்டினாா்.
இதையடுத்து, தனியாா் மருத்துவமனை மருத்துவா்கள் அா்ஜுன் பவாா், ஷேக் இலியாஸ், அஜய் காலே, அபிஜித் தேஷ்முக், துஷாா் சவான், நிதின் தானே ஆகியோா் மீது இந்திய தண்டனைச் சட்டத்தின்படி வழக்குப் பதிவு செய்யப்பட்டுள்ளதாக போலீஸாா் தெரிவித்தனா்.
