ஈரோடு கிழக்குத் தொகுதி இடைத் தேர்தல்: களத்தில் நாம் தமிழர் கட்சி - யார் இந்த வேட...
நந்தா கல்வி நிறுவனங்களின் சாா்பில் பள்ளிகளுக்கு இடையேயான விளையாட்டுப் போட்டி அண்மையில் நடைபெற்றது.
விளையாட்டுப் போட்டிகளை ஸ்ரீ நந்தா கல்வி அறக்கட்டளை தலைவா் வி.சண்முகன் தொடங்கிவைத்தாா். ஆண்கள் பிரிவில் கபடி, கைப்பந்து, கையுந்துப்பந்து, கால்பந்து ஆகிய போட்டிகளும், பெண்கள் பிரிவில் கபடி, எறிப்பந்து, கூடைப்பந்து மற்றும் கையுந்துப்பந்து ஆகிய போட்டிகளும் நடத்தப்பட்டன
இதில் சென்னை, கடலூா், ஈரோடு, நாமக்கல், திருச்செங்கோடு, கோவை ஆகிய பகுதிகளில் செயல்பட்டு வரும் சுயநிதி, அரசு மற்றும் அரசு உதவிபெறும் 70-க்கும் மேற்பட்ட பள்ளிகளிலிருந்து 90 அணிகளில் மாணவா்கள் கலந்து கொண்டனா்.
தொடக்க நிகழ்வில் ஸ்ரீ நந்தா கல்வி அறக்கட்டளையின் செயலா் எஸ்.நந்தகுமாா் பிரதீப், நந்தா கல்வி நிறுவனங்களின் செயலா் எஸ்.திருமூா்த்தி, நந்தா தொழில்நுட்ப வளாகத்தின் நிா்வாக அலுவலா் ஏ.கே. வேலுசாமி ஆகியோா் முன்னிலை வகித்தனா்.
போட்டிகளில் வெற்றிபெற்ற பள்ளிகளின் அணிகளுக்கு முதன்மை கல்வி அதிகாரி எஸ்.ஆறுமுகம், நந்தா பொறியியல் கல்லூரியின் முதல்வா் யு.எஸ்.ரகுபதி, தொழில்நுட்ப கல்லூரியின் முதல்வா் எஸ். நந்தகோபால் ஆகியோா் பரிசுகளை வழங்கினா்.
நந்தா பாலிடெக்னின் கல்லூரி முதல்வரும், விளையாட்டு போட்டி ஒருங்கிணைப்பாளருமான ஜி. மோகன்குமாா் நன்றி கூறினாா்.
