ஜம்மு-காஷ்மீரில் துப்பாக்கிச்சூடு: 3 பயங்கரவாதிகள் சுட்டுக் கொலை!
திருநெல்வேலி காவேரி மருத்துவமனையில், இரு சிறுநீரகங்களும் செயலிழந்த மகனுக்கு, புற்றுநோய்க்கு சிகிச்சை பெறும் தாயின் சிறுநீரகம் வெற்றிகரமாக பொருத்தப்பட்டது.
இது குறித்து அம்மருத்துவமனை சாா்பில் வெளியிடப்பட்ட செய்திக்குறிப்பு: திருநெல்வேலி காவேரி மருத்துவமனையில், இரு சிறுநீரகங்களும் செயலிழந்த இளைஞா் ஒருவா் டயாலிசிஸ் சிகிச்சை பெற்று வந்தாா்.
அவரது தாய் கடந்த 2023-ஆம் ஆண்டு மாா்பக புற்றுநோயால் பாதிக்கப்பட்ட நிலையில், அவருக்கு அறுவை சிகிச்சை செய்யப்பட்டுள்ளது. தொடா்ந்து புற்றுநோய்க்கு சிகிச்சை பெற்றுவரும் அந்த தாயின் சிறுநீரகத்தை தானமாகப் பெற்று, இரு சிறுநீரகமும் செயலிழந்த அவரது மகனுக்கு பொருத்தி காவேரி மருத்துவமனை மருத்துவா்கள் சாதனை படைத்துள்ளனா்.
இதுகுறித்து சிறுநீரகவியல் நிபுணா் சங்கர ஆவுடையப்பன் கூறியதாவது: சிறுநீரக செயலிழப்பால் டயாலிசிஸ் சிகிச்சை பெற்று வந்த இளைஞருக்கு, அவரது தாயாா் சிறுநீரக தானம் செய்ய முன்வந்தாா்.
2023-ஆம் ஆண்டு மாா்பக புற்றுநோயால் பாதிக்கப்பட்ட அவருக்கு அறுவை சிகிச்சை மற்றும் கதிரியக்க சிகிச்சை மூலம் புற்றுநோய் குணப்படுத்தப்பட்டு, நோய் பரவாமல் தற்போது கட்டுப்பாட்டில் உள்ளது.
மருத்துவ ரீதியாக அவா் சிறுநீரக தானம் செய்ய தகுதியுடையவா் என்பது உறுதிசெய்யப்பட்ட பின்னா், இந்த சிறுநீரக மாற்று அறுவை சிகிச்சை மேற்கொள்ளப்பட்ட து. தாயும், மகனும் தற்போது நலமுடன் உள்ளனா் என தெரிவித்தாா்.
