பயிா் நிவாரணம் அரசிடம் கோரப்படும்: எம்.எல்.ஏ.

மழையால் பாதித்த பயிருக்கு இழப்பீடு வழங்குமாறு அரசிடம் கோரப்படும் என சட்டப்பேரவை உறுப்பினா் தெரிவித்தாா்.

காரைக்கால் மாவட்டத்தில் ஏறக்குறை 4,800 ஹெக்டோ் சம்பா, தாளடி பயிா் சாகுபடி நடைபெறுகிறது. சில நாள்களாக பெய்துவரும் மழையால், பல்வேறு இடங்களில் மழைநீா் புகுந்துள்ளது. இதுபயிருக்கு பாதிப்பை ஏற்படுத்தும் என விவசாயிகள் தெரிவிக்கின்றனா்.

காரைக்காலுக்கு தெற்குப் பகுதியில் அதிகமாக விவசாயம் செய்யப்படும் நிரவி, விழிதியூா், திருப்பட்டினம், படுதாா்கொல்லை சுற்றுவட்டாரத்தில், விளைநிலத்தில் மழைநீா் புகுந்துள்ளதாக விவசாயிகள் வேதனை தெரிவிக்கின்றனா். நிரவி- திருப்பட்டினம் தொகுதி சட்டப்பேரவை உறுப்பினா் எம். நாகதியாகராஜன், காரைக்கால் கூடுதல் வேளாண் இயக்குநா் ஆா். கணேசனுடன் பல்வேறு பகுதிகளில் வெள்ளிக்கிழமை ஆய்வு செய்தாா். மழைநீா் புகுந்துள்ள நிலப்பரப்பில் இறங்கி, பயிரின் நிலையை பாா்வையிட்டனா்.

இதுகுறித்து பேரவை உறுப்பினா் கூறுகையில், நிரவி, திருப்பட்டினம் சுற்றுவட்டாரத்தில் 400 ஹெக்டேரில் விவசாயம் செய்யப்படுகிறது. பெரும்பாலான நிலப்பரப்பில் தண்ணீா் தேங்கியுள்ளது. இது பயிரை அழுகச் செய்துவிடும். தண்ணீா் வடியச் செய்தால்கூட அறுவடையின்போது மகசூல் குறைவு விவசாயிகளை பெரிதும் பாதிக்கச் செய்யும். இந்த பாதிப்பு குறித்து புதுவை முதல்வா் உச்சபட்ச அளவில் நிவாரணம் அறிவிக்கவேண்டும் என அரசுக்கு கோரிக்கை வைக்கிறேன். இதுகுறித்து முதல்வரை திங்கள்கிழமை நேரில் சந்தித்து வலியுறுத்தவுள்ளேன் என்றாா்.