காந்தா: ``இந்தக் கதை என்னைவிட்டு போயிடுமோனு பயமா இருந்துச்சு" - துல்கர் சல்மான் ...
பிக் பாஸ் சீசன் 9 நிகழ்ச்சி கடந்த 4 வாரங்களைக் கடந்திருக்கிறது. மொத்தம் 20 பேர் பங்கேற்றிருந்த இந்தப் போட்டியில் 5 பேர் வெளியேற புதிதாக பிரஜின், சாண்ட்ரா, அமித் பார்கவ், திவ்யா கணேஷ் என நான்கு பேர் வைல்டு கார்டு மூலம் உள்ளே சென்றிருக்கின்றனர்.
பிக் பாஸ் வீட்டில் இந்த வாரம் போட்டியாளர்களுக்கு 'ஆஹா ஓஹோ ஹோட்டல்' என்ற டாஸ்க் கொடுக்கப்பட்டிருக்கிறது. அந்த ஹோட்டல் டாஸ்க்கில் கெஸ்ட் ஆக பழைய பிக் பாஸ் போட்டியாளர்களான தீபக், பிரியங்கா, மஞ்சரி உள்ளே வந்திருக்கின்றனர்.
இந்த 'ஆஹா ஓஹோ ஹோட்டல்' டாஸ்க்கில் மேனேஜர் ஆக செயல்பட்ட திவ்யா கணேஷ் மீது ஹவுஸ் மேட்ஸ் குற்றம் சாட்டிருந்தனர்.
'பொறுமை தேவை, நிதானம் தேவை', 'ரொம்ப கடுமையாக நடந்துக்குறாங்க', 'நீங்க வந்து அப்படி என்ன பண்ணிட்டீங்க', 'டீமை எப்படி வழி நடத்தணும்'னு தெரியல' என ஹவுஸ் மேட்ஸ் திவ்யாவை சாடி இருந்தனர்.
இந்நிலையில் தற்போது வெளியாகி இருக்கும் இரண்டாவது புரோமோவில் திவ்யா கோபப்பட்டு கத்துகிறார். " திவாகருக்கு சப்போர்ட் செய்யுற நீ, எனக்கு ஒரு பிரச்னை'னு வந்தப்போதும் பேசிருக்கணும் தானே?" என விக்ரமிடம் கோபப்பட்டு பேசுகிறார் திவ்யா.
"நியாயம் இருக்க நாள தான் பேசுறாங்க என கம்ருதீன்" சொல்ல "நியாயம் தர்மம் பத்திலாம் பேசாத, ஒரு நிகழ்ச்சியில என்ன பேசணும், பேசக்கூடாதுனு தெரியாத நீ இதையெல்லாம் பேசவேக்கூடாது" என திவ்யா கத்துகிறார்.
இதனைத்தொடர்ந்து துஷாருக்கும், திவ்யாவிற்கும் வாக்குவாதம் நடக்கிறது. "உனக்கு மேனஸ் இல்லையா?" என திவ்யா, துஷாரை காட்டமாக பேசுகிறார்.
