DC Vs GT: அந்த நேரத்தில் விக்கெட்டுகள் விழுந்தது தான் பின்னடைவு! – தோல்வி குறித்து அக்சர் படேல்

ஐபிஎல் 2026 தொடரின் நேற்றைய (ஏப்ரல் 8) விறுவிறுப்பான ஆட்டத்தில் குஜராத் டைட்டன்ஸ் மற்றும் டெல்லி கேபிடல்ஸ் அணிகள் மோதின.

கடைசி வரை த்ரில்லாகச் சென்ற இந்தப் போட்டியில், டெல்லி அணி இலக்கை எட்ட முடியாமல் நூலிழையில் தோல்வியடைந்தது.

போட்டிக்கு பிறகு தோல்வி குறித்து பேசிய அக்சர் படேல், "நிச்சயமாக, இன்று இரண்டு அணிகளுமே மிகச்சிறந்த ஆட்டத்தை வெளிப்படுத்தினோம்.

இது போன்ற மிக நெருக்கமான ஆட்டங்களில், தோல்விக்கான காரணங்களாக நீங்கள் எதை வேண்டுமானாலும் சுட்டிக்காட்டலாம்.

நாங்கள் நன்றாகவே விளையாடினோம், ஆனால் இலக்கைத் துரத்தும்போது இன்னும் கொஞ்சம் புத்திசாலித்தனமாகச் செயல்பட்டிருக்கலாம் என்று தோன்றுகிறது.

குறிப்பாக, ஆட்டத்தின் முக்கியமான கட்டங்களில் விக்கெட்டுகள் விழுந்தது எங்களுக்குப் பெரும் பின்னடைவை ஏற்படுத்தியது.

அந்த விக்கெட்டுகள் விழாமல் இருந்திருந்தால், நாங்கள் இன்னும் முன்னதாகவே இந்த இலக்கை எட்டி வெற்றியை முடித்திருக்கக் கூடும்.

கே.எல். ராகுலின் ஆட்டம் இன்று மிகச்சிறப்பாக இருந்தது. தொடக்கத்தில் அதிரடியாக ஆடிய அவர், அதன் பிறகு விக்கெட்டுகள் ஒருபுறம் விழுந்தாலும் ஆட்டத்தின் வேகத்தைக் குறைக்காமல் பார்த்துக் கொண்டார். 

ரன் ரேட் குறையாமல் அவர் ஆடிய விதம் பாராட்டுக்குரியது. ஒட்டுமொத்தமாக நாங்கள் ஒரு தரமான ஆட்டத்தையே வெளிப்படுத்தி வருகிறோம்.

ஒரு சில தவறுகளைச் சரிசெய்து கொண்டு, அடுத்த போட்டியில் நிச்சயமாக வெற்றியைப் பதிவு செய்வோம்," என்று நம்பிக்கையுடன் பேசியிருக்கிறார்.